نیشنل سینٹر فار گڈ گورننس (این سی جی جی) کے ذریعے وزارت خارجہ (ایم ای اے) کے اشتراک سے بنگلہ دیش کے سرکاری ملازمین کے لیے استعداد کار بڑھانے کا  2 ہفتےتک چلنے  والا 69 ویں اور 70 ویں  بیچ کا پروگرام   (سی بی پی) 16 فروری، 2024 کو اختتام پذیر ہوا ۔ مسوری اور نئی دہلی میں منعقدہ اس پروگرام میں ڈپٹی سکریٹری کے طور پر خدمات انجام دینے والے 84 افسران اور اپ ڈسٹرکٹ نرباہی افسران نے شرکت کی۔اس صلاحیت سازی کے پروگرام میں، این سی جی جی نے بنگلہ دیش کے 2500 سرکاری ملازمین کے لیے صلاحیت سازی کے پروگراموں کے انعقاد کا سنگ میل حاصل کیا ہے۔ این سی جی جی میں مجموعی طور پر 2557 بنگلہ دیش سول سرونٹس کو استعداد کار بڑھانے کے پروگرام منعقد کیے گئے ہیں۔ بنگلہ دیش کے سرکاری ملازمین کے لیے استعداد کار بڑھانے کے پروگرام وزارت خارجہ کے آئی ٹی ای سی پروگرام کے تحت چلائے جا رہے ہیں جس پر این سی جی جی کے ذریعے بنگلہ دیش کی حکومت کے ساتھ دستخط شدہ ایم او یو کے ذریعے عمل درآمد کیا جاتا ہے۔ 1500 سرکاری ملازمین کے لیے سی بی پی کے پہلے مرحلے کی تکمیل کے بعد ، این سی جی جی نے 2025 تک اضافی 1،800 سرکاری ملازمین کی گنجائش بڑھانے کے لیے بنگلہ دیش کی حکومت کے ساتھ ایک مفاہمت نامے پر دستخط کیے۔ این سی جی جی نے اب تک بنگلہ دیش کے 940 افسران کو تربیت فراہم کی ہے۔

صلاحیت سازی کے پروگرام میں لینڈ ایڈمنسٹریشن میں سب ڈویژنل افسران کے کلیدی کردار اور ریونیو ایڈمنسٹریشن کو موثر طریقے سے چلانے کو یقینی بنانے کے لیے انصاف کی فراہمی کو بہتر بنانے پر توجہ مرکوز کی گئی۔ پروگرام میں مرکزی سیکرٹریٹ میں ڈپٹی سیکرٹریز کے کردار پر بھی توجہ مرکوز کی گئی اور ای آفس کو اپنا کر مرکزی سیکرٹریٹ کی ڈیجیٹلائزیشن پر زور دیا گیا۔ بنگلہ دیش کے نوجوان سرکاری ملازمین کی حوصلہ افزائی کی گئی کہ وہ شہریوں اور حکومت کو قریب لانے، اداروں کی ڈیجیٹل تبدیلی اور شہریوں کو ڈیجیٹل طور پر بااختیار بنانے کے لیے ٹیکنالوجی کو اپنائیں۔ جن موضوعات کا احاطہ کیا گیا ہے ان میں گورننس، ڈیزاسٹر مینجمنٹ، لیڈرشپ اینڈ کمیونی کیشن، ڈیجیٹل انڈیا، گورنمنٹ ای-مارکیٹ پلیس (جی ای ایم)، سوامیتوا اسکیم، موثر عوامی خدمات کی فراہمی، سبھی کو ہاؤسنگ، صحت کی دیکھ بھال میں ڈیجیٹل گورننس، مدرا یوجنا وغیرہ شامل ہیں۔ بنگلہ دیش کے سرکاری ملازمین نے اپنے مجموعی تعلیمی سفر کو بڑھانے کے لیے ضلع کلکٹریٹ بلند شہر کا دورہ بھی کیا۔ اختتامی سیشن میں بنگلہ دیش سول سرونٹس نے ڈی اے آر پی جی کے سکریٹری وی سرینواس اور ڈائریکٹر جنرل این سی جی جی سے بات چیت کی۔ اس پورے پروگرام کی نگرانی کورس کوآرڈینیٹر ڈاکٹر اے پی سنگھ، ایسوسی ایٹ کورس کوآرڈینیٹر ڈاکٹر مکیش بھنڈاری، پروگرام اسسٹنٹ جناب سنجے دت پنت اور این سی جی جی کی استعداد کار بڑھانے والی ٹیم نے کی۔ وزارت خارجہ کے اشتراک سے این سی جی جی نے 17 ممالک یعنی بنگلہ دیش، کینیا، تنزانیہ، تیونس، سیشیلز، گیمبیا، مالدیپ، سری لنکا، افغانستان، لاؤس، ویتنام، نیپال بھوٹان، میانمار، ایتھوپیا، ایریٹریا اور کمبوڈیا کے سرکاری ملازمین کو تربیت فراہم کی ہے۔

***

(ش ح – ع ا – ع ر)

U. No. 5083

 

(Release ID: 2006835) Visitor Counter : 43