بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے آج شمال مشرقی خطہ گوہاٹی کے لیے 308 کروڑ روپے کے پروجیکٹوں کی نقاب کشائی کرتے ہوئے آبی گزرگاہوں کی ترقی کےمقصد سے ایک بڑا کام شروع کیا۔ یہ تقریب بیک وقت ڈبرو گڑھ کے بوگیبیل، کریم گنج کے بدر پور، دھوبری میں آئی ڈبلیو اے آئی پورٹ کے ساتھ ساتھ تریپورہ کے سونامورا میں بھی منعقد ہوئی۔

مرکزی وزیر کے ساتھ نقل وحمل،ماہی پروری اور ایکسائز، آسام کے وزیر پرمل سکلبیدیا ،وزیر صحت اور خاندانی بہبود، انفارمیشن ٹیکنالوجی، آسام، کیشب مہانتا؛ گوہاٹی کے رکن پارلیمنٹ (لوک سبھا) ملکہ اوجا جبکہ مرکزی وزیر پٹرولیم اور قدرتی گیس اور مزدور روزگار، حکومت ہند، رامیشور تیلی نے ڈبرو گڑھ سے پروگرام میں شمولیت اختیار کی۔ سونامورا میں، اس تقریب میں وزیر ٹرانسپورٹ، سیاحت، اور خوراک، شہری سپلائی اور امور صارفین، تریپورہ، سوشانتا چودھری سمیت دیگر معززین نے شرکت کی۔ پانڈو میں، اس تقریب میں گوہاٹی ایسٹ کے ایم ایل اے، سدھارتھ بھٹاچایا، گوہاٹی میونسپل کارپوریشن (جی ایم سی) کے میئر مریگن سرنیا ،گوہاٹی میونسپل کارپوریشن (جی ایم سی) کی ڈپٹی میئر سمیتا رائے، چیئرمین، آئی ڈبلیو اے آئی، وجے کمار؛  آئی ڈبلیو اے آئی کے وائس چیئرمین سنیل کمار سنگھ، ممتاز سماجی کارکن تپن داس کے ساتھ دیگر معززین نے بھی شرکت کی۔ ڈبروگڑھ میں، اس تقریب کو چیئرمین، آل آسام انڈسٹریل کارپوریشن (اے آئی ڈی سی) اور ایم ایل اے، ڈبروگڑھ، پرسنتا فوکن موران کے ایم ایل اے چکردھر گوگویا کے ساتھ ساتھ چبوا کے ایم ایل اے پوناکن بروا نے بھی شرکت کی۔

 وزیر موصوف نے آج یہاں ڈبرو گڑھ کے قریب بوگیبیل میں مسافر اور کارگو ٹرمینل، تریپورہ کے سونامورا میں اندرون ملک واٹر ٹرانسپورٹ ٹرمینل اور آسام میں کریم گنج اور بدر پور میں اپ گریڈشدہ ٹرمینل کا افتتاح کیا۔ یہ ٹرمینل باربرداری اور مسافروں کی نقل و حرکت دونوں کے لیے خطے میں آئی ڈبلیو ٹی کو نئی زندگی دینے میں اہم کردار ادا کرے گا، جس سے تجارت اورکامرس کی ترقی کی راہ ہموار ہوگی۔

انہوں نے دھوبری میں کسٹم امیگریشن آفس کی تعمیر کے ساتھ ساتھ آئی ڈبلیو اے آئی جوگیگھوپا ٹرمینل کے لیے کمپاؤنڈ وال کی تعمیر کا بھی سنگ بنیاد رکھا۔ نو افتتاح شدہ بوگیبیل ٹرمینل تقریباً 50 کروڑ روپے کی سرمایہ کاری سے تعمیر کیا جا رہا ہے۔ اس پروجیکٹ میں کارگو اور مسافر برتھ،معاون اور دیگر اندرونی سڑکیں، ٹرانزٹ شیڈ، اوپن اسٹوریج ایریا(کھلاذخیرہ کاری کاعلاقہ)، ٹرک پارکنگ ایریا، مسافروں کے انتظار کا علاقہ شامل ہے۔ یہ ایکو ٹورازم (ماحولیاتی سیاحت) میں اضافے کے ساتھ ساتھ چائے، پولیمر، کوئلہ، کھاد وغیرہ جیسے موجودہ اہم تجارت کے لیے منافع بخش معیشتوں کو بہتر کرنے کا باعث بنے گا۔ اس ٹرمینل کی لمبائی کو 100 میٹر تک بڑھایا جائے گا اور فوری طور پر تعمیر شروع کر دی جائے گی۔ بوگیبیل میں امیگریشن، کسٹمز اورآئی ڈبلیو اے آئی کے لیے ایک مربوط آفس بھی 18 کروڑ روپے کی لاگت سے تعمیر کیا جا رہا ہے۔ بوگیبیل ٹرمینل پر 12 کروڑ روپے کی لاگت سے بینک کے تحفظ اورحفاظتی پشتہ کی توسیع کا ایک منصوبہ بھی فوری طور پر شروع کیا جائے گا۔

