وزارت تعلیم کے اسکولی تعلیم اور خواندگی کے  محکمہ کے سکریٹری نے متعلقہ شراکت داروں  کے ساتھ پرکھ پر ایک جائزہ میٹنگ کی صدارت کی۔ وزارت تعلیم کے محکمہ اسکولی تعلیم اور خواندگی کےایڈیشنل سیکریٹریز جناب وپن کمار اور جناب آنندراؤ وی پاٹل؛ پرکھ کے ہیڈ، این سی ای آر ٹی کی پروفیسر اندرانی بھادوڑی او دیگر بیورو کے سربراہ بھی میٹنگ میں موجود تھے۔ ایجوکیشنل ٹیسٹنگ سروس (ای ٹی ایس)کے سی ای اوجناب امت سیوک کی قیادت والی ای ٹی ایس ٹیم ، پرنسٹن، یو ایس کےسی ای او نے بھی میٹنگ میں شرکت کی۔

تشخیص کی اہمیت پر روشنی ڈالتے ہوئے، جناب سنجے کمار ڈی او ایس ای ایل کے سکریٹری نے کہا کہ یہ پورے عمل کی بنیاد ہے اور اگر اسیسمنٹ کو صحیح طریقے سے چلایا جائے تو اس سے تعلیم کے بارے میں لوگوں کا تاثر بدل جائے گا۔ انہوں نے کہا کہ ہندوستان تشخیص کے مستقبل کے حوالے سے باقی دنیا کے لیے معیار قائم کرے گا۔ انہوں نے مزید کہا کہ اساتذہ کو این اے ایس کی اہمیت سے آگاہ کیا جائے تاکہ وہ پوری تندہی سے امتحانات کا انعقاد کر سکیں۔

‘جامع  ترقیاتی کارڈز (ایچ پی سیز)’کے استعمال کے ذریعے ‘قابلیت پر مبنی فریم ورک’ کو مضبوط کرنے والے ‘اکیڈمک بینک آف کریڈٹ’کے بارے میں تفصیلی بحث ہوئی۔ ان ایچ پی سیز کو ٹیچر ٹریننگ ٹولز کے طور پر بھی تصور کیا جاتا ہے اور یہ اساتذہ کو گریڈ کی مخصوص صلاحیتوں اور ان سے متعلقہ تشخیص سے آگاہ کراتے ہیں۔

جامع ترقی کے لئے قومی تشخیصی مرکز، کارکردگی کا جائزہ، جائزہ اور علم کا تجزیہ (پرکھ) مارچ 2023 میں وزارت تعلیم کے تحت ایک خود مختار ادارے کے طور پر قائم کیا گیا تھا تاکہ قومی تعلیمی پالیسی 2020 (پیرا 4.41) کے تجویز کردہ مقاصد کو پورا کیا جا سکے۔

 

********

  ش ح۔ع ح ۔رم

U-4878  

(Release ID: 2005479) Visitor Counter : 53