কেন্দ্ৰীয় গৃহমন্ত্ৰী শ্ৰী অমিত শ্বাহে আজি ৰায়পুৰত ছত্তীশগড়ত বাওপন্থী উগ্ৰবাদৰ পৰিস্থিতি সন্দৰ্ভত আয়োজিত এক পৰ্যালোচনা বৈঠকত সভাপতিত্ব কৰে।  ছত্তীশগড়ৰ মুখ্যমন্ত্ৰী, উপ মুখ্যমন্ত্ৰী আৰু কেন্দ্ৰীয় গৃহ সচিব, সঞ্চালক (আইবি), ছত্তীশগড়ৰ মুখ্য সচিব, ডিজি, চিআৰপিএফ আৰু ছত্তীশগড়ৰ ডিজিপিকে ধৰি জ্যেষ্ঠ বিষয়াসকলে বৈঠকত অংশগ্ৰহণ কৰে।

কেন্দ্ৰীয় গৃহমন্ত্ৰীয়ে উল্লেখ কৰে যে জন্মু আৰু কাশ্মীৰ, উত্তৰ-পূৰ্বাঞ্চল আৰু বাওপন্থী উগ্ৰবাদ প্ৰভাৱিত এলেকাত হিংসা প্ৰায় ৭৫% হ্ৰাস পোৱাৰ লগতে আৰু ভৌগোলিক বাধা প্ৰায় ৮০শতাংশ হ্ৰাসসহ তিনিটা আভ্যন্তৰীণ সুৰক্ষা পৰিস্থিতিত উল্লেখযোগ্য উনন্তি হোৱা দেখা গৈছে। তেওঁ লগতে উল্লেখ কৰে যে উত্তৰ-পূৰ্বাঞ্চলৰ প্ৰায় ৮০% অঞ্চলৰ পৰা এতিয়া সশস্ত্ৰ বাহিনীৰ বিশেষ শক্তি আইন প্ৰত্যাহাৰ কৰা হৈছে। বাওপন্থী উগ্ৰবাদৰ বিৰুদ্ধে যুঁজত লাভ কৰা অগ্ৰগতিৰ প্ৰশংসা কৰি কেন্দ্ৰীয় গৃহমন্ত্ৰীয়ে কয় যে বাওপন্থী উগ্ৰবাদৰ দ্বাৰা প্ৰভাৱিত ভৌগোলিক ক্ষেত্ৰ আৰু হিংসা, দুয়োটাই যথেষ্ট হ্ৰাস পাইছে।

কেন্দ্ৰীয় গৃহমন্ত্ৰীয়ে কয় যে নিৰাপত্তা বাহিনী আৰু সকলো কেন্দ্ৰীয় আৰু ৰাজ্যিক সংস্থাৰ মিলিত প্ৰচেষ্টাৰ বাবে, বাওপন্থী উগ্ৰবাদৰ সমস্যাটো মূলতঃ ছত্তীশগড়ৰ কিছুমান অঞ্চলতহে সীমাবদ্ধ হৈ আছে। এই সন্দৰ্ভত তেওঁ কয় যে এই অঞ্চলসমূহক অহা তিনি বছৰৰ ভিতৰত মাওবাদীৰ বিপদৰ পৰা মুক্ত কৰিব লাগিব। এই সন্দৰ্ভত তেওঁ সকলো সংশ্লিষ্ট অংশীদাৰৰ দ্বাৰা এক বিতং ৰোডমেপ প্ৰস্তুত কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে, বিশেষকৈ বাওপন্থী উগ্ৰবাদৰ বজাই ৰখা সমগ্ৰ পৰিৱেশতন্ত্ৰৰ লক্ষ্য নিৰ্ধাৰণৰ সৈতে সম্পৰ্কিত। তদুপৰি, কেন্দ্ৰীয় গৃহমন্ত্ৰীগৰাকীয়ে ৰাজ্যিক আৰক্ষীক সুৰক্ষাৰ ছিদ্ৰ নাইকিয়া কৰিবলৈ, ব্যাপক অনুসন্ধান নিশ্চিত কৰিবলৈ, গোচৰৰ নিবিড় নিৰীক্ষণ কৰিবলৈ, বিত্তীয় প্ৰৱাহ বন্ধ কৰিবলৈ আৰু চোৰাংচোৱাৰ নেতৃত্বত অভিযান অব্যাহত ৰাখিবলৈ নিৰ্দেশ দিয়ে। তেওঁ লগতে মাল্টি-এজেঞ্চী চেণ্টাৰৰ জৰিয়তে ভাগ বতৰা কৰা সকলো ইনপুট পুনৰীক্ষণ কৰা আৰু প্ৰমাণীকৃত ইনপুটবোৰ কাৰ্যকৰী কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।

কেন্দ্ৰীয় গৃহমন্ত্ৰীগৰাকীয়ে বাওপন্থী উগ্ৰবাদ প্ৰভাৱিত জিলাসমূহত কেন্দ্ৰীয় আৰু ৰাজ্য চৰকাৰৰ আঁচনিসমূহৰ সম্পূৰ্ণ কভাৰেজ আৰু নিকটতম অঞ্চলৰ গাওঁসমূহত এই আঁচনিসমূহৰ লাভালাভ সুনিশ্চিত কৰাৰ বাবে নিৰাপত্তা বাহিনীৰ শিবিৰৰ ব্যৱহাৰৰ প্ৰয়োজনীয়তাৰ ওপৰত গুৰুত্ব আৰোপ কৰে। তেওঁ কয় যে ছত্তীশগড়ৰ অত্যধিক বাওপন্থী উগ্ৰবাদ প্ৰভাৱিত জিলাসমূহত পুঁজি আৱণ্টনৰ লগতে ইয়াৰ ব্যৱহাৰৰ ক্ষেত্ৰত গৃহ মন্ত্ৰালয় নমনীয় হ'ব লাগে। পৰৱৰ্তী সময়ত, কেন্দ্ৰীয় গৃহ মন্ত্ৰীৰ নিৰ্দেশত, কেন্দ্ৰীয় গৃহ সচিবে অত্যধিক বাওপন্থী উগ্ৰবাদৰ প্ৰভাৱিত জিলাসমূহৰ জিলাধিকাৰী আৰু এছএছপিসকলৰ সৈতে এক বিতং বাৰ্তালাপ অনুষ্ঠিত কৰে।

*************************

RK/ASH/RR/PR/AK/KG

(Release ID: 2000498) Visitor Counter : 94