سونامورا میں آئی ڈبلیو ٹی ٹرمینل6.91 کروڑروپئے کی سرمایہ کاری سے تیار کیا گیا ہے۔ کریم گنج اور بدر پور میں اپ گریڈ شدہ ٹرمینلز 6.40 کروڑ روپئے کی سرمایہ کاری سے مکمل ہوئے۔ سونامورا میں آئی ڈبلیو ٹی ٹرمینل سرحد پار تجارت کو اپنی طرف متوجہ کرنے کی صلاحیت رکھتا ہے جس میں بوری بند سیمنٹ، باغبانی، کنزیومر پروڈکٹس (صارفین مصنوعات) اور ہندوستان اور بنگلہ دیش کے درمیان سڑک کے ذریعے منتقل ہونے والی دیگر مقامی اشیا شامل ہیں۔ اس حفاظتی پشتہ کو ایک کثیر المقاصد پشتہ کے طور پر بھی تیار کیا جا رہا ہے تاکہ دونوں ممالک کے درمیان فیریز (کرائے کی کشتیوں )پر مسافروں کی نقل و حرکت میں مدد ملے۔ کریم گنج اور بدر پور میں تجدید شدہ اور اپ گریڈ شدہ ٹرمینلز اور برآمدی سرگرمیوں کومزید آسان بنائیں گےاوراشیائے ضروریہ کی مقدار میں اضافہ کریں گے۔ سیمنٹ کی صنعت،ا سٹون کرشر، کوئلے کے ذخائر، فوڈ پروسیسنگ (خوراک کی ڈبہ بندی)یونٹس، ٹی اسٹیٹ وغیرہ کی موجودگی کی وجہ سے آسام کے کاچار، کریم گنج اور ہیلاکنڈی کے اضلاع اور میزورم، تریپورہ، منی پور اور میگھالیہ سے ملحقہ ریاستوں میں پروجیکٹوں کا بڑا اثر  دیکھنے میں آرہاہے۔

اس موقع پر گفتگو کرتے ہوئے، جناب سونووال نے کہا، ‘‘وزیر اعظم نریندر مودی کی متحرک قیادت میں آج یہاں شروع کیے گئے بڑے پروجیکٹوں کے ساتھ آبی گزرگاہوں کا ہمارا بھرپور اور پیچیدہ جال تیار کیا جا رہا ہے۔ مودی کی گارنٹی شمال مشرق کی آبی گزرگاہوں کو وکست بھارت کی طرف بڑھا رہی ہے۔ بوگیبیل کے ٹرمینلز خطے کے لیے اقتصادی ترقی کے  محرک کے طور پر کام کریں گے، جس سے بالائی آسام اور اروناچل پردیش کے لیے تجارتی مواقع کو مزید فروغ ملے گا۔ تریپورہ میں سونامورا ٹرمینل ہندوستان اور بنگلہ دیش کے درمیان سرحد پار تجارت کو مزید آگے بڑھائے گا۔ کریم گنج اور بدر پور ٹرمینلز سے تجارت کے مواقع کو بھی تقویت ملے گی۔ یہ تمام پروجیکٹ شمال مشرق کی طرف نریندر مودی جی کے ویژن کو عملی جامہ پہنانے کی سمت میں ایک طویل سفر طے کریں گے جو ہندوستان کی ترقی کے پاور ہاؤس کے طور پر کام کرتے ہوئے وکست بھارت بننے کی طرف بڑھیں گے۔

