ہندوستان کے تیسرے درجے کی صحت کی دیکھ بھال کے بنیادی ڈھانچے اور خدمات کو مضبوط بنانے کی سمت میں ایک تاریخی پیش رفت میں، وزیر اعظم جناب نریندر مودی نے  آج راجکوٹ (گجرات)، بھٹنڈہ (پنجاب)، رائے بریلی (اتر پردیش) کلیانی (مغربی بنگال) اور منگلاگیری (آندھرا پردیش)، میں پانچ آل انڈیا انسٹی ٹیوٹ آف میڈیکل سائنسز (اے آئی آئی ایم ایس) کو قوم کے نام وقف کیا۔ انہوں نے 23 ریاستوں اور مرکز کے زیر انتظام علاقوں میں 11,700 کروڑ روپے  مالیت کےکل 202 ہیلتھ کیئر انفراسٹرکچر پروجیکٹوں کا افتتاح کیا، ان کا سنگ بنیاد رکھا اور قوم کے نام وقف کیا۔

اس موقع پر ڈاکٹر منسکھ مانڈویا، مرکزی وزیر صحت اور خاندانی بہبود؛ گجرات کے وزیر اعلیٰ جناب بھوپیندر بھائی پٹیل؛ آیوش اور خواتین اور بچوں کی ترقی کے وزیر مملکت جناب مہندرا منجا پارا اور گجرات کے وزیر صحت جناب رشی کیش پٹیل موجود تھے۔ عزت مآب گورنر صاحبان ،مرکزی وزراء، وزرائے اعلیٰ، ریاستی وزرائے صحت ، کابینہ کے وزراء، ارکان پارلیمنٹ اور قانون ساز اسمبلیوں نے بھی ملک بھر کے مختلف مقامات سے اس  تقریب میں ورچوئل طور پر شرکت کی۔

اجتماع سے خطاب کرتے ہوئے، وزیر اعظم نے کہا، ‘‘آج 5 اے آئی آئی ایم ایس کا وقف اس بات کی جھلک دیتا ہے کہ وکست بھارت میں صحت کی دیکھ بھال کا بنیادی ڈھانچہ کس طرح تیار ہوگا۔’’ اس بات پر روشنی ڈالتے ہوئے کہ ‘‘ نئی دہلی میں صرف ایک اے آئی آئی ایم ایس  طویل عرصے سے ملک کی خدمت کر رہا ہے’’، انہوں نے کہا کہ ‘‘آج ملک بھر میں مختلف صلاحیتوں کے حامل بہت سے نئے ایمس کام کر رہے ہیں’’۔ انہوں نے یہ بھی کہا کہ "ملک بھر میں متعدد پروجیکٹوں کا سنگ بنیاد رکھا جانا اور  افتتاح ،بشمول ان 5 اے آئی آئی ایم ایس   جن کا افتتاح کیا گیا ہے ، تیز رفتاری سے کام کرنے کی ایک نئی روایت کو ظاہر کرتا ہے’’۔

گزشتہ 10 سالوں کے دوران حاصل کیے گئے کچھ اہم سنگ میلوں پر روشنی ڈالتے ہوئے، وزیر اعظم نے کہا کہ ‘‘2014 میں تقریباً 380 میڈیکل کالجوں سے، آج 700 سے زیادہ میڈیکل کالج ہیں۔ پی جی اور ایم بی بی ایس کی سیٹیں 2014 کے مقابلے میں دگنا سے زیادہ ہو گئی ہیں اور جن اوشدھی کیندرآج پورے ملک میں 10,000 سے زیادہ  اکائیوں  تک پھیل چکے ہیں’’۔

وزیر اعظم نے اس بات کی بھی نشاندہی کی کہ ایمس راجکوٹ کا سنگ بنیاد ان کے ذریعہ 3 سال پہلے رکھا گیا تھا اور وہ وعدہ آج پورا ہوا ہے۔ اسی طرح بھٹنڈہ، رائے بریلی، منگلاگیری، کلیانی اور ریواڑی  کو بھی  ایمس کا وعدہ دیا گیا تھا۔ گزشتہ 10 سالوں میں مختلف ریاستوں میں 10 نئے ایمس کو منظوری دی گئی ہے۔ انہوں نے ان تمام شہروں کے باشندوں کے لیے بھی نیک خواہشات کا اظہار کیا جہاں آج ایمس کا افتتاح کیا گیا تھا۔

5 اے آئی آئی ایم ایس  کے علاوہ، 202 ہیلتھ کیئر انفرااسٹرکچر پروجیکٹس جن کا عملی طور پر افتتاح کیا گیا اور سنگ بنیاد رکھا گیا، ان میں درج ذیل شامل ہیں:

