بھارت کی کوئلہ پیداوار مالی برس 2023-24 کے لیے 6 فروری 2024 تک بڑھ کر 803.79 ملین ٹن کے بقدر تک پہنچ گئی ہے، جو مالی سال 2022-23 کی اسی مدت کے دوران ریکارڈ کیے گئے 717.23 ملین ٹن کے مقابلے میں قابل ذکر اضافہ ظاہر کرتی ہے، اور 12.07فیصد  کی متاثر کن شرح نمو کی عکاسی کرتی ہے۔ اس سے قبل، 800 ملین ٹن کا یہی پیداواری نشان گذشتہ مالی برس کے دوران 08.03.23 کو حاصل کیا گیا تھا(یعنی اس مرتبہ 30 روز پہلے ہی حاصل کر لیا گیا)۔

آتم نربھر بھارت (خود کفیل بھارت) پہل قدمی کی تصوریت کے ساتھ، کوئلے کی وزارت نے توانائی کی حفاظت اور خود کفالت کی جانب یہ قابل ذکر ترقی حاصل کی ہے، جو کہ پائیدار ترقی کی جانب بھارت کے سفر میں ایک اہم لمحہ ہے۔

ساتھ ہی، بہتر بنائے گئے کوئلہ لاجسٹک بنیادی ڈھانچے نے نقل و حمل اور ملک بھر میں کوئلے کی نقل و حمل اور ترسیل کو آسان بنانے میں اہم کردار ادا کیا ہے۔ اسی تاریخ تک کوئلے کی ترسیل بڑھ کر 815.11 ملین ٹن تک پہنچ گئی ہے، جبکہ گذشتہ مالی برس کی اسی مدت کے دوران یہ 736.00 ملین ٹن کے بقدر تھی، جس سے 10.75 فیصد کے بقدر کی غیر معمولی شرح نمو ظاہر ہوتی ہے۔

کوئلے کی پیداوار اور ترسیل کی یہ تیز رفتار اقتصادی ترقی اور ترقی کے ساتھ ساتھ ملک کی توانائی کی ضروریات کو پورا کرنے کے لیے بھارت کی غیر متزلزل عزم کی عکاسی کرتی ہے۔ یہ نمایاں ترقی چنوتیوں پر قابو پانے اور ترقی کے مواقع سے فائدہ اٹھانے میں کوئلے کے شعبے کی لچک اور موافقت کی مثال دیتی ہے۔

**********

 (ش ح –ا ب ن۔ م ف)

U.No:4693

(Release ID: 2004164) Visitor Counter : 79