ਕਿਰਤ ਬਿਊਰੋ, ਕਿਰਤ ਅਤੇ ਰੋਜ਼ਗਾਰ ਮੰਤਰਾਲੇ ਦਾ ਇੱਕ ਸਬੰਧਤ ਦਫਤਰ ਹੈ, ਜੋ ਦੇਸ਼ ਦੇ 88 ਉਦਯੋਗਿਕ ਤੌਰ 'ਤੇ ਮਹੱਤਵਪੂਰਨ ਕੇਂਦਰਾਂ ਵਿੱਚ ਫੈਲੇ 317 ਬਾਜ਼ਾਰਾਂ ਤੋਂ ਇਕੱਤਰ ਕੀਤੀਆਂ ਪ੍ਰਚੂਨ ਕੀਮਤਾਂ ਦੇ ਆਧਾਰ 'ਤੇ ਹਰ ਮਹੀਨੇ ਉਦਯੋਗਿਕ ਕਾਮਿਆਂ ਲਈ ਖਪਤਕਾਰ ਮੁੱਲ ਸੂਚਕਾਂਕ ਤਿਆਰ ਕਰਦਾ ਹੈ। ਸੂਚਕਾਂਕ ਨੂੰ 88 ਕੇਂਦਰਾਂ ਅਤੇ ਸਮੁੱਚੇ ਦੇਸ਼ ਲਈ ਸੰਕਲਿਤ ਕੀਤਾ ਗਿਆ ਹੈ ਅਤੇ ਅਗਲੇ ਮਹੀਨੇ ਦੇ ਆਖਰੀ ਕੰਮਕਾਜੀ ਦਿਨ ਨੂੰ ਜਾਰੀ ਕੀਤਾ ਗਿਆ ਹੈ। ਦਸੰਬਰ, 2023 ਦੇ ਮਹੀਨੇ ਲਈ ਸੂਚਕਾਂਕ ਇਸ ਪ੍ਰੈਸ ਬਿਆਨ ਵਿੱਚ ਜਾਰੀ ਕੀਤਾ ਜਾ ਰਿਹਾ ਹੈ।

ਦਸੰਬਰ, 2023 ਲਈ ਆਲ-ਇੰਡੀਆ ਸੀਪੀਆਈ-ਆਈਡਬਲਿਊ 0.3 ਬਿੰਦੂ ਘਟ ਗਿਆ ਅਤੇ 138.8 (ਇੱਕ ਸੌ ਅਠੱਤੀ ਪੁਆਇੰਟ ਅੱਠ) 'ਤੇ ਰਿਹਾ। ਇੱਕ ਮਹੀਨੇ ਦੇ ਪ੍ਰਤੀਸ਼ਤ ਦੇ ਬਦਲਾਅ 'ਤੇ, ਇਹ ਪਿਛਲੇ ਮਹੀਨੇ ਦੇ ਸਬੰਧ ਵਿੱਚ 0.22 ਫੀਸਦ ਘਟ ਗਿਆ ਹੈ ਜਦਕਿ ਇੱਕ ਸਾਲ ਪਹਿਲਾਂ ਦੇ ਸਮਾਨ ਮਹੀਨਿਆਂ ਵਿੱਚ 0.15 ਫੀਸਦ ਦੀ ਘਾਟ ਦਰਜ ਕੀਤੀ ਗਈ ਸੀ।