مرکزی وزیر نے دھوبری میں 7.5 کروڑ روپے کی سرمایہ کاری سے کسٹمز امیگریشن آفس کی تعمیر کا بھی سنگ بنیاد رکھا۔ آسام کے گول پارہ میں جوگیگھوپا ٹرمینل پر بھی باؤنڈری وال کی تعمیر شروع ہوگی۔آئی ڈبلیو اے آئی جوگیگھوپا ٹرمینل کی دیوار، جو 18 کروڑ روپے کی لاگت سے تعمیر کی جا رہی ہے، ٹرمینل کو محفوظ بنائے گی۔شمال مشرقی خطے(این ای آر) میں8.45 کروڑ روپئے کی لاگت سے 6 سیاحتی حفاظتی پشتے، جوگیگھوپا، تیج پور، بشواناتھ گھاٹ، نیمتی، سعدیہ، بندا کوٹا میں بھی تعمیر کیے جائیں گے۔ ان میں سے تین پہلے ہی فراہم کر دیے گئے ہیں اور باقی تین جلد فراہم کر دیے جائیں گے۔ یہ پروجیکٹ این ڈبلیو-2 کے ساتھ موجودہ انفراسٹرکچر کو اپ گریڈ کرنے اورمال برداری، مسافروں کی نقل و حمل، دریا کی سیاحت کے لیے وسیع امکانات کو تسلیم کرنے کے لیے متعارف کرایا گیا ہے۔

گوہاٹی میں دو الیکٹرک کیٹاماران (برقی کشتیوں کا بیڑے) اگست 2024 تک گوہاٹی میں تعینات کیے جائیں گے۔ الیکٹرک کیٹاماران، کوچین شپ یارڈ لمیٹڈ نے 36 کروڑ روپئے کی لاگت سے تیار کیا ہے،جو گوہاٹی کے لوگوں کے لیے مواصلاتی سہولیات میں اضافہ کرے گا۔ 50 کی تعداد پر مشتمل یہ برقی ہائی برڈکشتیوں کا بیڑا گوہاٹی میں دریاپار کرنے کے لئے کی جانے والی سواری اور مسافروں کی سیاحت کے لیے استعمال کیا جاتا ہے۔ یہ موجودہ اہم تجارت جیسے کوئلہ، پتھر کے چپس، پولیمر، کھاد وغیرہ کے لیے  آئی بی پی کے راستے اور بھوٹان سے آبی گزرگاہوں کے ذریعہ معیشتوں کو بہتر بنائے گا اور روزگار اور اقتصادی ترقی کی حوصلہ افزائی کرے گا۔ این ڈبلیو-2 اور این ڈبلیو-16 کے لیے 19 مسافر بردار جہاز فراہم کیے جائیں گے اور این ڈبلیو-2 پر 25 کروڑ روپے کی لاگت سے کشتیوں والے  دو ٹرمینل بنائے جائیں گے۔

خطے میں آبی گزرگاہوں کی ترقی کے لیے نئے بڑے اقدامات کا اعلان کرتے ہوئے، جناب سونووال نے کہا، ‘‘مجھے آپ سب کے ساتھ یہ بات شیئر کرتے ہوئے بے حد خوشی ہو رہی ہے کہ ہم نے قومی آبی گزرگاہوں پر یعنی دریائے برہم پترا پر 6 سیاحتی حفاظتی پشتے تعینات کرنے کا فیصلہ کیا ہے۔ ہم نے گوہاٹی میں 2 الیکٹرک ہائبرڈکشتیوں کے بیڑے کو تعینات کرنے کا بھی فیصلہ کیا ہے جس سے برہمپترا کے ساتھ ساتھ دونوں کناروں کے درمیان مسافروں کو سفر کرنے میں آسانی ہوگی۔ ایک طاقتور شمال مشرقی خطہ کے مودی جی کے وژن کو حاصل کرنے کی طرف، مجھے یہ بتاتے ہوئے خوشی ہو رہی ہے کہ ڈریجنگ کارپوریشن آف انڈیا شمال مشرقی خطے میں ڈریجنگ (دلدل کی صفائی) کا کام شروع کرے گی۔ یہ اقدامات ہمارے آبی گزرگاہوں کو شمال مشرقی خطے کی صورتحال میں تبدیلی لانے  کے عمل میں معاون ثابت ہوں گے اور نریندر مودی جی کے وژن، وکست بھارت بننے کی طرف ہندوستان کی ترقی کی کہانی کا پاور ہاؤس بنیں گے۔ یہ تبدیلی کے منصوبے، وزیر اعظم نریندر مودی جی کی دور اندیش قیادت میں، مودی حکومت کی ’ایکٹ ایسٹ‘ پالیسی کو آگے بڑھاتے ہوئے، شمال مشرقی خطہ کے لیے رابطے اور خوشحالی کے ایک نئے دور کی نشاندہی کریں گے۔ یہ اقدامات مودی جی کے ‘سب کا ساتھ، سب کا وکاس’ کے ویژن کو پورا کرتے ہوئے خطے میں جامع نشوونما اور ترقی کے لیے مودی جی کے اٹل عزم کی عکاسی کرتے ہیں’’۔

