কেন্দ্রগী এজুকেসন অমসুং স্কিল দেবেলপমেন্ত অমদি ওন্ত্রেপ্রিন্যুরশিপ মন্ত্রী শ্রী ধর্মেন্দ্র প্রধান্না ইন্তরিম বজেত ২০২৪-২৫বু ২০৪৭ ফাওবদা ভারতপু চাউখৎপা লৈবাক অমা ওইহনবগী মায়কৈদা মরুওইবা খোংথাং অমনি হায়না ফোংদোকখ্রে।

প্রধান মন্ত্রী শ্রী নরেন্দ্র মোদী অমসুং ফাইনান্স মিনিস্তর শ্রীমতী নির্মলা সীতারমনবু তৌবিমল খংবা ফোংদোক্লদুনা শ্রী প্রধান্না হায়খি মদুদি বজেত অসি থোইদোক হেন্দোকপা, তুংগী য়েংবা, পিপল সেন্ত্রিক অমসুং গ্রোথ স্তিমুলেত তৌবা বিকসিত ভারত বজেত অমনি। শ্রী প্রধান্না হায়খি মদুদি বজেত অসিনা নুপীনা লুচিংবা চাউখৎথৌরাং, এস্পিরেসনশিং ফংহনবা অমসুং পুম্নমক্কীদমক পুন্সীবু লাইথোকহনবগা লোয়ননা গ্রীন গ্রোথ অমসুং এমপ্লোইমোন্ত জেনরেসনদা মখা তানা শাফু পীরি। মহাক্না মসিমসু হায়খি মদুদি বজেত অসিনা ভারতপু সেক্তর পুম্নমক্তা ওল-রাউন্দ দেবেলপমেন্ত হেনগৎহন্নবগীদমক থৌরাংলি।

শ্রী প্রধান্না ফাইনান্স মিনিস্তরবু বিকসিত ভারত বজেত্তা নহাশিং অমসুং তেক্নোলোজীগী শক্তিবু পুন্সিন্নবা মহাক্কী থাপ্না য়েংলিবা মীৎয়েংগীদমক থাগৎপা ফোংদোকখি। মহাক্না হায়খি মদুদি বজেত অসিনা ভারতকী তেলেন্ত লৈরবা য়ুবা শক্তিনা লুচিংদুনা রিসর্স, ইনোবেসন অমসুং ওন্ত্রেপ্রিন্যুরশিপকী গোল্দন ইরা অমগীদমক লম্বী য়াৎলগনি।

মহাক্না হায়খি মদুদি বজেত অসিগী খ্বাইদগী চাউনা লাউথোকখিবদি ‘জয় অনুসন্ধান’ স্কিমনি, মদুগীদমক কোর্পস ফন্দ অমা ওইনা লুপা করোর লাখ ১ লাউথোকখ্রে, মদুগী থোংদা প্রাইবেৎ এন্তাইতীশিংনা চহি ৫০গী ওইনা শেন্দোয় য়াওদবা লোন খনবা য়াগনি। মসিনা ভারতকী অনৌবা জেনরেসনদা দাইরেক্ত ওইনা কানহল্লগনি হায়না শ্রী প্রধান্না মখা তাখি।

কেন্দ্রগী ফাইনান্স মিনিস্তর শ্রীমতী নির্মলা সীতারমননা ইন্তরিম বজেত লান্থোক্লদুনা নবাশিং অখন্ননা অমৃত পীরী- য়ুবাবু শক্তি লৈহন্নবা সরকারগী অচেৎপা ৱাফমবু হায়লাইত তৌরি।

* বজেত্তা পি.এম. শ্রী ইনিসিয়েতিব নিংথিজনা পল্লি, মসিনা হায়-ক্বালিতী এজুকেসন ফংহনবা ঙমহন্দুনা স্কিল ইন্দিয়া মিসন্না নহা করোর ১.৪ মায় পাক্না ত্রেন তৌখ্রে, মীওই লাখ ৫৪ অপস্কিল অমসুং রিস্কিল তৌখ্রে অমসুং অনৌবা আই.তি.আই. ৩,০০০ লিংখৎখ্রে। 

