மத்திய புள்ளியியல் மற்றும் திட்ட அமலாக்க அமைச்சகத்திலிருந்து சமீபத்தில் பெறப்பட்ட தகவல்களின்படி, அகில இந்திய மொத்த உள்நாட்டு உற்பத்தியில் குறு, சிறு மற்றும் நடுத்தரத் தொழில் நிறுவனங்கள் பெருமளவுக்கு பங்களித்துள்ளது தெரியவந்துள்ளது.  

குறு, சிறு மற்றும் நடுத்தரத் தொழில் நிறுவனங்கள் அமைச்சகம், நாட்டில் உள்ள குறு, சிறு மற்றும் நடுத்தரத் தொழில் நிறுவனங்களின் கடன் ஆதரவு, புதிய தொழில் முனைவு மேம்பாடு, முறைப்படுத்துதல், தொழில்நுட்ப உதவி, உள்கட்டமைப்பு மேம்பாடு, திறன் மேம்பாடு மற்றும் பயிற்சி, குறு, சிறு மற்றும் நடுத்தரத் தொழில் நிறுவனங்களுக்கான சந்தை உதவி ஆகிய துறைகளில் ஆதரவு மற்றும் மேம்பாட்டை நோக்கமாகக் கொண்ட பல்வேறு திட்டங்களை செயல்படுத்தி வருகிறது. இந்த திட்டங்களில் எம்எஸ்எம்இ சாம்பியன்ஸ் திட்டம், மைக்ரோ மற்றும் சிறு நிறுவனங்களுக்கான கடன் உத்தரவாத நிதி அறக்கட்டளை, பிரதமரின் வேலைவாய்ப்பு உருவாக்கும் திட்டம், மைக்ரோ மற்றும் சிறு நிறுவனங்கள் - கிளஸ்டர் மேம்பாட்டு திட்டம்  மற்றும் எம்எஸ்எம்இ செயல்திறனை உயர்த்துதல் மற்றும் துரிதப்படுத்துதல்  ஆகியவை அடங்கும்.

மேலும், குறு, சிறு மற்றும் நடுத்தரத் தொழில் நிறுவனங்களுக்கு ஆதரவளிக்க அரசு பல்வேறு முயற்சிகளை எடுத்துள்ளது.

எம்எஸ்எம்இ-க்களுக்கான பதிவை எளிதாக்குவதற்கும் அனைத்து திட்டங்கள் மற்றும் நன்மைகளை அணுகுவதற்கும் உதயம் பதிவு தளம் 01.07.2020 அன்று தொடங்கப்பட்டது  05.02.2024 நிலவரப்படி, 16.86 கோடிக்கும் அதிகமான வேலைவாய்ப்பைக் கொண்ட 3.64 கோடிக்கும் அதிகமான எம்எஸ்எம்இ-க்கள் உதயம் போர்ட்டலில் பதிவு செய்துள்ளன.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் குறு, சிறு மற்றும் நடுத்தரத் தொழில்கள் துறை இணையமைச்சர் திரு. பானு பிரதாப் சிங் வர்மா இந்தத் தகவலைத் தெரிவித்தார்.

***

(Release ID: 2003871)

ANU/SMB/PKV/AG/KRS

(Release ID: 2004128) Visitor Counter : 142