پٹرولیم اور قدرتی گیس اور ہاؤسنگ اور شہری امور کے وزیر جناب ہردیپ سنگھ پوری نے کہا کہ ”صرف دو سالوں میں، انڈیا انرجی ویک عالمی توانائی کیلنڈر کا ایک نمایاں حصہ بن گیا ہے۔ سب سے تیزی سے بڑھتی ہوئی بڑی معیشت، بڑھتے ہوئے صارفین کی بنیاد، اور سرمایہ کاری کی دعوت دینے والے ماحول کے ساتھ، ہم نے توانائی کے منظر نامے میں ایک جگہ بنائی ہے۔“

ہندوستان کے وزیر اعظم جناب نریندر مودی  کے ذریعہ افتتاح کیے گئے 2023 ایڈیشن کی کامیابی کی بنیاد پر، انڈیا انرجی ہفتہ 2024، 6 سے 9 فروری 2024 تک گوا، بھارت میں ایک بار پھر منعقد ہو رہا ہے۔

مقررہ تاریخ کے نزدیک آنے کے ساتھ ہی، مرکز میں نوڈل منسٹری اور گوا انتظامیہ سمیت مختلف سرکاری محکمے، ایک بڑے اجتماع کی میزبانی میں شامل تمام ممکنہ لاجسٹک اور ماحولیاتی پہلوؤں کا احاطہ کرنے کے لیے انتھک محنت کر رہے ہیں تاکہ یہ یقینی بنایا جا سکے کہ مقامی زندگی متاثر نہ ہو۔

انڈیا انرجی ویک، 2024 میں 35,000 سے زیادہ حاضرین، 350 سے زیادہ نمائش کنندگان، 80 سے زیادہ کانفرنس سیشنوں میں پھیلے ہوئے 400 سے زیادہ مقررین اور 120 سے زیادہ ممالک سے 4,000 سے زیادہ مندوبین کے آنے کی توقع ہے۔ یہ تقریب عالمی نمائش کنندگان کے ایک وسیع حلقے کی میزبانی کرے گی۔

عالمی توانائی کے ماحولیاتی نظام میں ہندوستان کے بڑھتے ہوئے عالمی قد کے ساتھ، آئی ای ڈبلیو 2024 اپنے افتتاحی ایڈیشن سے بھی زیادہ شاندار، متنوع اور اثر انگیز ہونے کے لیے تیار ہے، جسے پچھلے سال بنگلورو میں عزت مآب وزیر اعظم نریندر مودی نے پیش کیا تھا۔

مسلسل بدلتے ہوئے عالمی توانائی کے منظر نامے میں ہندوستان کے کردار کے بارے میں وزیر اعظم کے وژن نے 2023 میں ایک شاندار کامیاب تقریب کی بنیادی رکھی تھی، جہاں ہندوستان نے توانائی کی منتقلی کے لیے ایک عالمی پاور ہاؤس کے طور پر اپنا غلبہ ظاہر کیا۔

توانائی کے ماحولیاتی نظام کے عالمی اجتماع کو آئی پی ایس ایچ ای ایم-او این جی سی ٹریننگ انسٹی ٹیوٹ میں 6 سے 9 فروری کے درمیان متحرک اور زندہ دل ساحلی ریاست گوا میں ایک مثالی میزبان ملے گا۔

حقیقت میں عالمی تقریب کی مثال دنیا بھر سے توانائی کے شعبے کے اعلیٰ پالیسی سازوں کی موجودگی سے دی جائے گی۔ پٹرولیم اور قدرتی گیس اور ہاؤسنگ اور شہری امور کے مرکزی وزیر جناب ہردیپ سنگھ پوری اس تقریب میں متعدد کانفرنسوں میں شرکت کریں گے۔

آئی ای ڈبلیو 2024 کے دوران، وزارتی، قیادتی، تکنیکی سیشن اور گول میزیں مختلف موضوعات کو تلاش کریں گی جیسے عالمی جنوب کی توانائی کی منتقلی، مستقبل کے لیے تیار توانائی کی تعمیر، توانائی کے اختیار کے لیے متبادل ایندھن کے روڈ میپ کو چارٹر کرنا اور توانائی پر علاقائی کاری اور عالمگیریت کے اثرات وغیرہ۔

آئی ای ڈبلیو، 2024 کی اہمیت

ہندوستان نے بیک وقت توانائی کی حفاظت اور توانائی کی منتقلی کو یقینی بنانے کے چیلنجوں کا جواب دینے میں قابل ذکر کامیابی حاصل کی ہے۔

ملک نے گھریلو خام تیل اور قدرتی گیس کی تلاش اور پیداوار میں اضافہ، درآمدات کو کم کرنے اور قیمتوں کو قابل استطاعت رکھنے کے لیے پیٹرول میں ایتھنول کی ملاوٹ میں تیزی سے اضافہ، اور بڑے پیمانے پر تعیناتی سمیت متعدد اقدامات کے ذریعے اس مشکل چیلنج کا جواب دیا ہے، لیکن ان ہی تک محدود نہیں ہے۔

آئی ای ڈبلیو اپنے شہریوں کے لیے قابل رسائی، سستی اور صاف ستھری توانائی کو یقینی بنانے کے لیے اتار چڑھاؤ کے عالم میں ہندوستان کے متحرک فیصلہ سازی سے سیکھنے کا ایک موقع فراہم کرتا ہے۔

آئی ای ڈبلیو سے یہ بھی توقع کی جاتی ہے کہ وہ موسمیاتی تبدیلی کے خلاف جنگ میں ہندوستان کی قیادت کو اجاگر کرے گا جبکہ توانائی کے میدان میں اسٹیک ہولڈروں کو آزادانہ طور پر خیالات کا تبادلہ کرنے اور ایک ہی چھت کے نیچے مواقع تلاش کرنے کی اجازت دے گا۔

                                               **************

ش ح۔ ف ش ع- م ف

U: 4402