اپریل سے جنوری 2024 تک، ہندوستان نے پچھلے سال کی اسی مدت کے مقابلے میں بجلی کی پیداوار میں 6.60 فیصد کی قابل ذکر اضافہ کا تجربہ کیا۔ خاص طور پر اس عرصے کے دوران کوئلے پر مبنی بجلی کی پیداوار میں قابل ستائش 10.06 فیصد اضافہ تھا۔

بڑھتی ہوئی بجلی کی طلب کے باوجود، ملاوٹ کے لیے کوئلے کی درآمد میں اپریل 23 سے جنوری 24 کے دوران 36.69 فیصد کی نمایاں کمی دیکھی گئی جو 19.36 ایم ٹی  تک پہنچ گئی جو پچھلے سال کی اسی مدت میں 30.58 ایم ٹی  تھی۔ یہ کامیابی  کوئلے کی پیداوار میں خود انحصاری حاصل کرنے اور کوئلے کی مجموعی درآمدات کو کم کرنے کے لیے ملک کے ثابت قدم عزم کی  عکاس  ہے۔

ہندوستان میں بجلی کی پیداوار روایتی (تھرمل، نیوکلیئر اور ہائیڈرو) اور قابل تجدید ذرائع (ونڈ، سولر، بایوماس وغیرہ) میں متنوع ہے۔ تاہم، کوئلہ سب سے بڑا ذریعہ ہے، جس کا  بجلی کی کل پیداوار میں 70 فیصد سے زیادہ حصہ ہے۔

ہندوستان میں کوئلے پر مبنی بجلی کی پیداوار ملک کی بڑھتی ہوئی توانائی کی ضروریات کو پورا کرنے میں اہم رہی ہے۔ فی الحال، بھارت میں  صنعتی توسیع، تکنیکی ترقی اور اقتصادی ترقی وغیرہ کی وجہ سے بجلی کی ضروریات میں کافی اضافہ دیکھا جارہا ہے۔

حکومت کوئلے کی دستیابی کو بڑھانے اور درآمدی کوئلے پر انحصار کو کم کرنے کے مقصد سے کوئلے کی پیداوار کو مزید بڑھانے کے لیے اپنی انتھک کوششوں کو  جاری  رکھے ہوئے ہے۔ یہ اسٹریٹجک نقطہ نظر ملک کی توانائی کی حفاظت کو تقویت دیتے ہوئے غیر ملکی ذخائر کی حفاظت کرتا ہے۔

 

******

ش ح ۔ا م۔م ص۔

U:5388

(Release ID: 2009223) Visitor Counter : 77