ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ର ମନ୍ତ୍ରୀ ପ୍ରଫେସର ଏସ୍ ପି ସିଂହ ବାଘେଲ ଲିମ୍ଫାଟିକ୍ ଫାଇଲେରିଆସିସ୍ର ଉନ୍ମୁଳନ ପାଇଁ ଗଣ ଔଷଧ ପ୍ରଶାସନ (ଏମ୍ଡିଏ) ଅଭିଯାନର ଶୁଭାରମ୍ଭ କରିଛନ୍ତି
ଏହାକୁ ଜନଆନ୍ଦୋଳନରେ ପରିଣତ କରିବା ପାଇଁ ସମସ୍ତ ଅଂଶୀଦାର ଏକାଠି ହେବାର ଆବଶ୍ୟକତା ରହିଛି: ପ୍ରଫେସର ଏସ୍ ପି ସିଂହ ବାଘେଲ
Posted On:
10 FEB 2024 12:54PM by PIB Bhubaneshwar
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ର ମନ୍ତ୍ରୀ ପ୍ରଫେସର ଏସ୍ ପି ସିଂହ ବାଘେଲ ଲିମ୍ଫାଟିକ୍ ଫାଇଲେରିଆସିସ୍ ନିରାକରଣ ପାଇଁ ଦ୍ୱି- ବାର୍ଷିକ ଜାତୀୟ ଗଣ ଔଷଧ ପ୍ରଶାସନ (ଏମଡିଏ) ଅଭିଯାନର ପ୍ରଥମ ପର୍ଯ୍ୟାୟର ଶୁଭାରମ୍ଭ କରିଛନ୍ତି । ଏହି ଅଭିଯାନର ଉଦ୍ଦେଶ୍ୟ ହେଉଛି ଏହି ରୋଗ ଦ୍ୱାରା ପ୍ରଭାବିତ ଅଞ୍ଚଳର ଲୋକମାନଙ୍କୁ ମାଗଣା ପ୍ରତିଷେଧକ ଔଷଧ ପ୍ରଦାନ କରି ରୋଗ ସଂକ୍ରମଣକୁ ରୋକିବା । ଏହି ଅଭିଯାନ ୧୧ ଟି ରାଜ୍ୟର ୯୨ଟି ଜିଲ୍ଲାକୁ ଅନ୍ତର୍ଭୁକ୍ତ କରିବ ଏବଂ ଆସନ୍ତା ଦୁଇ ସପ୍ତାହ ପର୍ଯ୍ୟନ୍ତ ଚାଲିବ । ଏହି ଅବସରରେ ଛତିଶଗଡ଼ର ସ୍ୱାସ୍ଥ୍ୟ ମନ୍ତ୍ରୀ ଶ୍ୟାମ ବିହାରୀ ଜୟସ୍ୱାଲ ମଧ୍ୟ ଉପସ୍ଥିତ ଥିଲେ ।
ଏହି ଅବସରରେ ପ୍ରଫେସର ଏସ୍ ପି ସିଂହ ବାଘେଲ ୨୦୨୭ ସୁଦ୍ଧା ଲିମ୍ଫାଟିକ୍ ଫାଇଲେରିଆସିସ୍କୁ ନିର୍ମୁଳ କରିବା ପାଇଁ ଭାରତର ପ୍ରତିବଦ୍ଧତାକୁ ଦୋହରାଇ ଥିଲେ । ସେ କହିଛନ୍ତି ଯେ ବିଶ୍ୱର ଅନେକ ମାରାତ୍ମକ ରୋଗ ବିରୋଧରେ ଭାରତ ପର୍ଯ୍ୟାପ୍ତ ଦୃଢ଼ତା ଦେଖାଇଛି । ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦକ୍ଷ ନେତୃତ୍ୱରେ ଏବଂ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡଃ ମନସୁଖ ମାଣ୍ଡଭିୟଙ୍କ ମାର୍ଗଦର୍ଶନରେ ଆମେ ଯକ୍ଷ୍ମା ଉନ୍ମୁଳନ କାର୍ଯ୍ୟକ୍ରମରେ ଉଲ୍ଲେଖନୀୟ ସଫଳତା ପାଇଛୁ ଏବଂ ବର୍ତ୍ତମାନ କଳା ଜ୍ୱରକୁ ନିର୍ମୁଳ କରିବାର ଦ୍ୱାର ଦେଶରେ ଅଛୁ । ଏହି ସଫଳତାକୁ ଫାଇଲେରିଆ ପାଇଁ ମଧ୍ୟ ଦୋହରାଇବା ଦରକାର ।
ବିଶେଷ କରି ଏହି ରୋଗ ବିରୋଧରେ ଲଢେଇରେ ସହଯୋଗ କରିବା ପାଇଁ ଅକ୍ଳାନ୍ତ ପରିଶ୍ରମ କରୁଥିବା ସ୍ୱାସ୍ଥ୍ୟସେବା ପେସାଦାର ମାନଙ୍କୁ ପ୍ରଶଂସା କରି ସେ କହିଛନ୍ତି, "ଏହି ଦ୍ୱି - ବାର୍ଷିକ ଗଣ ଔଷଧ ପ୍ରଶାସନର ଶୁଭାରମ୍ଭ କାରଣରୁ ଆମେ ଏକ ବଡ଼ ସଫଳତା ଆଶା କରୁଛୁ । ଗତ ବର୍ଷ ଏହାର ପରିସର ୮୨.୫% ଥିବା ବେଳେ ଚଳିତ ବର୍ଷ ଆମେ ଅଧିକ ପ୍ରୟାସ କରି ଉପଯୁକ୍ତ ଜନସଂଖ୍ୟାର ୯୫% ରୁ ଅଧିକ କଭରେଜ୍ ହାସଲ କରିବାକୁ ଚେଷ୍ଟା କରିବା ଉଚିତ ।
ପଞ୍ଚାୟତିରାଜ, ଶିକ୍ଷା, ଗ୍ରାମ୍ୟ ଉନ୍ନୟନ, ଆଦିବାସୀ ବ୍ୟାପାର, ନଗର ନିଗମ ଓ ମେଡିକାଲ କଲେଜ ଭଳି ସଂପୃକ୍ତ ବିଭାଗର ସହାୟତାରେ ବ୍ୟାପକ ସଚେତନତା ସୁନିଶ୍ଚିତ କରିବା ପାଇଁ ସାମାଜିକ ସଚେତନତା ଏବଂ ସକ୍ରିୟ ସାମୁଦାୟିକ ଅଂଶଗ୍ରହଣ ସହିତ ଏକ ମିଶନ ମୋଡ୍ ଦୃଷ୍ଟିକୋଣ ନେଇ କାର୍ଯ୍ୟ କରିବାକୁ ସେ ଅନୁରୋଧ କରିଥିଲେ ।
ଛତିଶଗଡ଼ ସ୍ୱାସ୍ଥ୍ୟ ମନ୍ତ୍ରୀ ଶ୍ରୀ ଶ୍ୟାମ ବିହାରୀ ଜୟସ୍ୱାଲ କହିଛନ୍ତି, "ଦୁର୍ଗମ ଅଞ୍ଚଳ ଏବଂ ପରିବହନ ସମସ୍ୟା ସତ୍ତ୍ୱେ ମୋ ସରକାର ଫାଇଲେରିଆ ରୋଗକୁ ଦୂର କରିବା ପାଇଁ କଠିନ ପରିଶ୍ରମ କରୁଛନ୍ତି । ପ୍ରଭାବିତ ବ୍ୟକ୍ତିମାନଙ୍କୁ ସଚେତନ କରିବା ପାଇଁ ଆଇଇସି କାର୍ଯ୍ୟକଳାପ ମଧ୍ୟ ଚାଲିଛି ।
ପୃଷ୍ଠଭୂମି
ଲିମ୍ଫାଟିକ୍ ଫାଇଲେରିଆସିସ୍ (ଏଲିଫେଣ୍ଟିଆସିସ୍) ଏକ ଦୁଃସାଧ୍ୟ ରୋଗ , ଯାହାକୁ ୨୦୨୭ ସୁଦ୍ଧା ନିର୍ମୁଳ କରିବାକୁ ଲକ୍ଷ୍ୟ ରଖାଯାଇଛି ।
