تعلیم، ہنرمندی کے فروغ اور صنعت کاری کے مرکزی وزیر جناب دھرمیندر پردھان نے آج نئی دہلی کے بھارت منڈپم میں نئی دہلی عالمی کتاب میلے کا افتتاح کیا۔ ہندوستان میں سعودی عرب کے سفیر جناب صالح بن عید الحسینی؛وزیر مملکت برائے تعلیم، محترمہ انپورنا دیوی؛ سکریٹریبرائے اعلی تعلیم، وزارت تعلیم، جناب سنجے کے مورتی؛ سکریٹری، محکمہ برائے اسکولی تعلیم اور خواندگی، جناب سنجے کمار؛ چیئرمین، نیشنل بک ٹرسٹ، پروفیسر ملند سدھاکر مراٹھے؛ نیشنل بک ٹرسٹ کے ڈائریکٹر جناب یوراج ملک اور دیگر معززین بھی اس تقریب میں موجود تھے۔

نئی دہلی عالمی کتاب میلے کے 52ویں ایڈیشن کا افتتاح کرتے ہوئے جناب پردھان نے اس بات پر روشنی ڈالی کہ اس سال میلے کا موضوع ‘کثیر لسانی ہندوستان: ایک زندہ روایت’ ہندوستان کے لسانی تنوع اور عالمی ادبی روایات کا جشن منا رہا ہے۔ انہوں نے یہ بھی کہا کہ یہ میلہ ادب، متنوع ثقافتوں کے فنی اظہار اور علم کا ہم آہنگ امتزاج ہے۔ جناب پردھان نے مزید کہا کہ کثیر لسانی ہمارے تنوع کا مرکز ہے اور اس لیے زبانیں اور کتابیں 2047 تک وکست بھارت کے ہدف کو حاصل کرنے کے لیے اثاثہ ہیں، جیسا کہ وزیر اعظم جناب نریندر مودی نے تصور کیا تھا۔

انہوں نے کتاب سے محبت کرنے والے اور کتاب پڑھنے والے معاشرے کو پروان چڑھانے کی ضرورت پر بھی زور دیا جو ترقی پسند سماجی نظام کی تعمیر کے لیے مستقبل کے خیالات کو فروغ دے، کیونکہ ملک وکست بھارت کے مقصد کو حاصل کرنے کے لیے آگے بڑھ رہا ہے۔

افتتاحی اجلاس سے خطاب کرتے ہوئے جناب صالح بن عید الحسینی نے ممالک کے درمیان تعلقات کو مزید گہرا کرنے کے لیے باہمی عزم پر زور دیا۔ انہوں نے ہندوستان کے امرت کال اور سعودی عرب کے 2030 کے وژن کے درمیان مماثلت پیدا کی کیونکہ ایک بہتر مستقبل کے لئے یہ ایک مشترکہ عزم ہے۔

جناب دھرمیندر پردھان نے نیشنل ڈیجیٹل لائبریریز فار آل کی ایپ لانچ کی، جس کا اعلان بجٹ 2023-24 میں کیا گیا تھا۔ راشٹریہ ای-پستکالیہ ( قومی ای کتاب خانہ) وزیر اعظم جناب نریندر مودی کے بیان، "جب شہری پڑھتے ہیں، ملک قیادت کرتا ہے" کے وژن کے عین مطابق ہے۔ یہ قومی ای کتب خانہ طلباء کے درمیان زندگی بھر پڑھنے کی عادت کے لیے محبت کو فروغ اور فروغ دے گا اور ادب کے متنوع اختیارات فراہم کرے گا جن میں افسانہ، غیر افسانہ، شاعری، اور سوانح حیات وغیرہ شامل ہیں، جو پڑھنے کی مختلف ترجیحات کو پورا کرے گا اور طلباء کو ان کی اپنی پسند کی زبان میں متنوع قسم کے ادب کو دریافت کرنے میں مدد کرے گا۔ یہ تنقیدی سوچ اور تخیل کی حوصلہ افزائی بھی کرے گا، جس سے طلباء کو ان کی تخلیقی صلاحیتوں اور تجزیاتی مہارتوں کو فروغ دینے اور بڑھانے میں مدد ملے گی اور بچوں اور نوعمروں میں ان کے تعلیمی نصاب سے ہٹ کر کتابوں سے منسلک ہو کر خواندگی اور زبان کی نشوونما میں مدد ملے گی۔ یہ ہندوستانی زبانوں اور غیر ملکی زبانوں کے ادب کو روشناس کرائے گا اور ثقافتی بیداری، حب الوطنی اور ہمدردی پیدا کرے گا اور اس کو فروغ دے گا تاکہ وسودھیو کٹم بکم کو محسوس کیا جا سکے۔

