ইন্তেরিম বজেৎ 2024-2025না ভিকসিৎ ভারত @2047 অমগী পান্দম ফংবা ঙম্নবা ইন্নোভেসন অমসুং স্তার্তঅপশিংদা মীৎয়েং থম্বগী মমি তাই হায়না ঙসি কেন্দ্রগী মন্ত্রী দা. জিতেন্দ্র সিংহনা ফোঙদোকখ্রে।

মন্ত্রীনা ইন্তেরিম বজেৎনা লুপা করোর লাখ অমগী কোর্পস অসিনা সনরাইজ তেক্নোলোজীশিংগী প্রাইবেৎ ইনভেস্তমেন্তদা শাহৌ পীনবা প্রপোজ তৌরি হায়খি। কেন্দ্রগী শেল-থুম মন্ত্রীনা “মসিনা ঐখোয়গী তেক সেভী নহারোলগী কান্নরবা চহিচা  অমা ওইরগনি” হায়খিবা অসিনা ঐখোয়গী নহারোল অমসুং তেক্নোলোজীগী শক্তিশিং পুনশিল্লিবা প্রোগ্রামশিংবু পুক্নিং থৌগৎলগনি হায়না মহাক্না হায়খি।

সাইন্স এন্দ তেক্নোলোজী, MoS PMO, পর্সনেল গ্রীভান্সেস, পেনসন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ)না পার্লিয়ামেন্তদা বজেৎ পুথোকখ্রবা মতুংদা মেদিয়াদা ৱা ঙাংখি।

“দিফেন্সকী দীপ তেক স্তার্তঅপশিংগীদমক অনৌবা স্কিম অমসুং বাইও-স্তার্তঅপশিং অমসুং বাইও-ইকনোমী সপ্লিমেন্ত তৌনবা অখন্নবা বাইওমেন্যুফেকচরিং স্কিমগা লোয়ননা পুন্না ইন্নোভেসন অমসুং স্তার্তঅপশিং প্রমোৎ তৌনবা ইন্তেরিম য়ুনিয়ন বজেৎতা লুপা করোর লাখ অমগী কোর্পস অমা লাউথোকখি…পুম্নমক অসিনা 2047 ফাপবদা ভিকসিৎ ভারতকী পান্দম ফংনবা সাইন্স অমসুং তেক্নোলোজী ওপ্তিমেল ওইনা শীজিন্নবা প্রধান মন্ত্রী শ্রী নরেন্দ্র মোদীগী ক্লেরিতী অমসুং কনভিক্সন অদু তাক্লি” হায়না মহাক্না ফোঙদোকখি।

দা. জিতেন্দ্র সিংহনা হায় সাইন্স অমসুং তেক্নোলোজীদা আত্মনির্ভরতা ওইবা অসিনা দিফেন্স সেক্তরগীদমক দীপ-তেক তেক্নোলোজীশিং মপাঙ্গল কনখৎহন্নবা লোঞ্চ তৌগদৌরিবা প্রপোজ তৌখিবা অনৌবা স্কিমদা শাহৌসু পীরগনি।

ভেক্সিনশিং মথং-মথং দিবেলপ তৌবগী সাইন্স অমসুং তেক্নোলোজী মন্ত্রালয়গী দিপার্তমেন্ত ওফ বাইওতেক্নোলোজীগী মাইপাকপবু থাগৎলদুনা দা. জিতেন্দ্র সিংহনা হায়খি ইন্তেরিম বজেৎ অসিনা সর্ভাইকেল কেন্সরগী মায়োক্তা চহি কাংলুপ 9-14গী নুপীমচাশিংদা লাইনা অসি ঙাকথোক্নবা ভেক্সিনেসন তৌনবা প্রপোজ তৌখি।

দা. জিতেন্দ্র সিংহনা সেপ্তেম্বর 2022দা DBT অমসুং সেরম ইন্সতিত্যুত ওফ ইন্দিয়া, পুনেনা সর্ভাইকেল কেন্সর ঙাকথোক্নবা  ভারতকী অহানবা ইন্দিজিনস ওইনা দিবেলপ তৌখিবা ভেক্সিন ‘সেরবাবেক’ পুথোকখি হায়না লাউথোকখি।

