جل شکتی کے مرکزی وزیر جناب گجیندر سنگھ شیخاوت نے آج نئی دہلی میں ہریانہ کے وزیر اعلیٰ منوہر لال اور راجستھان کے وزیر اعلیٰ جناب بھجن لال شرما کے ساتھ ہتھنی کنڈ میں یمنا کے پانی کے راجستھان کا حصے کے استعمال کے لئے پروجیکٹ پر عمل درآمد سے متعلق مختلف پہلوؤں کے بارے میں تفصیلی بات چیت کی۔ ہریانہ اور راجستھان کی ریاستی حکومتوں اور جل شکتی کی وزارت، سنٹرل واٹر کمیشن اور اپر یمنا ریور بورڈ کے سینئر افسران نے بھی بات چیت میں حصہ لیا۔ اس بات پر زور دیا گیا کہ 12 مئی، 1994 کے مفاہمت نامے میں ان کے مختص کردہ علاقوں میں مشترکہ طاس ریاستوں کے ذریعہ یمنا کے پانی کے زیادہ سے زیادہ استعمال کے لئے سہولیات قائم  کرنا ضروری ہے۔

اپر یمنا ریویو کمیٹی نے 15.2.2018 کو منعقدہ اپنی 7ویں میٹنگ میں ریاست راجستھان کو مشورہ دیا کہ وہ تاجےوالا ہیڈ ہریانہ میں جمنا کے پانی میں راجستھان کے حصہ کو راجستھان منتقل کرنے کے منصوبے کے لیے ڈی پی آر تیار کرے اور راجستھان کے جھنجھنو اور چورو ضلع میں پانی کی ترسیل کے لیے زیر زمین نظام کا استعمال کا  تصور پیش کریں گے۔

 یہ بھی ذکر کیا گیا کہ راجستھان کے چورو، سیکر، جھنجھنو اور دیگر اضلاع کے علاقوں میں یمنا کے پانی کی فراہمی کو پینے کے پانی کی فراہمی اور دیگر ضروریات کو یقینی بنانے کے لیے بہت ضروری سمجھا جاتا ہے۔

غور و خوض کے بعد، زیر زمین پائپ لائنوں کے ذریعے پانی کی منتقلی کے لیے ہریانہ اور راجستھان کی حکومتوں کے ذریعے مشترکہ طور پر ڈی پی آر کی تیاری پر اتفاق رائے پایا گیا۔ اس سلسلے میں ریاستوں کے درمیان مفاہمت کی ایک یادداشت پر دستخط کیے گئے:

  (i) راجستھان اور ہریانہ کی حکومتوں کے ذریعے جولائی سے اکتوبر کے دوران 577  ایم سی ایم  تک پینے کے پانی کی فراہمی اور راجستھان کے دیگر اضلاع کے لیے پینے کے پانی کی فراہمی اور دیگر ضروریات کے لیے ایک ڈی پی آر تیار کی جائے گی اور حتمی شکل دی جائے گی۔ ہریانہ کے ذریعہ مغربی یمنا کینال کی پوری صلاحیت (24,000 کیوسک) کے استعمال کے بعد جس میں پروجیکٹ کے فیز-1 کے تحت ہتھنی کنڈ میں دہلی کا حصہ شامل ہے۔ دونوں ریاستیں چار ماہ کی مدت کے اندر ڈی پی آر کی تیاری اور اسے حتمی شکل دینے میں مکمل تعاون کریں گی۔ سی ڈبلیو سی/ یو وائی آر بی جہاں بھی ضروری ہو، تکنیکی مدد فراہم کریں گے۔

 

(ii) بالائی یمنا طاس میں تین شناخت شدہ اسٹوریج ، یعنی رینوکاجی، لکھوار اور کشاؤ کی تعمیر کے بعد، باقی مدت کے دوران ہتھنی کنڈ میں راجستھان کے متعلقہ حصہ کو ممکن حد تک پینے کے پانی اور آبپاشی کے مقصد کے لیے اسی نظام کے ذریعے پہنچایا جائے گا۔

جل شکتی کے مرکزی وزیر نے ہریانہ اور راجستھان کے وزرائے اعلیٰ کو مبارکباد دی اور ان کے تعاون کے جذبے کی تعریف کی جس کے نتیجے میں دو دہائیوں سے زیر التوا مسئلہ حل ہو گیا ہے۔ مرکزی وزیر (جل شکتی) نے یہ بھی ذکر کیا کہ یہ ایک تاریخی لمحہ ہے جو چورو، سیکر، جھنجھنو اور راجستھان کے دیگر اضلاع کی اہم پینے کے پانی اور دیگر ضروریات کی فراہمی کے منصوبے پر عمل درآمد کی راہ ہموار کرے گا۔

*************

 ( ش ح ۔ف ا ۔ رض (

U. No.5113

 

(ریلیز آئی ڈی: 2007046) وزیٹر کاؤنٹر : 104