पुणे, 31 जानेवारी 2024 

 

आत्मनिर्भर भारत निर्माण करण्याच्या दिशेने धोरणात्मक वाटचाल करताना, दक्षिण कमांडच्या मुख्यालयाने महाराष्ट्र चेंबर ऑफ कॉमर्स, इंडस्ट्री अँड ॲग्रिकल्चर (MCCIA), भारतीय विज्ञान, शिक्षण आणि संशोधन केंद्र  (IISER) आणि आर्मी इन्स्टिट्यूट ऑफ टेक्नॉलॉजी (AIT) आणि स्ट्रॅटेजिक रिसर्च अँड ग्रोथ फाउंडेशन या संस्थांशी महत्त्वपूर्ण भागीदारी केली आहे. या सहकार्यामुळे पुण्यातील आत्मनिर्भर उत्कृष्टता (सेंटर ऑफ एक्सलन्स (ACEP)) या उपक्रमाला चालना मिळेल. संरक्षण उद्योगाच्या वाढत्या गरजा पूर्ण करण्याच्या उद्देशाने हा उपक्रम सुरू करण्यात आला आहे.

संरक्षण क्षेत्रातील संशोधन आणि नवोन्मेषाचे प्रमुख केंद्र म्हणून काम करण्यासाठी आत्मनिर्भर उत्कृष्टता केंद्राची संकल्पना मांडण्यात आली आहे. उद्योग आणि शैक्षणिक क्षेत्रातील तज्ञांना एकत्र आणून संरक्षण उद्योगासमोरील सध्याच्या आव्हानांना तोंड देणे, तांत्रिक क्षमता वाढवणे तसेच संरक्षण उद्योगाला संपूर्ण आत्मनिर्भर बनवण्यात आणि धोरणात्मक स्वायत्ततेमध्ये योगदान देणे हे दक्षिण कमांडच्या मुख्यालयाचे उद्दिष्ट आहे.

 

* * *

PIB Pune | R.Aghor/S.Mukhedkar/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2000845) Visitor Counter : 72