* বজেত্তা আই.আই.তি. ৭, আই.আই.আই.তি. ১৬, আই.আই.এম. ৭, এইম্স ১৫ অমসুং য়ুনিবর্সিতী ৩৯০ লিংখৎপা য়াওনা হায়র লর্নিংগী ইন্সতিত্যুসন কয়া অমসু পল্লি, মদুনা এজুকেস্নেল দেবেলপমেন্তদা চাউনা খুমাং চাউশিল্লি।    

* হায়র এজুকেসনদা নুপীশিং মিং চনবদা শিংথানিংঙাই ওইনা চাদা ২৮ হেনগৎপা অসি চাউথোকচনিংঙাই মীকুপ অমা ওইখি। স্তেম কোর্সশিংদা নুপীশিং হৌজিক অপুনবা মিং চনবগী চাদা ৪৩ ওইদুনা মালেমগী ওইনা খ্বাইদগী ৱাংবা অমা ওইরে।  

বজেত ২০২৪-২৫গী হায়লাইতশিং – দি/ও স্কুল এজুকেসন & লিতরেসী

* শেনবা চহি ২০২৪-২৫গী ওইনা লুপা করোর ৭৩,৪৯৮গী বজোত এলোকেসন অসি দিপার্তমেন্ত ওফ স্কুল এজুকেসন & লিতরেসীগী ওইনা হৌজিক ফাওবগী খ্বাইদগী ৱাংবনি। 

* আর.ই. ২০২৩-২৪দগী শেনবা চহি ২০২৪-২৫দা দিপার্তমেন্ত ওফ স্কুল এজুকেসন & লিতরেসীগী বজেত এলোকেসনদা লুপা করোর ১২,০২৪ (চাদা ১৯.৫৬)গী অপুনবা হেনগৎলে। 

* কে.ভি.এস. & এন.ভি.এস.গী ওতোনোমস বোদীশিংদা মথংশিৎনা লুপা করোর ৯,৩০২ অমসুং লুপা করোর ৫,৮০০গী হৌজিক ফাওবগী খ্বাইদগী ৱাংবা বজেত এলোকেসন উবা ফংবা য়াই।

* ফ্লেগশিপ স্কিমশিংদা বজেত এলোকেসন হেনগৎলে, মদুদি, আর.ই. ২০২৩-২৪গা চাংদম্নবদা সমগ্র শিক্ষা (লুপা করোর ৪,৫০০ ফাওবা), পি.এম.-পোশন (লুপা করোর ২,৪৬৭ ফাওবা) অমসুং পি.এম.-শ্রী (লুপা করোর ৩,২৫০ ফাওবা)।

* আর.ই. ২০২৩-২৪গী মতুং ইন্না কে.ভি.এস.দা এলোকেসন লুপা করোর ৮০২ হেনগৎলে অমসুং এন.ভি.এস.দা লুপা করোর ৩৩০ হেনগৎলে।

দিপার্তমেন্ত ওফ হায়র এজুকেসন

* শেনবা চহি ২০২৪-২৫দা ওবরওল বজেত এলোকেসন অসি লুপা করোর ৪৭৬১৯.৭৭নি মদুগী মনুংদা স্কিম এলোকেসন্না লুপা করোর ৭৪৮৪.৮৭নি অমসুং নন-স্কিম এলোকেসন্না লুপা করোর ৪০১৩১.৯০নি।

* শেনবা চহি ২০২৩-২৪গা য়েংনবদা শেনবা চহি ২০২৪-২৫দা দিপার্তমেন্ত ওফ হায়র এজুকেসনগী বজেত এলোকেসনদা পুন্না লুপা করোর ৩৫২৫.১৫ (চাদা ৭.৯৯) হেনগৎলে।

মেজর ওতোনোমস বোদীশিংদা এলোকেসন

* সেন্ত্রেল য়ুনিবর্সিতীশিংদা এলোকেসন লুপা করোর ১৫৯২৮.০০দা থমলে, মদু বি.ই. ২০২৩-২৪দা তৌখিবা এলোকেসনদগী লুপা করোর ৪৩১৪.০৩ হেনলে।

* ২০২৪-২৫দা দীম য়ুনিবর্সিতীশিংদা লুপা করোর ৫৯৬ এলোকেত তৌরে, মদু বি.ই. ২০২৩-২৪দগী লুপা করোর ৯৬ হেনলে।

