تعلیم اور ہنرمندی کی ترقی اور کاروبار کے مرکزی وزیر جناب دھرمیندر پردھان نے آج نئی دہلی میں وویکانند انسٹی ٹیوٹ آف پروفیشنل اسٹڈیز-ٹیکنیکل کیمپس کےتقسیم اسنادکی تقریب  میں شرکت کی۔

 

تقریب سے خطاب کرتے ہوئے انہوں نے طلباء کو مبارکباد دی اور انہیں یاد دلایا کہ کس طرح دنیا کو ہندوستان کے نوجوانوں سے خاص طور پروی آئی پی ایس جیسے ممتاز اداروں کے طلباء سے بہت سی توقعات وابستہ ہیں۔ انہوں نے کہا کہ ہماری امرت پیڑھی بہت باصلاحیت ہے اور اپنے فرائض اور ذمہ داریوں سے آگاہ ہے۔

 

انہوں نے یہ بھی کہا کہ آنے والے سالوں میں، جب ہندوستان تیسری سب سے بڑی معیشت بن جائے گا اورآئی آر 4.0 اور اس سے آگے بھی قائدانہ کردار بھی سنبھالے گا، نوجوان عالمی فلاح و بہبود اور خوشحالی کے لیے ہندوستان کی گہری تہذیبی اقدار کو آگے بڑھائیں گے۔ انہوں نے وزیر اعظم جناب نریندر مودی اور ان کی حکومت کا شکریہ ادا کیا جو ہمیشہ نوجوانوں کی امنگوں کو پورا کرنے، نوجوانوں کی قیادت میں ترقی کے چیمپیئن کے طور پر کام کرتی ہے اور وکست بھارت کے مقصد کو حاصل کرنے کے لیے اپنی توانائی کو بروئے کار لاتی ہے۔

 

*************

ش ح۔ ج ق ۔م ش

(U- 5148)

(Release ID: 2007282) Visitor Counter : 48