عملہ کے انتظام اور حکمرانی میں تعاون کے لیے آج نئی دہلی میں انتظامی اصلاحات اور عوامی شکایات کے محکمہ (ڈی اے آر اینڈ پی جی) کے سکریٹری جناب وی سری نواس اور سری لنکا کے وزیر اعظم کے سکریٹری جناب انورا ڈسانائیکے کے درمیان دو طرفہ وفود کی سطح کی بات چیت ہوئی۔ سری لنکا کے وفد میں ڈاکٹر دھرمسری کماراٹنگا، سیکرٹری وزارت ٹیکنالوجی؛ جناب پردیپ یاسرتھنا، سکریٹری، پبلک ایڈمنسٹریشن، ہوم افیئرز، صوبائی کونسلز اور لوکل گورنمنٹ؛ جناب نالاکا کالوی، ڈائریکٹر جنرل، سری لنکا انسٹی ٹیوٹ آف ڈیولپمنٹ ایڈمنسٹریشن شامل تھے۔ ڈی اے آر پی جی کے سینئر عہدیداروں، - جناب این بی ایس راجپوت، جناب پونیت یادو اور محترمہ جیا دوبے نے بات چیت میں حصہ لیا۔

دونوں فریقوں نے سری لنکا انسٹی ٹیوٹ آف ڈیولپمنٹ ایڈمنسٹریشن (ایس ایل آئی ڈی اے) اور این سی جی جی کے درمیان این سی جی جی کے ذریعے سری لنکا کے سینیئر اور درمیانی درجے کے سرکاری ملازمین کے لیے صلاحیت سازی کے پروگرام (سی بی پی) کے انعقاد کے لیے مفاہمت کی مجوزہ یادداشت کے طریقوں پر تبادلہ خیال کیا۔ سری لنکا انسٹی ٹیوٹ آف ڈیولپمنٹ ایڈمنسٹریشن (ایس ایل آئی ڈی اے) کے ڈائریکٹر نے سری لنکا کے آئی لینڈ سروس آفیسرز کے لیے اگلے پانچ سالوں کے لیے صلاحیت سازی کا منصوبہ پیش کیا اور تربیتی نصاب تیار کرنے اور 1000 اہلکاروں کے لیے مختلف سطحوں پر تربیت کے انعقاد میں تعاون پیش کیا۔ ہندوستانی فریق نے عوامی نظم و نسق، CPGRAMS میں AI/ML کے استعمال سے عوامی شکایات کے مؤثر ازالے کے ذریعے عوامی شکایات کا ازالہ کرنے، اور یونیفائیڈ سروس پورٹل، لازمی ای سروسز اور ای-آفس اور اس کے تجزیات کو مضبوط بنانے کے ذریعے ای گورننس کے فروغ کے ذریعے خدمات کی فراہمی کو بہتر بنانے کے لیے وزیر اعظم ایوارڈ اسکیم کے تحت انتظامی اصلاحات اور میرٹوکریسی کو تسلیم کرنے میں اپنی اہم صلاحیتیں پیش کیں۔ تعاون کی شکل دونوں فریقوں کی طرف سے تیار کیے جانے والے ایم او یو میں تشکیل دی جائے گی۔

 

 

                                               **************

ش ح۔ ف ش ع- م ف

14-02-2024

U: 4978

(Release ID: 2006103) Visitor Counter : 87