بچوں اور نوعمروں کے لیے قومی ای کتب خانہ 4 مختلف عمر کے گروپوں - 3-8 سال، 8-11 سال، 11-14 سال، اور 14-18 سال کے لیے عمر کے مناسب پڑھنے کے مواد کے لیے آلہ اجناسٹک انداز میں رسائی فراہم کرے گا۔ راشٹریہ ای-پستکالیہ میں کتابیں ہندوستان کی تاریخ، ثقافت، سائنسیاور دیگر کامیابیوں پر توجہ مرکوز کریں گی تاکہ نوجوان ہندوستانیوں میں فخر کا جذبہ پیدا کیا جا سکے اور انگریزی کے علاوہ بھارت کے آئین کے آٹھویں شیڈول کے تحت تمام 23 (تئیس) زبانوں کی کتابیں ہوں گی۔ اب تک، 30 سے زیادہ نامور پبلشرز آن بورڈ ہو چکے ہیں اور 1000 سے زیادہ کتابیں پلیٹ فارم پر اپ لوڈ ہو چکی ہیں۔

جناب پردھان نے اختراعی لرننگ ای لرننگ پلیٹ فارم 'ای-جادوئی پٹارا' کا بھی اجراء کیا، جو قومی تعلیمی پالیسی(این ای پی ) 2020 کے مطابق ہے، جس میں پہیلیاں اور کہانیاں شامل ہیں۔ آرٹیفیشل انٹیلی جنس (آئی اے ) کا استعمال کرتے ہوئے 22 زبانوں میں ترجمہ کردہ جامع اور معلوماتیمواد کا مقصد ابتدائی بچپن کی تعلیم کو تبدیل کرنا ہے۔

وزیر موصوف نے قومی تعلیمی پالیسی 2020 کے ساتھ منسلک خصوصی ماڈیولز، تدریسی سیکھنے کے وسائل اور موضوع کے لحاظ سے مخصوص ماڈیولز بھی جاری کیے۔ وزیر موصوف کے ذریعہ جی 20 اقدامات کو فروغ دینے والے وسائل، وکست بھارت اور ناری شکتی وندن بھی جاری کیے گئے، جو سماجی ترقی اور بااختیار بنانے کے لیے ہندوستان کے عزم کو اجاگر کرتے ہیں۔

جناب پردھان نے ریڈیو شو کی 100 اقساط پر مشتمل "اگنائیٹنگ کلیکٹیو گڈنیس  من کیبات  @100" انتھولوجی بھی جاری کی اور اسے  این بی ٹی –انڈیا  نے 12 زبانوں میں شائع کیا ہے۔ انہوں  نے این بی ٹی –انڈیا کے ذریعہ شائع کردہ " کریٹنگ انٹلیکچول ہیرٹیج " پروجیکٹ کے تحت چار نئے عنوانات بھی جاری کیے۔

جناب پردھان نے وزیر اعظم جناب نریندر مودی کی لکھی اور این بی ٹی –انڈیا کے ذریعہ شائع کردہ کتاب  ایگزام واریئرس کے ہندی اور انگریزی بریل ایڈیشن بھی جاری کیے۔

افتتاحی پروگرام کے بعد کتاب میلے کا دورہ کیا گیا، تھیم پویلین کا افتتاح، جموں و کشمیر اور لداخ کی تاریخ کے سفر پر تصویری نمائش اور مہمان ملک مملکت سعودی عرب کے پویلین کا افتتاح ہوا۔

’کثیر لسانی ہندوستان: ایک زندہ روایت (بہوبھاشی بھارت: ایک جیونت پرمپرا)‘ کے ارد گرد تھیم، نئی دہلی عالمی کتاب میلہ 2024 قوم کے ثقافتی تانے بانے میں بنے ہوئے زبانوں کے موزیک کا جشن مناتا ہے۔ روایت کے مطابق، ایک ملک کے ساتھ این ڈی ڈبلیو بی ایف میں بطور مہمان خصوصی اس سال مملکت سعودی عرب معزز مہمان ملک ہے، جو دونوں ممالک کے درمیان ثقافتی تبادلے، ادبی گفتگو اور مکالمے کو فروغ دے رہا ہے۔ این ڈی ڈبلیو بی ایف  2024 10-18 فروری 2024 تک ہال 1 سے 5، پرگتی میدان میں صبح 11.00 بجے سے شام 8.00 بجے تک کھلا رہے گا۔ داخلہ اسکول یونیفارم میں بچوں کے لیے، بزرگ شہریوں کے لیے، اور معذور افراد کے لیے مفت ہے۔ ٹکٹ  آئی ٹی پی او  کی ویب سائٹ اور منتخب میٹرو اسٹیشنوں پر آن لائن دستیاب ہیں۔

******

U.No:4796

ش ح۔ مع ۔ س ا