ਮੌਜੂਦਾ ਸੂਚਕਾਂਕ ਵਿੱਚ ਸਭ ਤੋਂ ਵੱਧ ਹੇਠਾਂ ਵੱਲ ਦਬਾਅ ਖੁਰਾਕ ਅਤੇ ਪੀਣਯੋਗ ਪਦਾਰਥ ਸਮੂਹ ਤੋਂ ਆਇਆ ਹੈ, ਜਿਸ ਨੇ ਕੁੱਲ ਬਦਲਾਅ ਵਿੱਚ 0.45 ਫੀਸਦ ਅੰਕ ਦਾ ਯੋਗਦਾਨ ਪਾਇਆ ਹੈ। ਵਸਤੂਆਂ ਦੇ ਪੱਧਰ 'ਤੇ ਚੌਲ, ਪੋਲਟਰੀ/ਚਿਕਨ, ਸਰ੍ਹੋਂ ਦਾ ਤੇਲ, ਸੇਬ, ਕੇਲਾ, ਫੁੱਲ ਗੋਭੀ, ਗੋਭੀ, ਸ਼ਿਮਲਾ ਮਿਰਚ, ਗਾਜਰ, ਫਰਾਂਸ-ਬੀਨਜ਼, ਹਰਾ ਧਨੀਆ, ਅਦਰਕ, ਪਿਆਜ਼, ਆਲੂ, ਟਮਾਟਰ, ਮਟਰ, ਮੂਲੀ, ਬਿਜਲੀ ਦੇ ਖਰਚੇ (ਘਰੇਲੂ) ਆਦਿ ਸੂਚਕਾਂਕ ਵਿੱਚ ਗਿਰਾਵਟ ਲਈ ਜ਼ਿੰਮੇਵਾਰ ਹਨ। ਹਾਲਾਂਕਿ, ਇਸ ਘਾਟ 'ਤੇ ਮੁੱਖ ਤੌਰ 'ਤੇ ਕਣਕ, ਮੱਝ ਦਾ ਦੁੱਧ, ਤਾਜ਼ੀ ਮੱਛੀ, ਬੈਂਗਣ, ਡ੍ਰਮਸਟਿੱਕ, ਲੱਸਣ, ਭਿੰਡੀ, ਚਿੱਟੀ ਖੰਡ, ਪਕਾਇਆ ਭੋਜਨ, ਤੰਬਾਕੂ ਦਾ ਪੱਤਾ, ਪੈਨ ਫਿਨਿਸ਼ਡ, ਟਰਾਊਜ਼ਰ ਪੈਂਟ ਰੈਡੀਮੇਡ, ਚਮੜੇ ਦੀ ਸੈਂਡਲ/ਜੁੱਤੇ/ਚੱਪਲ, ਇਲੈਕਟ੍ਰਿਕ ਬੈਟਰੀਆਂ, ਇੰਪਲਾਈਜ਼ ਸਟੇਟ ਇੰਸ਼ੋਰੈਂਸ (ਈਐੱਸਆਈ) ਯੋਗਦਾਨ, ਟੂਥ ਪੇਸਟ/ਟੂਥ ਪਾਊਡਰ, ਆਟੋ-ਰਿਕਸ਼ਾ/ਸਕੂਟਰ ਦਾ ਕਿਰਾਇਆ, ਬੱਸ ਦਾ ਕਿਰਾਇਆ ਆਦਿ ਸੂਚਕਾਂਕ 'ਤੇ ਉੱਪਰ ਵੱਲ ਦਬਾਅ ਪਾਉਂਦੇ ਹਨ।

ਕੇਂਦਰ ਪੱਧਰ 'ਤੇ, ਕੋਇੰਬਟੂਰ ਨੇ ਸਭ ਤੋਂ ਵੱਧ 4.7 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ, ਜਿਸ ਤੋਂ ਬਾਅਦ ਲੁਧਿਆਣਾ 3.2 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਿਹਾ। ਹੋਰਾਂ ਵਿੱਚ, 6 ਕੇਂਦਰਾਂ ਵਿੱਚ 2 ਤੋਂ 2.9 ਅੰਕਾਂ ਦੇ ਵਿਚਕਾਰ, 18 ਕੇਂਦਰਾਂ ਵਿੱਚ 1 ਤੋਂ 1.9 ਅੰਕਾਂ ਦੇ ਵਿਚਕਾਰ ਅਤੇ 33 ਕੇਂਦਰਾਂ ਵਿੱਚ 0.1 ਤੋਂ 0.9 ਅੰਕਾਂ ਵਿਚਕਾਰ ਕਮੀ ਦਰਜ ਕੀਤੀ ਗਈ। ਇਸ ਦੇ ਉਲਟ, ਸੋਲਾਪੁਰ ਨੇ ਸਭ ਤੋਂ ਵੱਧ 1.5 ਅੰਕ ਦਾ ਵਾਧਾ ਦਰਜ ਕੀਤਾ। ਹੋਰਾਂ ਵਿੱਚ, 6 ਕੇਂਦਰਾਂ ਵਿੱਚ 1 ਤੋਂ 1.4 ਅੰਕ ਅਤੇ 19 ਕੇਂਦਰਾਂ ਵਿੱਚ 0.1 ਤੋਂ 0.9 ਅੰਕਾਂ ਦੇ ਵਿਚਕਾਰ ਵਾਧਾ ਦਰਜ ਕੀਤਾ ਗਿਆ। ਬਾਕੀ 3 ਕੇਂਦਰਾਂ ਦੇ ਸੂਚਕਾਂਕ ਸਥਿਰ ਰਹੇ।