* ২০২৪-২৫দা আই.আই.তি.শিংদা লুপা করোর ১০৩২৪.৫ এলোকেত তৌরে, মদু বি.ই. ২০২৩-২৪দা তৌখিবা এলোকেসনদগী লুপা করোর ৯৬৩.০০ হেনলে।

* এন.আই.তি.শিংগী ওইনা শেনবা চহি ২০২৪-২৫দা লুপা করোর ৫০৪০ এলোকেত তৌরে, বি.ই. ২০২৩-২৪গা য়েংনবদা এলোকেসনদা লুপা করোর ২১৯.৪০ হেনগৎলে।

* আই.আই.এস.ই.আর.শিংদা এলোকেসন লুপা করোর ১৫৪০দা থমলে, বি.ই. ২০২৩-২৪গা য়েংনবদা এলোকেসনদা লুপা করোর ৭৮ হেনগৎলে।

* ২০২৪-২৫দা ইন্দিয়ন ইন্সতিত্যুত ওফ সাইন্স (আই.আই.এস.সি.)দা তেংবাং লুপা করোর ৮৭৫.৭৭ এলোকেত তৌরে, মদু বি.ই. ২০২৩-২৪ তৌখিবা এলোকেসনদগী লুপা করোর ৬০.৩৭ হেনলে।

মেজর স্কিমশিংদা এলোকেসন

* শেনবা চহি ২০২৪-২৫গী ওইনা রুসাগীদমক বজেত লুপা করোর ১৮১৪.৯৪দা থমলে, মদু বি.ই. ২০২৩-২৪দগী লুপা করোর ৩১৪.৯৪ হেনলে।

* ইন্সতিত্যুসন ওফ এমিনেন্স (আই.ও.ই.)গীদমক লুপা করোর ১৮০০গী এলোকোসন অমা থমখ্রে, মদু বি.ই. ২০২৩-২৪দগী লুপা করোর ৩০০ হেনলে।

* শেনবা চহি ২০২৪-২৫দা ‘প্রধান মন্ত্রী উচতর শিক্ষা প্রোতসহন য়োজনা’ (পি.এম.-য়ু.এস.পি.) স্কিমগীদমক বজেত এলোকেসন লুপা করোর ১৫৫৮দা থমলে, মদু বি.ই. ২০২৩-২৪দগী লুপা করোর ৪ হেনলে।

* শেনবা চহি ২০২৪-২৫দা ‘নেস্নেল এপ্প্রেনতেসেশিপ ত্রেনিং স্কিম (এন.এ.তি.এস)’দা লুপা করোর ৬০০গী এলোকেসন অমা তৌখ্রে, মদু বি.ই. ২০২৩-২৪দগী লুপা করোর ১৬০ হেনলে।

* শেনবা চহি ২০২৪-২৫দা ‘আই.সি.তি.গী থোংদা নেস্নেল মিসন ইন এজুকেসন’দা লুপা করোর 480গী এলোকেসন অমা তৌখ্রে, মদু বি.ই. ২০২৩-২৪দগী লুপা করোর 80 হেনলে।

* শেনবা চহি ২০২৪-২৫দা ‘মল্তিদিসিপ্লিনরী এজুকেসন এন্দ রিসর্স ইমপ্রুবমেন্ত ইন তেক্নিকেল এজুকেসন-ই.এ.পি. (মেরিত)’দা লুপা করোর ২০০গী এলোকেসন অমা তৌদুনা বি.ই. ২০২৩-২৪দা তৌখিবা এলোকেসনদগী চাদা ১০০ হেনগৎলে।

* শেনবা চহি ২০২৪-২৫গী বজেত্তা ‘আর্তিফিসেল ইন্তিলেজেন্স (এ.আই)দা সেন্তর্স ওফ এক্সেলেন্স (সি.ও.ই.এস.) ৩ লিংখৎপা’ স্কিম লাউথোকখি, শেনবা চহি ২০২৪-২৫দা লুপা করোর ২৫৫গী এলোকেসন অমা তৌরে।

***

(Release ID: 2002911) Visitor Counter : 75