عالمی یوم جذام، روایتی طور پر جنوری کے آخری اتوار کو عالمی سطح پر منایا جاتا ہے، ہندوستان میں اس کی ایک خاص اہمیت ہے کیونکہ یہ ہر سال 30 جنوری کو مہاتما گاندھی کی برسی کے ساتھ منایا جاتا ہے۔

جذام کا عالمی دن منانے کا بنیادی مقصد اس بیماری سے جڑے بدنما داغ کے بارے میں عام لوگوں میں بیداری پیدا کرنا اور لوگوں کو اس بات سے آگاہ کرنا ہے کہ جذام ایک قسم کے بیکٹیریا کی وجہ سے ہوتا ہے اور اس کا آسانی سے علاج کیا جا سکتا ہے۔

مختلف قومی ادارے اور مربوط علاقائی مراکز معذور افراد کو بااختیار بنانے کے محکمے کے تحت ہیں، جذام کے عالمی دن کے موقع پر آگاہی پھیلانے کے لیے مختلف پروگرام منعقد کیے گئے۔

دہلی میں انڈین سائن لینگویج ریسرچ اینڈ ٹریننگ سینٹر نے ایک بیداری سیشن اور گروپ ڈسکشن کا انعقاد کیا۔

کولکاتہ میں دانشورانہ معذوری کے حامل افراد کو بااختیار بنانے کے قومی ادارے نے ایک ویبینار کا اہتمام کیا۔

تریپورہ میں جامع علاقائی مرکز نے جذام کی روک تھام اور کنٹرول پر توجہ مرکوز کرتے ہوئے ایک معلوماتی پروگرام کا انعقاد کیا۔

نیلور، داونگیرے، چھتر پور، بھوپال اور ناگپور میں جامع علاقائی مراکز نے متعدد بیداری پروگراموں کا اہتمام کیا۔

مغربی بنگال کے بیر بھوم میں شانتی نکیتن رتن پلی وویکانند آدیواسی ویلفیئر سوسائٹی نے بھی ایک پروگرام کی میزبانی کی جس میں دیشا سینٹر کے زیر اہتمام مختلف ثقافتی پروگرام بھی شامل تھے۔

ان اقدامات کا مقصد بیداری پھیلانا اور جذام سے متعلق خرافات کو دور کرنا تھا، جس میں جلد تشخیص اور علاج کی اہمیت پر زور دیا گیا تھا۔ ان اداروں کی مشترکہ کوششیں جذام سے جڑے بدنما داغ کو ختم کرنے اور جذام سے پاک دنیا کو یقینی بنانے کے عالمی مشن میں تعاون کرتی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع  (

4218

(Release ID: 2001009) Visitor Counter : 70