• کرائیکل، پڈوچیری میں جواہر لال انسٹی ٹیوٹ آف پوسٹ گریجویٹ میڈیکل ایجوکیشن اینڈ ریسرچ (جے آئی پی ایم ای آر) کے میڈیکل کالج کا وقف اور سنگرور، پنجاب میں پوسٹ گریجویٹ انسٹی ٹیوٹ آف میڈیکل اینڈ ایجوکیشنل ریسرچ(پی جی آئی ایم ای آر) کے 300 بستروں پر مشتمل سیٹلائٹ سینٹر؛ یانم، پڈوچیری میں جے آئی پی ایم ای آر  کا 90 بستروں والا ملٹی اسپیشلٹی کنسلٹنگ یونٹ؛ چنئی میں ایک عمر رسیدہ لوگوں کے لئے ایک قومی مرکز؛ پورنیا، بہار میں ایک نیا سرکاری میڈیکل کالج؛ انڈین کونسل آف میڈیکل ریسرچ (آئی سی ایم آر) کی 2 فیلڈ یونٹس یعنی نیشنل انسٹی ٹیوٹ آف وائرولوجی (این آئی وی) کیرالہ یونٹ، الاپپوزا، کیرالہ اور نیشنل انسٹی ٹیوٹ آف ریسرچ ان ٹی بی (این آئی آر ٹی): نئی جامع ٹی بی ریسرچ فیسیلٹی، تروولور، تمل ناڈو کے درمیان۔ دوسرے
• فیروز پور، پنجاب میں پی جی آئی ایم ای آر کے 100 بستروں پر مشتمل سیٹلائٹ سینٹر سمیت صحت کے مختلف منصوبوں کا سنگ بنیاد رکھنا؛ آر ایم ایل  ہسپتال، دہلی میں ایک نئی میڈیکل کالج کی عمارت؛ دیگر میں ریجنل انسٹی ٹیوٹ آف میڈیکل سائنسز(آر آئی ایم ایس) ، امپھال میں ایک کریٹیکل کیئر بلاک؛ جھارکھنڈ میں کوڈرما اور دمکا میں نرسنگ کالج  شامل ہیں۔
• نیشنل ہیلتھ مشن(این ایچ ایم) اور وزیر اعظم- آیوشمان بھارت ہیلتھ انفراسٹرکچر مشن (پی ایم- اے بی ایچ آئی ایم ) کے تحت، وزیر اعظم نے 115 پروجیکٹوں کا سنگ بنیاد رکھا،افتتاح کیا، قوم کو وقف کیا اور ان میں  پی ایم- اے بی ایچ آئی ایم  کے تحت 78 پروجیکٹ شامل ہیں۔ ان میں سے 57 کریٹیکل کیئر بلاکس(سی سی بیز) کا سنگ بنیاد رکھا گیا جن کی کل رقم 1,625 کروڑ روپے سے زیادہ ہے; 10 کروڑ روپے کے 8 انٹیگریٹڈ پبلک ہیلتھ لیبارٹریز (آئی پی ایچ ایل)  اور 3 کروڑ روپے مالیت کے 4 بلاک پبلک ہیلتھ یونٹس(بی پی ایچ یوز) ۔ اس کے علاوہ 7 آئی پی ایچ ایل ایس  جن کی کل رقم 8 کروڑ روپے سے زیادہ ہے۔ اور 9  بی پی ایچ یوز جن کی رقم 6 کروڑ روپے سے زیادہ ہے۔ آج قوم کے لیے وقف کیے گئے۔
• این ایچ ایم  کے تحت، 29 پراجیکٹس (8 پی ایچ سی، 16سی ایچ سی،1 ماڈل اسپتال،100 بستروں والے ایم سی ایچ  ونگز اور ایک ڈسٹرکٹ ویئر ہاؤس) جس کی رقم 290 کروڑ روپے سے زیادہ ہے، کا افتتاح کیا گیا/ قوم کو وقف کیا گیا اور میڈیکل آفیسرز کے لیے 1 ٹرانزٹ ہاسٹل کا سنگ بنیاد رکھا گیا جس کی تعمیر  1.98 کروڑ روپے کی رقم  خرچ ہوگی ۔
• پونے، مہاراشٹر میں نیسرگ گرام کے نام سے نیشنل انسٹی ٹیوٹ آف نیچروپیتھی کا افتتاح۔ اس میں ایک نیچروپیتھی میڈیکل کالج کے ساتھ ملٹی ڈسپلنری ریسرچ اینڈ ایکسٹینشن سنٹر کے ساتھ 250 بستروں کا ہسپتال شامل ہے۔
• جھجر، ہریانہ میں سینٹرل ریسرچ انسٹی ٹیوٹ آف یوگا اینڈ نیچروپیتھی کا افتتاح۔ اس میں اعلیٰ سطح کے یوگا اور نیچروپیتھی ریسرچ کی سہولیات ہوں گی۔
• فوڈ سیفٹی اسٹینڈرڈ اتھارٹی آف انڈیا (ایف ایس ایس اے آئی) کے ذریعہ 10 نئی مائیکرو بایولوجی لیبارٹریوں کا افتتاح کیا گیا جس کی کل لاگت تقریباً 45 کروڑ روپے ہے۔ یہ لیباریٹریاں آٹھ ریاستوں میں ریاستی فوڈ ٹیسٹنگ لیبارٹریز (ایس ایف ٹی ایل ایس) کے نام سے- اتر پردیش (لکھنؤ، میرٹھ)، کیرالہ (ارناکولم، کوزی کوڈ)، مہاراشٹر (ممبئی)، چھتیس گڑھ (رائے پور)، آسام (گوہاٹی)، دہلی (شمال مغربی دہلی) ، آندھرا پردیش (وشاکھاپٹنم) اور تمل ناڈو (کوئمبٹور) ہیں۔ یہ لیبارٹریز کھانے کی مصنوعات میں پیتھوجینز سمیت مختلف مائکروجرسوموں کا پتہ لگا کر خوراک کی حفاظت کو یقینی بنانے میں اہم کردار ادا کریں گی۔ 53 موبائل ٹیسٹنگ لیبارٹریز، جنہیں فوڈ سیفٹی آن وہیلز (ایف ایس ڈبلیو) کے نام سے جانا جاتا ہے، کا بھی مختلف ریاستوں/ مرکز کے زیرانتظام علاقوں میں افتتاح کیا گیا، جن میں آسام (17)، آندھرا پردیش (4)، چندی گڑھ (1)، ہماچل پردیش (3)، جموں و کشمیر شامل ہیں۔ (6)، میگھالیہ (2)، اتر پردیش (18) اور اتراکھنڈ (2) شامل ہیں۔