দা. জিতেন্দ্র সিংহনা হায়খি ইন্তেরিম বজেৎ অসিনা বাইওদিগ্রেদেবল পোলিমর্স, বাইও-প্লাস্তিক্স, বাইও-ফার্মাস্যুতিকেল্স অমসুং বাইও-এগ্রি-ইনপুৎশিংগুম্বা এনভাইর্নমেন্ত ফ্রেন্দলী অলতর্নেতিবশিং পীগদবা বাইও-মেন্যুফেকচরিং অমসুং বাইও-ফাউন্দ্রীগী অনৌবা স্কিম অমসু প্রোপোজ তৌরি।

“DBTনা গ্রীন গ্রোথ প্রমোৎ তৌরিবা স্কিমদা মরু ওইবা থৌদাং লৌরগনি অমসুং রিজেনরেতিব প্রিন্সিপলশিংদা য়ুম্ফম ওইবা ঙসিগী কঞ্জুম্পতিব মেন্যুফেকচরিং পেরাদিমদা অওনবা পুরকপদা মতেং পাংগনি” হায়না মহাক্না ফোঙদোকখি।

দা. জিতেন্দ্র সিংহনা হায়খি শেল-থুম মন্ত্রীনা পোত্থোক লৈবা ময়াৎশিং দিবেলপ তৌদুনা ওইল সীদশিংদা ‘আত্মনির্ভর’ ফংনবা লালোং অমসু পনখি। মসিগী মথক্তা ইন্তেরিম বজেৎ অসিনা ব্ল্যু ইকনোমী অমা ফংনবা ক্লাইমেৎ রেজিলিএন্ত এক্তিবিতীশিংসু প্রমোৎ তৌরি হায়না কেন্দ্রগী সাইন্স অমসুং তেক্নোলোজী মন্ত্রীনা ফোঙদোকখি।

“লাক্কদৌরিবা চহিইংদা “ব্ল্যু ইকনোমী”না ভারতকী ওভরওল ইকনোমীদা চাউনা শরুক তমগনি অমসুং প্রধান মন্ত্রীনা লাউথোকখিবা দীপ ওসীন মিসন্না মসিগী মরু ওইবা কম্পোনেন্ত ওইরগনি”, হায়না মহাক্না  ফোঙদোকখি।

কেন্দ্রগী আর্থ সাইন্সেস মন্ত্রালয়না পাইখৎপা সমুদ্রয়ান মিসনগী শরুক ওইনা ভারতনা মিনরেলগুম্বা সমুদ্র মনুংগী রিসোর্সশিং এক্সপ্লোরেসন তৌনবগীদমক মিতর 6000 লুবা মফমদা MATSYA কৌবা সবমের্সিবল অমদা মীওই অহুম থানবা পান্দম থম্মি। মহাক্না হায় মিসন অসি মথংগী চহি 2-3দদি পাঙথোকপা ঙম্লবা য়াই।

দা. জিতেন্দ্র সিংহনা হায়খি ইন্তেরিম বজেৎনা দিস্ত্রিব্যুসন গ্রিদশিংদা পাৱর য়োল্লক্কদৌরিবা রুফ তোপ সোলর দিবেলপমেন্তগা লিঙ্ক তৌদুনা পাৱর সবসিদীগী সস্তেনেবল অমসুং ইকো-ফ্রেন্দলী ওইব এপ্রোচ অমা পুথোক্তুনা অচৌবা মওংদা ইন্দিজিনস সোলর ইনর্জী মেন্যুফেকচর্রশিংবু প্রমোৎ তৌরি।

“পি.এম. মোদীনা হায়খিবগী মতুং ইন্না ভারতনা 2070 ফাওবদা নেৎ জিরো ওইনবা পান্দমগী মাইকৈদা চংশিনবা অসিদা বজেৎ স্পীচ অসিনা EV ইকোসিস্তেম পাকথোক চাউথোক্নবসু থমখি”, হায়না মহাক্না ফোঙদোকখি।

ইনিসিএতিব পুম্নমক অসিনা ফুল-ফ্লেদজ বজেৎ অসি জুলাইদা পুথোকপা মতমদা হেন্না শাহৌ পীরগনি হায়না দা. জিতেন্দ্র সিংহনা ফোঙদোকখি।

“খোঙথাংশিং অসিনা ত্রিলিয়ন ফোলর মঙাগী ইকনোমী ওইনবা তেক্নোলোজীনা লমজিংবা চাউখৎথৌরাং অমসুং অমৃত কাল মনুংদা ভিকসিৎ ভারত সঙ্কল্প থুংহনবদা ইনোৎ হাপ্পগনি” হায়না মহাক্না ফোঙদোকখি।

*****

(Release ID: 2002130) Visitor Counter : 41