سیاحتی حفاظتی پشتے برہمپترا (این ڈبلیو2) کے ساتھ موجودہ بنیادی ڈھانچے کو بڑھا کر ریاست کی امید افزا سیاحتی صنعت کو مزید تقویت دیں گے۔ یہ حفاظتی پشتے 8.45 کروڑ روپے کی سرمایہ کاری سے بنائے جارہے ہیں۔ الیکٹرک ہائبرڈ کشتیوں کے بیڑے، جو 36 کروڑ روپے کی سرمایہ کاری سے گوہاٹی میں تعینات کیے جا رہے ہیں، اندرون ملک آبی گزرگاہوں میں سبز توانائی متعارف کرائیں گے۔ ڈریجنگ کارپوریشن آف انڈیا (ڈی سی آئی) ، بھارت کا سب سے بڑا ادارہ جو دلدل کی صفائی سے متعلق کارروائیوں کے لیے وقف ہے، دریاؤں برہم پترا (این ڈبلیو2)  اور براک (این ڈبلیو16) پر کام شروع کرے گا۔ شمال مشرقی خطے(این ای آر) میں این ڈبلیو-2 کے دھوبری-جوگیگھوپا حصے، دھوبری-ہتسنگیماری، شمالی گوہاٹی-جنوبی گوہاٹی، این ڈبلیو-16 پر نیامتی-کملاباری اور لکھی پور-بھنگا میں صفائی سے متعلق کارروائیاں 124 کروڑ روپئے کی لاگت سے کی جائیں گی۔ یہ پروجیکٹ مستقل اور مناسب مسودے کو برقرار رکھنے میں مدد کرے گا اور شمال مشرق کی قومی آبی گزرگاہوں میں کارگو اور مسافروں کی بغیر کسی رکاوٹ کے نقل و حرکت میں مدد کرے گا۔

آبی گزرگاہوں کی مضبوطی کو آگے بڑھانے کے لیے کیے جانے والے کام کے دائرہ کار کی وضاحت کرتے ہوئے، سربانند سونووال نے کہا، ‘‘وزیر اعظم کی دور اندیش قیادت میں ہماری کابینہ نے حال ہی میں بحری راستوں سےنقل وحمل میں تعاون پر بی آئی ایم ایس ٹی ای سی معاہدے پر دستخط کرنے کی منظوری دی ہے۔ ہماری نیبر ہڈ فرسٹ (ہمسایہ پہلے) پالیسی کی روح میں یہ معاہدہ سات بی آئی ایم ایس ٹی ای سی ممالک کے درمیان آبی راستوں سے ہونے والی باربرداری کی بغیر کسی رکاوٹ کے نقل و حرکت کا آغاز کرے گا۔ اس معاہدے کے نتیجے میں تجارت اور تجارت میں اضافہ ہوگا، انتظامی اور طریقہ کار میں تاخیر کے خاتمے کے نتیجے میں لاجسٹک اخراجات میں کمی، مینوفیکچرنگ میں اضافہ اور روزگار کے مواقع میں اضافہ ہوگا۔ ہم نے دیگر قومی آبی گزرگاہوں پر کروز ٹورازم  (سمندری سیاحت )کے لیے متعدد دیگر راستے تیار کرنے کے لیے دریائی ساحلی سیاحت کے لیے ایک روڈ میپ بھی اپنایا ہے۔ آنے والے سالوں میں ریور کروز ٹورازم (دریائی ساحلی سیاحت )کی ترقی کے لیے 45,000 کروڑ روپے خرچ کیے جائیں گے۔ یہ ہمارے ملک کے 20,000 کلومیٹر طویل اور متحرک اندرون ملک آبی گزرگاہوں میں موجود بے پناہ صلاحیت کو ظاہر کرتا ہے۔ آئی ڈبلیو ٹی سیکٹر(اندرون ملک آبی گزرگاہوں سے نقل وحمل کاشعبہ) بھی ماحول دوست سبز اقدامات ۔ یعنی برقی کشتیوں کا بیڑا، ہائیڈروجن سے چلنے والے کیٹاماران پیکس ویسل وغیرہ کی ترقی کا مشاہدہ کر رہا ہے ۔ ابتدائی ہدف اگلے 10 برسوں میں 1000 جہازوں، فیریوں اور کشتیوں کی منتقلی میں مدد فراہم کرنا ہے اور بالآخر 2047 تک تمام ماحول دوستی سے ہم آہنگ  جہازوں کی فراہمی کے ہدف کو حاصل کرنا ہے۔ اقتصادی ترقی اور خوشحالی کو آگے بڑھانے میں ان آبی گزرگاہوں کا اہم کردار ہے۔ آپریشنل قومی آبی گزرگاہوں میں 700فیصد اضافہ ہوا ہے، جو 2014 میں صرف 3 سے 24 آپریشنل نیشنل واٹر ویز تک پہنچ گیا ہے، ملٹی موڈل ٹرمینلز میں 56فیصد کا غیر معمولی اضافہ اور قومی آبی گزرگاہوں میں سرمایہ کاری میں 200% اضافہ ہوا ہے۔آئی ڈبلیو ٹی سیکٹر 2014 سے تجارت اور نقل و حمل کے معاملے میں بے مثال اضافے کا سامنا کر رہا ہے۔ وزیر اعظم جناب نریندر مودی کی دور اندیش قیادت میں پچھلے 10 برسوں کے دوران، ہم نے اپنی 20,000 کلومیٹر طویل اندرون ملک آبی گزرگاہوں کے شعبہ کی صلاحیت کو ترقی دینے اور تلاش کرنے کے لیے قابل ذکر کوششیں کی ہیں۔