ଲିମ୍ଫାଟିକ୍ ଫାଇଲେରିଆସିସ୍କୁ ଦୂର କରିବା ଲକ୍ଷ୍ୟ ଦିଗରେ ଅଗ୍ରଗତିକୁ ତ୍ୱରାନ୍ୱିତ କରିବା ପାଇଁ ଭାରତ ନିକଟରେ ଅନେକ ପଦକ୍ଷେପ ଗ୍ରହଣ କରିଛି । ଭାରତ ସରକାରଙ୍କ ମାନ୍ୟବର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ ୧୩ ଜାନୁଆରୀ ୨୦୨୩ରେ ୨୦୨୭ ସୁଦ୍ଧା ଲିମ୍ଫାଟିକ୍ ଫାଇଲେରିଆସିସ୍ ନିରାକରଣ ପାଇଁ ଏକ ଉନ୍ନତ ପାଞ୍ଚ - ସ୍ତରୀୟ ରଣନୀତିର ଶୁଭାରମ୍ଭ କରିଥିଲେ ଏବଂ ସେଥି ମଧ୍ୟରୁ ଗୋଟିଏ ଗୁରୁତ୍ୱପୂର୍ଣ୍ଣ ରଣନୀତି ହେଉଛି 'ମିଶନ ମୋଡ୍ ଇଣ୍ଡିଆ ଏମ୍ଡିଏ ଅଭିଯାନ' ଜାତୀୟ କୃମି ନିବାରଣ ଦିବସ (ଏନଡିଡି) ଯାହା ବର୍ଷକୁ ୧୦ ଫେବୃଆରୀ ଏବଂ ଅଗଷ୍ଟ ୧୦ ରେ ବର୍ଷକୁ ଦୁଇ ଥର ପାଳନ କରାଯାଏ ।
ଆସାମ, ବିହାର, ଉତ୍ତର ପ୍ରଦେଶ, ଝାଡ଼ଖଣ୍ଡ, ଓଡ଼ିଶା, ଛତିଶଗଡ଼, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ପଶ୍ଚିମବଙ୍ଗ ଓ ଗୁଜରାଟ ସମେତ ୧୧ଟି ରାଜ୍ୟ ଏହି ଅଭିଯାନରେ ଅଂଶଗ୍ରହଣ କରିବେ ।
ବର୍ତ୍ତମାନ ଦେଶର ୨୦ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୩୪୫ଟି ଲିମ୍ଫାଟିକ୍ ଫାଇଲେରିଆ ସ୍ଥାନିକ ଜିଲ୍ଲା ରହିଛି । ପ୍ରତିଶତ ଜନ ଔଷଧ ପ୍ରଶାସନ (ଏମ୍ଡିଏ) ର ୭୫ଟି ଜିଲ୍ଲା ୫ଟି ରାଜ୍ୟ ବିହାର, ଝାଡ଼ଖଣ୍ଡ, ଉତ୍ତର ପ୍ରଦେଶ, ଓଡ଼ିଶା ଓ ତେଲେଙ୍ଗାନାର ଅଟେ । ଏମ୍ଡିଏର ୧୫ – ୨୦ରୁ ଅଧିକ ପର୍ଯ୍ୟାୟ ସତ୍ତ୍ୱେ ମାତ୍ର ୧୩୮ଟି ଜିଲ୍ଲା ଏମ୍ଡିଏକୁ ବନ୍ଦ କରିଛନ୍ତି ।
ଏହି ଅବସରରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ, କାର୍ଯ୍ୟନ୍ୱୟନ କରୁଥିବା ରାଜ୍ୟର ବରିଷ୍ଠ ଅଧିକାରୀ ଏବଂ କାର୍ଯ୍ୟକାରୀ ସଂସ୍ଥାର ପ୍ରତିନିଧିମାନେ ଉପସ୍ଥିତ ଥିଲେ ।
****
SSP
(Release ID: 2004876)
Visitor Counter : 47