نیشنل کونسل فار ٹیچر ایجوکیشن (این سی ٹی ای  ) نے 30-31 جنوری 2024 کو تمام شراکت داروں کے ساتھ نیشنل مشن فار مینٹورنگ (این ایم ایم) کے بہترین طریقوں اور متواتر جائزہ/مسلسل تشخیص کے اشتراک کے لیے سال کے 2 روزہ اختتامی سیمینار کا انعقاد کیا۔ این سی ٹی ای کے  ، چیئرپرسن پروفیسر یوگیش سنگھ  نے سال کے اختتام کے سیمینار میں بطور مہمان خصوصی شرکت کی اور وہاں موجود معززین اور شراکت داروں سے خطاب کیا۔ بعد ازاں، انہوں نے این سی ٹی ای کی ممبر سیکرٹری، محترمہ کسانگ وائی شیرپا  کی موجودگی میں سرپرستوں اور دیگر شراکت داروں کے لیے جاری تعاون اور رہنمائی کے لیے این ایم ایم ویب پیچ بھی شروع کیا۔ این ایم ایم ویب سائٹ کا آغاز ملک میں رہنمائی کے ماحولیاتی نظام کو بڑھانے کی طرف ایک اہم قدم ہے۔

اس سیمینار کا مقصد ملک کے 60 قومی سرپرستوں،جن کی سرپرستی کی جاتی ہے ، پرنسپلوں، نوڈل افسروں، تعلیمی معززین اور تعلیمی منتظمین کو این ایم ایم کی پیشرفت پر تبادلہ خیال اور جائزہ لینے کے لیے اکٹھا کرنا تھا۔ این سی ٹی ای نے 29 جولائی 2022 کو ملک بھر میں منتخب 30 مرکزی اسکولوں (15 کیندریہ ودیالوں، 10 جواہر نوودے ودیالوں اور 5 سی بی ایس ای) میں پائلٹ موڈ میں این ایم ایم کا آغاز کیا۔ این سی ٹی ای نے 31 مئی اور یکم جون 2023 کو این ای پی  2020 میں تصور کیے گئے این ایم ایم کے مؤثر نفاذ کے لیے تمام  60 سرپرستوں کے لیے ایک 2 روزہ صلاحیت سازی ورکشاپ کا بھی اہتمام کیا تھا  ۔

این ایم ایم ، جیسا کہ قومی تعلیمی پالیسی (این ای پی 2020) کے پیرا 15.11 میں تصور کیا گیا ہے، ملک بھر کے اسکولی اساتذہ کو پیشہ ورانہ اور ذاتی مدد فراہم کرنے اور ان کی مسلسل پیشہ ورانہ ترقی کو یقینی بنانے کے لیے شاندار پیشہ ور افراد کا ایک بڑا گروپ بنانے کے لیے قائم کیا گیا ہے۔ این ایم ایم اساتذہ کی پیشہ ورانہ اور ذاتی ترقی میں رہنمائی کے اہم کردار کے ساتھ ساتھ طلباء کے سیکھنے کے نتائج پر اس کے مثبت اثرات کو تسلیم کرتا ہے۔ اس کا مقصد اساتذہ کا ایک نیٹ ورک بنانا ہے جو 21ویں صدی کی ضروری مہارتوں کو تیار کرنے میں اساتذہ کی رہنمائی اور مدد کرے گا۔ یہ پروگرام نہ صرف اساتذہ کی تدریسی صلاحیتوں کو بڑھا رہا ہے بلکہ مسلسل سیکھنے کے کلچر کو بھی سہولت فراہم کر رہا ہے، اساتذہ کو آج کے متحرک تعلیمی منظر نامے میں اپ ڈیٹ اور موزوں  رہنے کے قابل بنا رہا ہے۔

اس سیمینار کے ذریعے، این سی ٹی ای  کا مقصد بہترین طریقوں اور تجربات کے اشتراک کے لیے ایک باہمی تعاون کے ماحول کو فروغ دینا تھا، ساتھ ہی ساتھ سرپرستوں اور جن کی سرپرستی کی جاتی  ہے ، ان کو اپنے چیلنجوں  اور اپ گریڈیشن کے لیے تجاویز کے لیے ایک پلیٹ فارم فراہم کرنا تھا۔

سیمینار کا آغاز این ایم ایم میں ہونے والی پیش رفت کے جائزہ سے ہوا۔ اس بات پر روشنی ڈالی گئی کہ 60 اساتذہ نے این ایم ایم پورٹل کے ذریعہ انسٹرکشنل لیڈرشپ اسکلز، ڈیجیٹل ایجوکیشن، سماجی-جذباتی تعلیم، جامع تعلیم، پیشہ ورانہ اور اخلاقیات، کلاس روم مینجمنٹ، 21ویں صدی کی مہارتوں کی تعمیر، باہمی مہارت/کمیونٹی ریسرچ، کمیونٹی مصروفیت، مجموعی تجزیہ ، آرٹ انٹیگریٹڈ پیڈاگوجی، ٹیچرز مینٹل ہیلتھ مینجمنٹ وغیرہ جیسے شعبوں میں رہنمائی کی نشستوں کا انعقاد کیا۔  اس کے بعد ملک کے معروف ماہرین تعلیم اور رہنمائی کے شعبے کے ماہرین کی جانب سے پریزنٹیشن دی گئیں، جنہوں نے تعلیم کے مستقبل کی تشکیل میں رہنمائی کی اہمیت کے بارے میں اپنی بصیرت اور تجربات سے آگاہ کیا۔

سیمینار کے بعد کے تکنیکی نشستوں میں، سرپرستوں کو رہنمائی میں اپنے بہترین طریقوں اور کامیابی کی کہانیاں پیش کرنے کا موقع ملا۔ یہ پریزنٹیشن تمام شرکاء کے لیے تحریک اور سیکھنے کے ایک ذریعہ کے طور پر کام کرتی ہیں، کیونکہ وہ اپنی رہنمائی کے طریقوں کے لیے نئے تناظر اور خیالات حاصل کرنے کے قابل تھے۔ اس نے درپیش مسائل اور رکاوٹوں اور ان پر قابو پانے کے ممکنہ حل کے بارے میں کھلی بحث کا ایک پلیٹ فارم فراہم کیا۔

دوسرے دن، این سی ٹی ای  نے این ایم ایم کے متواتر جائزہ/مسلسل تشخیص کی سہولت فراہم کی، جہاں  سرپرستوں اور جن کی سرپرستی کی جاتی ہے ،  وہ بہتری کے لیے رائے اور تجاویز فراہم کرنے کے قابل تھے۔ شرکاء نے گہرائی  غور کیا اور مستقبل کی سمت کے لیے تجاویز پیش کیں۔ این سی ٹی ای  نے این ایم ایم کے اثر کو یقینی بنانے کے لیے، اس میں شامل شراکت داروں سے رائے حاصل کی ۔

سیمینار اور وقتاً فوقتاً جائزہ این ایم ایم کو مزید مضبوط اور اپ گریڈ کرنے اور قومی  آغاز سے پہلے ضروری اپ گریڈ یشن کے لیے این سی ٹی ای  کے لیے ایک قیمتی وسیلہ کے طور پر کام کرے گا۔ مجموعی طور پر، سال کا اختتامی سیمینار ایک انتہائی پرکشش اور نتیجہ خیز پروگرام تھا، جس نے تعلیمی معززین اور تمام شراکت داروں کو تعلیم میں رہنمائی کے اہم کردار کی عکاسی، سیکھنے اور تعاون کرنے کے لیے اکٹھا کیا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

4207

(Release ID: 2000973) Visitor Counter : 72