ایک بھارت شریشٹھ بھارت (ای بی ایس بی)پروگرام کے تحت اوروِل ایکسپوزرٹور کے تیسرے دن اورووِل میں شرکت کرنے والے طلباء نے  اورووِل کے جوہر اور اس کے پائیدار طریقوں کو سمجھ کر پائیدار زندگی کی پیچیدگیوں کو سیکھا۔

دن کا آغاز بوٹینیکل گارڈنز کے تعلیمی دورے سے ہوا۔ متنوع انواع کے پودوں کے تحفظ اور کاشت کے لیے پوری طرح وقف کوششوں کا مشاہدہ کرتے ہوئےطلبہ نے احتیاط سے تیار کیے گئے باغات اورسوچ سمجھ کر تیار کئے گئے ڈیزائن کی تعریف کی۔

آرکیٹیکچرل سیشنز میں انہوں نے ڈیزائن کے اصولوں کے بارے میں سیکھا، جس میں لاگت کی تاثیر، قدرتی انضمام اور فرقہ وارانہ فریم ورک کے اندر ماحول دوستی پر زور دیا۔ انہوں نے اورووِل کے مخصوص نقطہ نظر کے بارے میں بھی سیکھا، جس میں دوسروں کے لیے بہترین طریقوں کا تبادلہ کرتے ہوئے ان کی پیروی کرنے اور اپنانے کے لیے ایک مثالی معیار قائم کرنے پر توجہ دی گئی۔

یہ دن دھیان کی تحریک، یوگا، صوتی حمام اور’’تھیٹر پاورفل می‘‘ کی تلاش کے ساتھ جاری رہا، جس سے طالب علموں کو اورووِل کے لازمی تعلیمی فلسفے کے ساتھ منسلک متنوع تخلیقی قوتوں کا تجربہ کرنے کا موقع ملا۔

طلباء مزید سیکھنے، بہترین طریقوں کا اشتراک کرنے اور ان بصیرتوں کو اپنی برادریوں میں نافذ کرنے کے لیے فعال طور پر غور و فکر کرنے کے لیے بے تاب تھے۔ ان کے سوالات یہ سمجھنے میں حقیقی تجسس اور ابھرتے ہوئے خدشات کی عکاسی کرتے ہیں کہ اورووِل ان چیلنجوں سے کیسے نمٹتا ہے، جن کا انہیں اپنی متعلقہ برادریوں میں سامنا ہے۔

شام میں منعقد ہونے والے موسیقی اور رقص  کے پروگراموں نے ہر شرکاء کے ثقافتی ورثے کے تنوع اور انفرادیت کو اُجاگرکیا۔ اس دن کی اجتماعی روح نہ صرف تعلیمی تبادلے کی عکاسی کرتی ہے، بلکہ دوستی کو فروغ دینے اور پائیدار اور ہم آہنگی سے زندگی گزارنے کے لیے مشترکہ عزم کو بھی ظاہر کرتی ہے۔

وزارت تعلیم نے یہ پروگرام قومی تعلیمی پالیسی کے تحت جی-20لیڈروں کے اعلامیے،شری اروبندو کی150 ویں یوم پیدائش اور ایک بھارت شریشٹھ بھارت کے تحت موضوعات پر تعلیمی اور ثقافتی دورے کی مطابقت پر زور دینے کے لیے شروع کیا ہے۔ اس پروگرام کا تصور مرکزی وزیر برائے تعلیم اور ہنرمندی کی ترقی اورصنعت کاری جناب دھرمیندر پردھان کے ای بی ایس بی کے تحت اروبندو سرکٹ کو متعارف کرانے کی تجویز کے بعد کیا گیا ہے۔ اس پہل کا زور نوجوانوں کو روحانیت اور شری اروبندو کے فلسفے سے روشناس کرانے اور لازمی تعلیم کے عملی نفاذ پر ہوگا۔ اورووِل اس مقصد کے لیے ایک منفرد تجربہ ہے۔ وزارت تعلیم کی ایک خود مختار تنظیم اورووِل فاؤنڈیشن اس پروگرام کا اہتمام کر رہی ہے۔

 

 

**********

 

ش ح ۔م ع۔ن ع

U. No.4203

 

(Release ID: 2000925) Visitor Counter : 71