شمال مشرق میں ان آبی گزرگاہوں کی ترقی کے لیے وقف کردہ پچھلے کچھ سالوں میں 1,000 کروڑروپئے سے زیادہ کی کافی سرمایہ کاری سے اسٹریٹجک اہمیت کو اجاگر کیا گیا ہے۔ این ڈبلیو-2 کی جامع ترقی، پانڈو میں جہاز کی مرمت کی سہولت (208کروڑ روپئے) جیسے منصوبے، جوگیگھوپا آئی ڈبلیو ٹی ٹرمینل (64  کروڑ روپئے) پانڈوپورٹ سےاین ایچ-27(180 کروڑ روپئے) تک متبادل سڑک کے ذریعہ پانڈو پورٹ سے آخری میل کنیکٹیویٹی کچھ ایسے منصوبے ہیں جو پہلے سے جاری ہیں۔آئی ڈبلیو اے آئی نے جل مارگ وکاس پروجیکٹ (جے ایم وی پی) کے تحت 5,000 کروڑ روپئے کی لاگت سے اتر پردیش، بہار، جھارکھنڈ اور مغربی بنگال کی ریاستوں سے گزرتے ہوئے این ڈبلیو-1 کو ایک قابل اعتماد کارگو لاجسٹک روٹ کے طور پر تیار کرنے کی کوشش کی ہے۔ 2013-14 کے بعد سے، کارگو کی نقل و حرکت پچھلی دہائی میں 2014 میں محض 6.89 ملین ٹن سے بڑھ کر 2022-23 میں 126.15 ملین ٹن ہو گئی ہے، جو کہ 1,700 فیصد کی زبردست ترقی کو ظاہر کرتی ہے۔

ساگرمالا پروگرام کے تحت، جس کا مقصد شمال مشرقی ریاستوں کی ترقی ہے، 1,000 کروڑ روپئے سے زیادہ کے منصوبے شروع کیے گئے ہیں، خاص طور پر آسام میں اندرون ملک آبی گزرگاہوں کو بڑھانے پر توجہ مرکوز کرتے ہوئے، جہاں 760 کروڑروپئے سے زیادہ کے منصوبے چل رہے ہیں۔

بندرگاہوں، جہاز رانی اور آبی گزرگاہوں کی وزارت کا میری ٹائم امرت کال وژن 2047 (ایم او پی ایس ڈبلیو) بندرگاہ کے بنیادی ڈھانچے کی توسیع کو ترجیح دیتا ہے، جس میں 300 اور 500 ملین ٹن سالانہ(ایم ٹی پی اے) سے زیادہ کی صلاحیت والی چھ بڑی بندرگاہوں کی ترقی بھی شامل ہے۔ مزید برآں،ایم او پی  ایس ڈبلیو کا مقصد میری ٹائم انڈیا ویژن (ایم آئی وی) کے حصے کے طور پر 2030 تک اندرون ملک آبی نقل و حمل (آئی ڈبلیو ٹی) کے حصہ کو 5 فیصد تک بڑھانا ہے، جو کہ بحری شعبے کی ترقی اور کنیکٹیویٹی بڑھانے کے لیے ایک جامع کوشش کا اشارہ ہے۔

************

ش ح۔س ب۔ف ر

 (U: 5184)

(Release ID: 2007582)