ماحولیات، جنگلات اور آب وہوا میں تبدیلی کے مرکزی وزیر جناب بھوپیندر یادو نے آج نئی دہلی میں منعقدہ نیشنل بورڈ فار وائلڈ لائف کی میٹنگ کے دوران ہندوستان میں برفانی علاقوں میں رہنے والے چیتوں کی صورت حالت کے بارے میں رپورٹ جاری کی۔ ہندوستان میں برفانی علاقوں میں رہنے والے چیتوں کی آبادی کے جائزے کے پروگرام  (ایس پی اے آئی) پہلی سائنسی مشق ہے،  جس میں ہندوستان میں برفانی علاقوں میں رہنے والے چیتوں کی آبادی کے بارے میں  رپورٹ دی گئی ہے، جن کی تعداد 718  ہے۔

وائلڈ لائف انسٹی ٹیوٹ آف انڈیا (ڈبلیو آئی آئی) اس مشق کے لیے قومی رابطہ کار ہے، جو برفانی علاقوں میں رہنے والے چیتوں  کی رینج والی تمام ریاستوں اور دو کنزرویشن پارٹنرز، نیچر کنزرویشن فاؤنڈیشن، میسورو اور ڈبلیو ڈبلیو ایف-انڈیا کے تعاون سے کی گئی تھی۔

ایس پی اے آئی  نے منظم طریقے سے ملک میں برفانی علاقوں میں رہنے والے چیتوں کی ممکنہ حد کے 70 فیصد سے زیادہ کا احاطہ کیا، جن میں جنگلات اور جنگلی حیات کا عملہ، محققین، رضاکار، اور علمی شراکت داروں کے تعاون شامل ہیں۔ مرکز کے زیر انتظام علاقے لداخ اور جموں و کشمیر، ہماچل پردیش، اتراکھنڈ، سکم، اور اروناچل پردیش سمیت، ٹرانس ہمالیائی خطے میں تقریباً 120,000 کلو میٹر    برفانی علاقوں میں رہنے والے چیتوں کی اہم  ٹھکانوں  کا احاطہ کرتے ہوئے، ایس پی اے آئی  مشق کا انعقاد 2019 سے 2023 تک کیا گیا۔  پہلے مرحلے میں برفانی علاقوں میں رہنے والے چیتوں کی مقامی تقسیم کا جائزہ لینا، تجزیے میں رہائش گاہ کوویریٹس کو شامل کرنا، 2019 میں وزارت ماحولیات، جنگلات اور موسمیاتی تبدیلی (ایم او ای ایف سی سی) کی طرف سے ہندوستان میں برفانی علاقوں میں رہنے والے چیتوں  کی قومی آبادی کے جائزے کے رہنما خطوط کے ساتھ موافقت کرنا شامل ہے۔ یہ منظم طریقہ کار ممکنہ تقسیم کی حد میں قبضے پر مبنی نمونے لینے کے طریقہ کار کے ذریعے مقامی تقسیم کا اندازہ لگانا شامل ہے۔ دوسرے مرحلے میں، برفانی علاقوں میں رہنے والے چیتوں کی کثرت کا تخمینہ ہر شناخت شدہ سطحی خطہ میں کیمرے کے جال کا استعمال کرتے ہوئے لگایا گیا ہے۔

ایس پی اے آئی مشق کے دوران، کُل کوششوں میں شامل ہیں: برفانی علاقوں میں رہنے والے چیتوں کے نشانات کو ریکارڈ کرنے کے لیے 13,450 کلومیٹر ٹریلز کا سروے کیا گیا، جبکہ 180,000 ٹریپ نائٹس کے لیے 1,971 مقامات پر کیمرہ ٹریپس  لگائے گئے۔ برفانی  علاقوں میں رہنے والے چیتوں کی موجودگی 93,392 کلومیٹر میں ریکارڈ کی گئی، جس کی ایک اندازے کے مطابق 100,841 کلومیٹر  علاقے میں ان چیتوں کی موجودگی  کا پتہ لگایا گیاہے۔ کُل 241 منفرد برفانی علاقوں میں رہنے والے چیتوں کی تصویر کشی کی گئی۔ اعداد و شمار کے تجزیہ کی بنیاد پر، مختلف ریاستوں میں تخمینہ شدہ آبادی اس طرح ہے: لداخ (477)، اتراکھنڈ (124)، ہماچل پردیش (51)، اروناچل پردیش (36)، سکم (21)، اور جموں و کشمیر (9)۔

حالیہ برسوں تک، اس حساس جانوروں کے لیے ملک گیر وسیع پیمانے کے جائزوں کی کمی کی وجہ سے ہندوستان میں برفانی  علاقوں میں رہنے والے چیتوں کی حد غیر متعین تھی۔ 2016 سے پہلے، اس رینج کا ے تقریباً ایک تہائی حصہ (تقریباً 100,347 کلومیٹر) کو  کم سے کم تحقیق پر توجہ دی گئی، جو لداخ، جموں و کشمیر، اتراکھنڈ اور ہماچل پردیش جیسے علاقوں میں گھٹ کر صرف 5 فیصد رہ گئی۔ حالیہ صورتحال کے سروے کے خاطر خواہ نتائج پیش کئے ہیں  اور جس میں رینج میں نمایاں اضافہ پیش کیا گیا ہے، جو کہ 2016 میں 56 فیصد کے مقابلے میں 80 فیصد  رینج (تقریباً 79,745 کلومیٹر) کے لیے ابتدائی معلومات فراہم کرتی ہے۔

رپورٹ میں ایم او ای ایف سی سی کے تحت ڈبلیو آئی آئی میں ایک وقف شدہ سنولیوپرڈ سیل کے قیام کی ضرورت کا بھی تذکرہ کیا گیا ہے، جس میں بنیادی توجہ طویل مدتی آبادی کی نگرانی پر مرکوز ہے، جس کی معاونت اچھی طرح سے مرتب شدہ مطالعاتی ڈیزائن اور مسلسل فیلڈ سروے کے ذریعے کی گئی ہے۔ برفانی علاقوں میں رہنے والے چیتوں کی طویل مدتی بقا کو یقینی بنانے کے لیے مسلسل نگرانی ضروری ہے۔ اسی کے لیے، ریاستیں اور مرکز کے زیر انتظام علاقے برفانی علاقوں میں رہنے والے چیتوں کی حدود میں آبادی کے تخمینے کا ایک متواتر طریقہ (ہر چوتھے سال) اپنانے پر غور کر سکتے ہیں۔ یہ باقاعدہ جائزے چیلنجوں کی نشاندہی کرنے، خطرات سے نمٹنے اور تحفظ کی مؤثر حکمت عملی وضع کرنے کے لیے قابل قدر معلومات پیش کریں گے۔

۔۔۔۔۔۔۔۔۔۔۔۔۔۔۔۔۔۔

(ش ح- ح ا - ق ر)

U-4150