گرام پنچایت کے  مقامی ترقیاتی منصوبے پر دو روزہ کراس لرننگ انٹرایکٹو قومی ورکشاپ،  آج بھوپال میں کامیابی کے ساتھ اختتام پذیر ہوا ، جس نے زمینی  سطح پر مقامی منصوبہ بندی کے اقدامات کو آگے بڑھانے میں ایک اہم سنگ میل قائم کیا۔ اسکول آف پلاننگ اینڈ آرکیٹیکچر، بھوپال کے تعاون سے پنچایتی راج کی وزارت کے ذریعہ منعقدہ قومی ورکشاپ میں ملک بھر کی مختلف ریاستوں کے گرام پنچایتوں، منصوبہ بندی کے اداروں اور سرکاری افسران کی سرگرم  شرکت  شامل رہی۔ پنچایتی راج کی وزارت کے سکریٹری جناب وویک بھاردواج،  ایڈیشنل چیف سکریٹری، محکمہ پنچایت اور دیہی ترقی، حکومت مدھیہ پردیش، جناب مالے شریواستو؛ پنچایتی راج کی وزارت کے ایڈیشنل سکریٹری ڈاکٹر چندر شیکھر کمار،  پنچایتی راج کی وزارت کے جوائنٹ سکریٹری جناب آلوک پریم ناگر اور ڈائرکٹر، اسکول آف پلاننگ اینڈ آرکیٹیکچر، بھوپال پروفیسر کیلاسا راؤ ایم سمیت سینئر افسران نے ورکشاپ سے خطاب کیا اور نظامت کی۔

 

آج بھوپال میں جی پی ایس ڈی پی ورکشاپ سے خطاب کرتے ہوئے پنچایتی راج کی وزارت کے ایڈیشنل سکریٹری، ڈاکٹر چندر شیکھر کمار نے دیہی تبدیلی کے لیے ایک مقامی نقطہ نظر، تعاون ، عزم کے ساتھ ساتھ اسکیموں اور وسائل کے ہم آہنگی کی وکالت کے لیے حکومت کے عزم کو اجاگر کیا تاکہ نشان زد اہداف کو حاصل کیا جا سکے۔ ڈاکٹر کمار نے ایک جامع جائزہ پیش کیا جس میں دیہی رہائش گاہوں کی از سر نو ترقی  کے ضروری پہلوؤں پر روشنی ڈالی گئی۔ انہوں  نے اپنی تقریر میں  ماسٹر پلاننگ، مؤثر فنڈنگ کی حکمت عملیوں اور متحرک کوششوں کی ضرورت کا احاطہ کیا۔ انہوں نے گرام پنچایتوں پر بھی زور دیا کہ وہ پائیدار دیہی ترقی کے لیے اجتماعی کارروائی کی اہمیت پر زور دیتے ہوئے اپنی کوششوں میں باہمی تعاون اور نتیجہ پر مبنی نقطہ نظر اختیار کریں۔

 

پنچایتی راج کی وزارت کے جوائنٹ سکریٹری جناب آلوک پریم ناگر نے زمینی  سطح پر مقامی اور پائیدار ترقی کے مشترکہ وژن کو عملی جامہ پہنانے کی تحریکی اپیل کے ساتھ گرام پنچایت کےمقامی ترقیاتی منصوبہ پر قومی ورکشاپ کے دوسرے دن کا رخ ترتیب دیا۔ انہوں نے گرام پنچایتوں اور دیگر متعلقہ شراکت داروں  پر زور دیا کہ وہ احتیاط سے حکمت عملی بنائیں اور اجتماعی اور ٹھوس کوششوں کے ذریعے ٹھوس نتائج حاصل کرنے کے لیے پورے دلجمعی سے عہد کریں۔

 

 

قومی ورکشاپ کا دوسرا دن،  ایک اور افزودہ اور نتیجہ خیز دن ثابت ہوا کیونکہ شرکاء نے گرام پنچایتوں میں مقامی ترقی کو آگے بڑھانے کے مقصد سے گہرائی سے بات چیت اور تعاون پر مبنی اقدامات کا جائزہ لیا۔ ورکشاپ نے گرام پنچایت کے مقامی ترقیاتی منصوبوں کے نفاذ کی طرف مضبوطی سے کام کرنے اور آگے بڑھنے پر زور دیا۔  پنچایتی راج کی وزارت میں سکریٹری کے کلیدی خطاب نے زمینی سطح پر مثبت تبدیلیوں کو متاثر کرنے کے لیے ایک واضح وژن، روڈ میپ اور حکمت عملی فراہم کی، جس سے منصوبے پر عمل درآمد کے لیے اہم اقدامات شروع کیے گئے۔

 

 

دو روزہ قومی ورکشاپ میں مختلف ریاستوں کے ٹاؤن اینڈ کنٹری پلاننگ کے محکموں کے ساتھ ہم آہنگی اور باہمی تعاون کے مواقع تلاش کرنے کے لیے پرکشش بات چیت ہوئی۔ مقامی منصوبہ بندی کے لازمی اجزاء کے طور پر زمین اور اثاثہ منیٹائزیشن کے ذریعے گرام پنچایتوں کے لیے اون سورس ریونیو (او ایس آر) بڑھانے کی حکمت عملیوں پر غور و خوض کیا گیا۔ گرام پنچایتوں میں مقامی منصوبہ بندی کے موثر نفاذ کو یقینی بنانے کے لیے ایک واضح ٹائم لائن اور اختراعی حکمت عملی کی ضرورت کے ساتھ ایک واضح روڈ میپ پر تفصیل سے تبادلہ خیال کیا گیا۔

 

 

ورکشاپ،  تمام تجاویز پر غور کرتے ہوئے ایک واضح روڈ میپ اور قابل عمل حکمت عملی کے ساتھ اختتام پذیر ہوئی۔ ریاستیں اور مرکز کے زیر انتظام علاقے، وزارت کے وژن کو آگے بڑھانے اور مقامی منصوبہ بندی کو حقیقت میں بدلنے کے لیے پرعزم ہیں۔ گرام پنچایت کے  مقامی ترقیاتی منصوبہ پر قومی ورکشاپ،   اپنے مقاصد کو پورا کرنے، گرام پنچایتوں اور ریاستی سطح کے اداروں کے لیے اہم نکات اور سیکھنے کے مواقع فراہم کرنے میں انتہائی کامیاب ثابت ہوئی۔ شرکاء نے ماسٹر پلاننگ اور مقامی منصوبہ بندی کے نشان زد  شعبوں میں ضروری اقدامات کرنے کا عزم کیا، جس سے ہندوستان کے دیہاتوں/دیہی مناظر کی طویل مدتی ترقی کی ضروریات کو پورا کیا جا سکتا ہے۔

*************

ش ح۔ع ح۔ ر ب

U-5300

(Release ID: 2008457) Visitor Counter : 43