 پس منظر:

راجکوٹ، بھٹنڈہ، رائے بریلی، کلیانی اور منگل گری میں 5 ایمس کو کل 6315.23 کروڑ روپے کی لاگت سے تعمیر کیا گیا ہے۔

ایمس منگلاگیری ایک 960 بستروں کا ہسپتال کمپلیکس ہے جسے 1618.23 کروڑ روپے کی لاگت سے بنایا گیا ہے۔ یہ 183.11 ایکڑ رقبے پر پھیلا ہوا ہے۔ اس میں ایک میڈیکل کالج ہے جس میں 125 نشستیں ہیں۔

اے آئی آئی ایم ایس  رائے بریلی ایک 610 بستروں کا ہسپتال ہے جس میں 30 ایمرجنسی اور ٹراما اور آئی سی یو اور سپر اسپیشلٹی بیڈ ہیں۔ اس میں ایک میڈیکل کالج ہے جس میں 100 نشستیں ہیں اور 12 آپریشن تھیٹر ہیں جن میں 2 ایمرجنسی اور 2 آبسٹیٹرکس او ٹی ہیں۔ اس کی کل پروجیکٹ لاگت  823 کروڑ روپے ہے۔

ایمس راجکوٹ 1195 کروڑ روپے کی لاگت سے بنایا گیا ہے۔ یہ 750 بستروں پر مشتمل ہسپتال کا کمپلیکس ہے جس میں 50 نشستوں کا میڈیکل کالج ہے اور یہ 201 ایکڑ کے رقبے پر محیط ہے۔

ایمس بھٹنڈہ ایک 750 بستروں کا میڈیکل انسٹی ٹیوٹ ہے جو 177 ایکڑ اراضی پر بنایا گیا ہے۔ اس میں 10 اسپیشلٹی ڈپارٹمنٹس، 11 سپر اسپیشلٹی ڈیپارٹمنٹس اور 6 آپریشن تھیٹرز اور 30 ​​ایمرجنسی اینڈ ٹراما اور آئی سی یو اور سپر اسپیشلٹی بیڈز ہیں۔ ایمس بھٹنڈہ میں 100 سیٹوں کے ساتھ ایک میڈیکل کالج اور 60 سیٹوں کے ساتھ ایک نرسنگ کالج ہے۔ اس کی کل پروجیکٹ لاگت  925 کروڑ روپے ہے۔

ایمس کلیانی ایک 960 بستروں کا ہسپتال ہے جو 179.82 ایکڑ اراضی پر بنایا گیا ہے۔ اس میں 125 سیٹوں کے ساتھ ایک میڈیکل کالج، 60 سیٹوں کے ساتھ ایک نرسنگ کالج اور 30 ​​بستروں والا آیوش بلاک ہے۔ اس کی کل پروجیکٹ لاگت  1754 کروڑ روپے ہے۔

*************

( ش ح ۔ج  ق ۔ رض (

U. No: 5359