ਸਾਲ-ਦਰ-ਸਾਲ ਮਹਿੰਗਾਈ ਪਿਛਲੇ ਮਹੀਨੇ ਦੇ 4.98 ਫੀਸਦੀ ਦੇ ਮੁਕਾਬਲੇ 4.91 ਫੀਸਦੀ ਅਤੇ ਇੱਕ ਸਾਲ ਪਹਿਲਾਂ ਇਸੇ ਮਹੀਨੇ ਦੌਰਾਨ 5.50 ਫੀਸਦੀ ਰਹੀ। ਇਸੇ ਤਰ੍ਹਾਂ ਖੁਰਾਕੀ ਮਹਿੰਗਾਈ ਦਰ ਪਿਛਲੇ ਮਹੀਨੇ ਦੇ 7.95 ਫੀਸਦੀ ਦੇ ਮੁਕਾਬਲੇ 8.18 ਫੀਸਦੀ ਅਤੇ ਇਕ ਸਾਲ ਪਹਿਲਾਂ ਇਸੇ ਮਹੀਨੇ 4.10 ਫੀਸਦੀ 'ਤੇ ਰਹੀ।

ਸੀਪੀਆਈ-ਆਈਡਬਲਿਊ (ਖੁਰਾਕ ਅਤੇ ਆਮ) 'ਤੇ ਆਧਾਰਿਤ ਸਾਲ-ਦਰ-ਸਾਲ ਮਹਿੰਗਾਈ ਦਰ

ਨਵੰਬਰ, 2023 ਅਤੇ ਦਸੰਬਰ, 2023 ਲਈ ਆਲ-ਇੰਡੀਆ ਗਰੁੱਪ-ਵਾਰ ਸੀਪੀਆਈ-ਆਈਡਬਲਿਊ

ਲੜੀ ਨੰ	ਗਰੁੱਪ	ਨਵੰਬਰ, 2023	ਦਸੰਬਰ, 2023
I	ਖੁਰਾਕ ਅਤੇ ਪੀਣ ਵਾਲੇ ਪਦਾਰਥ	143.9	142.8
II	ਪਾਨ, ਸੁਪਾਰੀ, ਤੰਬਾਕੂ ਅਤੇ ਨਸ਼ੀਲੇ ਪਦਾਰਥ	157.7	157.8
III	ਕੱਪੜੇ ਅਤੇ ਜੁੱਤੇ	140.8	141.1
IV	ਆਵਾਸ	125.7	125.7
V	ਬਾਲਣ ਅਤੇ ਰੋਸ਼ਨੀ	161.9	161.8
VI	ਫੁਟਕਲ	135.2	135.5
	ਆਮ ਸੂਚਕਾਂਕ	139.1	138.8

ਸੀਪੀਆਈ-ਆਈਡਬਲਿਊ : ਸਮੂਹ ਸੂਚਕਾਂਕ

ਜਨਵਰੀ, 2024 ਦੇ ਮਹੀਨੇ ਲਈ ਸੀਪੀਆਈ-ਆਈਡਬਲਿਊ ਦਾ ਅਗਲਾ ਅੰਕ ਵੀਰਵਾਰ, 29 ਫਰਵਰੀ, 2024 ਨੂੰ ਜਾਰੀ ਕੀਤਾ ਜਾਵੇਗਾ। ਇਹ ਦਫ਼ਤਰ ਦੀ ਵੈੱਬਸਾਈਟ www.labourbureau.gov.in 'ਤੇ ਵੀ ਉਪਲਬਧ ਹੋਵੇਗਾ।

***

ਐੱਮਜੇਪੀਐੱਸ/ਐੱਨਐੱਸਕੇ

(Release ID: 2001293) Visitor Counter : 95