سابق صدر جمہوریہ جناب رام ناتھ کووند کی صدارت میں بھارتی حکومت  کی طرف سے تشکیل دی گئی ،اعلیٰ سطحی کمیٹی (ایچ ایل سی) نے، ملک میں بیک وقت انتخابات کے انعقاد سے متعلق معاملے کا جائزہ لینے اور اس پر سفارشات پیش کرنے کے لیے ایک میٹنگ کی۔ یہ میٹنگ آج نئی دہلی میں جودھ پور آفیسرز ہاسٹل میں کمیٹی کے دفتر میں منعقد کی گئی۔   قانون وانصاف کی وزارت کے وزیرمملکت(آزادانہ چارج)  جناب  ارجن رام میگھوال، راجیہ سبھا میں اپوزیشن کے سابق لیڈر،جناب غلام نبی آزاد،15ویں مالیاتی کمیشن کے سابق چیئرمین ، جناب این کے سنگھ، سابق سکریٹری جنرل، لوک سبھا  ، ڈاکٹر سبھاش سی کشیپ ، سابق چیف ویجیلنس کمشنر ،جناب سنجے کوٹھاری اور سینئر ایڈوکیٹ ،جناب ہریش سالوے، نے  اس میٹنگ میں شرکت کی۔ ایچ ایل سی نے اپنی مختلف سرگرمیوں کا جائزہ لیا۔

*********

 (ش ح۔ش م۔ع آ)

U-5363

(Release ID: 2009030) Visitor Counter : 50