প্রধান মন্ত্রী, শ্রী নরেন্দ্র মোদীনা ঙসি রেৱারীদা হরিয়ানাগী রাজ্যপাল, শ্রী বন্দারু দত্তারেয়া য়াওবা থৌরম অমদা ওল ইন্দিয়া ইন্সতিত্যুত ওফ মেদিকেল সাইন্স (AIIMS)কী উরেপ উয়ুং তমখ্রে। প্রধান মন্ত্রীনা হরিয়ানাগী চাউখৎ থৌরাংগী তোঙান-তোঙানবা থবক কয়াগী উরেপ উয়ুংসু তমখি।

হরিয়ানাগী মুখ্য মন্ত্রী, শ্রী মনোহর লাল; প্লান্নিং, স্তেতিস্তিক্স অমসুং প্রোগ্রাম ইমপ্লিমেন্তেসন অমসুং কোর্পোরেত এফিয়র্সকী রাজ্য মন্ত্রী (IC), শ্রী রাও ইন্দর্জিৎ সিংহ অমসুং হরিয়ানাগী উপ মুখ্য মন্ত্রী, শ্রী দুশ্যন্ত চাউতালাসু ঙসিগী থৌরমদা শরুক য়াখি।

থৌরম অসিদা নুংঙাইবা ফোংদোক্লদুনা, প্রধান মন্ত্রীনা মীয়ামগী অপাম্বা হেনগৎলক্লিবা অসিগা লৈবাক্কী হকশেলগী সেক্তরদা খোঙজেল য়াঙনা অহোংবা পুরক্লিবা অসিগা মরী লৈনহনখি। ইং ২০৪৭ ফাওবদা বিকশিৎ ভারত ওইহনবগী পান্দম অসিদা হেল্থ সেক্তরগী মরু ওইবা থৌদাং অমসু য়াওরি হায়না প্রধান মন্ত্রীনা ফোংদোকখি। “বিকশিৎ হরিয়ানা অমনা বিকশিৎ ভারত ওইহনবদা তেংবাংবা ঙমগনি’” হায়না প্রধান মন্ত্রীনা হায়রদুনা ইনফ্রাস্ত্রকচর চাউখৎপা হায়বসিদা অফবা হেল্থকেয়র ফেসিলিতীগী থৌদাং য়াওরি অমসুং অফবা হকশেল হায়বসিদি লৈবাক্কী চাউখৎ থৌরাংগী এজেন্দাগী চঙদ্রবা য়াদ্রবা হীরম অমনি হায়না প্রধান মন্ত্রীনা হায়খি।

এমস রেৱারীগী উরেপ উয়ুং তম্লিবা অসিদি সরকারনা মীয়ামগী হকশেলদা অহেনবা মিৎয়েং চঙলিবা অসিগা মরী লৈনৈ অমসুং হকশেলগী সেক্তরবু মপুং ওইনা চাউখৎহনবগী খুত্থাংদা সিতিজন সেন্ত্রিক হেল্থকেয়র পীবগী থৌওংবুসু মপাঙ্গল হাপকনি হায়না প্রধান মন্ত্রীনা হায়খি। এমস রেৱারীনা হরিয়ানাগী হেল্থকেয়রগী তঙাই ফদবা খুদোংচাবা পীবতা নত্তনা নহাশিংদা থবক্কী খুদোংচাবা পীগনি অমসুং মেদিকেল এজুকেসন ফংবগী অহেনবা খুদোংচাবসু পীগনি হায়না প্রধান মন্ত্রীনা মখা তাখি।

হৌখিবা চহি ১০দা অনৌবা এমস ১৫ অমসুং হরিয়ানাগী জিলা খুদিংগী অমমম য়াওনা অনৌবা মেদিকেল কোলেজ ৩০০ লিংখৎপগী অয়াবা পীখ্রবনি হায়না প্রধান মন্ত্রীনা পাউদমখি।

ইকায়খুম্ননীংঙাই ওইরবা প্রধান মন্ত্রীনা এমস রেৱারীগী উরেপ উয়ুং তম্লিবা অসিবু “হরিয়ানাগী হেল্থকেয়র ইকোসীস্তেমগী পুৱারী ওইরবা নুমিৎ” অমনি হায়না কেন্দ্রগী হকশেল মন্ত্রী, শ্রী মনশুখ মন্দাবিয়ানা হায়রদুনা মহাক্না অসুম্না হায়খি, “এমস রেৱারীনা হরিয়ানাগী মীয়ম খক্তা নত্তনা য়ুম্লোন্নবা রাজ্যশিংগী মীয়ামদা মগুন লৈবা অমসুং অহোঙবা হেল্থকেয়রগী খুদোংচাবা ফংহনগনি”।

