حکومت ہند نے اسٹیل کے شعبے میں گرین ہائیڈروجن کے استعمال کے لیے پائلٹ پروجیکٹ شروع کرنے کے لیے رہنما خطوط جاری کیے ہیں۔ "نیشنل گرین ہائیڈروجن مشن کے تحت اسٹیل کے شعبہ میں گرین ہائیڈروجن کے استعمال کے لیے پائلٹ پروجیکٹوں کے نفاذ کے لیے اسکیم گائیڈ لائنز" کے نام سے رہنما خطوط، نئی اور قابل تجدید توانائی کی وزارت (ایم این آر ای) نے 2 فروری 2024 کو جاری کیے ہیں۔

نیشنل گرین ہائیڈروجن مشن کے تحت، دیگر اقدامات کے ساتھ، ایم این آر ای اسٹیل کے شعبہ میں فوسل ایندھن اور فوسل ایندھن پر مبنی فیڈ اسٹاک کو گرین ہائیڈروجن اور اس کے مشتقات سے تبدیل کرنے کے لیے پائلٹ پروجیکٹوں کو نافذ کرے گا۔ یہ پائلٹ پروجیکٹ وزارت اسٹیل اور اس اسکیم کے تحت نامزد کردہ نافذ کرنے والی ایجنسیوں کے ذریعہ نافذ کیے جائیں گے۔

اسٹیل سیکٹر میں پائلٹ پروجیکٹوں کے لیے زور دینے والےعلاقے کے طور پر  تین علاقوں  کی نشاندہی کی گئی ہے۔ یہ ہائیڈروجن کا براہ راست ریڈیوسڈ آئرن میکنگ کا عمل ؛  بلاسٹ فرنس میں ہائیڈروجن کا استعمال؛ اور بتدریج گرین ہائیڈروجن کے ساتھ فوسل ایندھن کا متبادل ہیں ۔ یہ اسکیم ان پائلٹ پروجیکٹوں کی بھی حمایت  کرے گی جن میں ہائیڈروجن کا کوئی دوسرا اختراعی استعمال شامل ہے تاکہ لوہے اور اسٹیل کی پیداوار میں کاربن کے اخراج کو کم کیا جاسکے۔

اس اسکیم میں یہ تصور کیا گیا ہے کہ اس وقت گرین ہائیڈروجن کی زیادہ لاگت کو مدنظر رکھتے ہوئے، اسٹیل پلانٹ اپنے عمل میں گرین ہائیڈروجن کی ایک چھوٹی سی فیصد ملاکر شروع کر سکتے ہیں، اور لاگت کی اقتصادیات میں بہتری اور ٹیکنالوجی کی ترقی کے ساتھ ملاوٹ کے تناسب کو آہستہ آہستہ بڑھا سکتے ہیں۔ رہنما خطوط میں یہ بھی بتایا گیا ہے کہ متوقع اسٹیل پلانٹس کو گرین ہائیڈروجن کے ساتھ کام کرنے کے قابل ہونا چاہیے، اس طرح اس بات کو یقینی بنایا جائے کہ یہ پلانٹس مستقبل کی عالمی کم کاربن اسٹیل مارکیٹوں میں حصہ لینے کے قابل ہوں۔ اس اسکیم میں گرین فیلڈ پروجیکٹوں پر بھی غور کیا جائے گا جن کا مقصد 100فیصد ماحول دوست اسٹیل ہے۔

اس اسکیم کو مالی سال 2029-30 تک 455 کروڑ  روپے کے کل بجٹ کے تخمینے کے ساتھ نافذ کیا جائے گا۔

اسٹیل کے شعبے میں گرین ہائیڈروجن اور اس کے مشتقات کا استعمال، مجوزہ پائلٹ پروجیکٹوں کے ذریعہ، لوہا اور اسٹیل  کی صنعت میں گرین ہائیڈروجن کے استعمال کے لیے ضروری انفراسٹرکچر کی ترقی کا باعث بنے گا، جس کے نتیجے میں اسٹیل میں گرین ہائیڈروجن ایکو سسٹم قائم ہوگا۔ اسٹیل کی صنعت میں سبز ہائیڈروجن کے استعمال میں سالوں کے دوران اس کی پیداواری لاگت میں متوقع کمی کے ساتھ اضافہ متوقع ہے ۔

سکیم کے رہنما خطوط تک یہاں رسائی حاصل کی جا سکتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع  (

4350

(Release ID: 2002126) Visitor Counter : 85