শ্রী মনোহর লালনা থৌরমসিদা ৱা ঙাঙবদা রেৱারীগী লমদমসিদা এমস অমা লৈহনবীদুনা লমদমসিগী মীয়ামগী শাংলবা মতমগী মঙলান মঙফাওনহনবগীদমক্তা মহাক্না কেন্দ্র সরকারবু থাগৎখি। মহাক্না হায়খি, “এমস রেৱারীনা খা হরিয়ানাগী মীয়ামদা মগুন লৈবা মেদিকেল সর্ভিস ফংহনবতা নত্তনা অৱাং রাজস্থানগী মনাক নকপা মফমগী মীয়ামদসু চপ মান্নবা খুদোংচাবা পীগনি”। হরিয়ানাগী জিলা খুদিংদা মেদিকেল কোলেজ লৈহনবগী কেন্দ্র সরকারনা লৌখিবা ৱারেপ অসিবুসু মহাক্না থাগৎলদুনা মসিনা লাস্ত মাইল ফাওবদা হেল্থকেয়র সর্ভিস ফংহনবগী মশক থোকপা খোঙথাং অমা ওইগনি হায়খি।

সরকারনা লৈবাক্কী ইনফ্রাস্ত্রকচর চাউখৎহন্নবা মিৎয়েং চঙলিবা অসিগী মরু ওইবশিংবু শ্রী রাও ইন্দর্জিতনা পাউদমখি। মহাক্না হায়খি, “চপ মান্নবা মিৎয়েং অসিমক হকশেলগী ইনফ্রাস্ত্রকচর শেম্বা অমসুং অপগ্রেদ তৌবগী মতাংদা চঙলি অমসুং থৌওং অসি এমস মশিংবু ২৩ ফাওবা হেনগৎহল্লিবা অসিদা উবা ফংই”।

বেকগ্রাউন্দ

এমস রেৱারি অসি রেৱারিগী মাজ্রা মুস্তিল ভালখি খুঙ্গংদা লম একর ২০৩দা শেমগৎকদবনি। মসিদা ফমুং ৭২০গী হোস্পিতাল কমপ্লেক্স, সিত ১০০গী মেদিকেল কলেজ, সিত ৬০গী নর্সিং কলেজ, ফমুং ৩০গী অয়ুস ব্লোক, ওজা অমসুং স্তাফকী ক্বাতর, য়ু.জি অমসুং পি.জি মহৈরোয়শিংগী হোস্তেল, অহিং য়ারেকফম, গেস্ত হাওস অমসুং ওদিতোরিয়ম অসিনচিংবা য়াওরি। প্রধান মন্ত্রী শ্বাস্থ্যা সুরক্ষা য়োজনা(পি এম এস এস ৱাই)গী মখাদা লিংখৎপা এমস রেৱারিনা হরিয়ানাগী মীয়ামদা মগুন লৈবা অনা-লায়য়েংগী খুদোংচাবশিং ফংহনগনি। খুদোংচাবশিংগী মনুংদা কার্দিওলোজি, গাস্ত্রো-ইন্তেরোলোজি, নেফ্রোলোজি, উরোলোজি, নিউরোলোজি, নিউরোসর্জরি, মেদিকেল ওনকোলোজি, সর্জিকেল ওনকোলোজি, ইন্দোক্রাইনোলোজি, বর্ন অমসুং প্লাস্তিক সর্জরি য়াওনা স্পিলিএলিস্ত ১৭ অমসুং সুপরস্পিসিএলিস্ত ১৭ য়াওরি। ইন্সতিতুৎ অসিদা ইন্তেন্সিপ কিয়ার য়ুনিত, ইমর্জেন্সি অমসুং ত্রোমা য়ুনিত, মোদুলার ওপরেসন থিয়েতর ১৬, দাইগ্নোস্তিক লেবোরেতোরিশিং, ব্লদ বেঙ্ক, ফার্মসিগী খুদোংচাবশিংশু লৈগনি। হরিয়ানাদা এমস লিংখৎপা অসিনা হরিয়ানাগী মীয়ামদা অপুনা, মগুন লৈবা অমসুং অৱাংবা থাক্কী অনা-লায়য়েংগী খুদোংচাবশিং ফংহনগনি।

হরিয়ানাদা এমস অমা লিংখৎপনা রাজ্যসিগী মীয়ামদা মপুং ওইবা হেল্থকেয়র সর্ভিস পীবদা মশক থোকপা মায় পাকপা অমা ওইগনি।

এমস রেৱারীগী উরেপ উয়ুং তম্বগী থৌরম অসিদা হরিয়ানা সরকার, কেন্দ্রগী হকশেল মন্ত্রালয় অমসুং ইমপ্লিমেন্তিং এজেন্সী অতোপ্পা কয়াগী মীহুৎশিংনা শরুক য়াখি।

***