این آئی یو اے کی شہری نوجواں اکائی اور یوواہ-یونیسیف نے شہری انتظامیہ میں نوجوانوں کو بااختیار بنانے کے اپنے عزم کو مستحکم کرنے کے لیے معاہدے کیے ہیں۔ این آئی یو اے کے زیر اہتمام نوجوانوں کے قومی دن کی تقریبات میں شہری نوجواں اکائی کے سربراہ لولیش شرما اور یوواہ کے سی ای او ابھیشیک گپتا کے درمیان ارادے کے بیان (اسٹیٹمنٹ آف انٹینٹ) کا تبادلہ ہوا۔

اگلے تین سالوں کے دوران، یہ دونوں تنظیمیں شہروں کو درپیش چیلنجوں سے نمٹنے کے لیے قابل توسیع نوجوانوں پر مبنی حل تیار کریں گی اور ان پر عمل درآمد کریں گی۔ اس شراکت داری کا بنیادی مقصد شہری طرز عمل اور شہری نظم و نسق کو مضبوط بنانے کے لیے نوجوانوں کی قیادت، شرکت اور ایکشن ریسرچ کو فروغ دینا ہے۔

دونوں تنظیموں کے درمیان اس تعاون کا مقصد باہمی اثرات مرتب کرنے والا اور کھیل کھیل میں شہری قیادت کے ترقیاتی ماڈیولز کا استعمال کرتے ہوئے نوجوانوں پر مرکوز ترقی کو یقینی بنانا ہے۔ اس کا مقصد نوجوانوں کی شہری بیداری اور سماجی ذمہ داری کو بڑھانا اور انہیں 21ویں صدی کی مہارتوں اور ترقی پسند خیالات سے آراستہ کرنا ہے۔ یہ انہیں اختراعی چیلنجوں میں مشغولیت کے ذریعے شہری حکمرانی کے لیے اختراعی حل تخلیق کرنے میں فعال طور پر حصہ لینے کے قابل بنائے گا۔ مزید برآں، یونیسیف کے یو-رپورٹ چیٹ بوٹ کا استعمال ’نوجوانوں کے لیے شہر‘ کے بارے میں نوجوانوں کے حقیقی وقت کے ڈیٹا اور بصیرت کو حاصل کرنے کے لیے استعمال کیا جائے گا تاکہ نوجوانوں کی شرکت پر این آئی یو اے کے ایکشن ریسرچ کے نتائج کی حمایت کی جا سکے اور ہندوستان کے نوجوانوں کی منفرد ضروریات کو پورا کرنے والے اختراعی حل مشترکہ طور پر تیار کیے جا سکیں۔

این آئی یو اے کے ڈائرکٹر، ڈاکٹر دیبولینا کنڈو نے کہا، ’’نوجوانوں، شہروں اور این آئی یو اے کے درمیان تعلق ہمارے مستقبل کے شہری مناظر کی تشکیل میں بہت اہمیت رکھتا ہے۔ یو واہ- یونیسیف کے تعاون کے ساتھ، ہمارا مقصد اپنے نوجوانوں کی صلاحیتوں کو بروئے کار لانا، انہیں شہروں کی ترقی میں سرگرمی کے ساتھ تعاون کرنے کے لیے بااختیار بنانا ہے، جو ان کے خوابوں اور امنگوں کی عکاسی کرتے ہیں۔‘‘

یوواہ-یونیسیف کے سی ای او، ابھیشیک گپتا نے کہا، ’’این آئی یو اے میں شہری نوجواں اکائی کے ساتھ اس شراکت داری کے ذریعے، ہم شہری رویے اور شہری نظم و نسق کو مضبوط بنانے پر توجہ مرکوز کرتے ہوئے نوجوانوں کی قیادت، شرکت، اور ایکشن ریسرچ کو بڑھانے کے لیے ایک سفر کا آغاز کر رہے ہیں۔ ہم مل کر ہندوستان میں نوجوان لیڈروں کی ایک نئی نسل کو متاثر کرنے کی کوشش کرتے ہیں جو اپنی برادریوں سے گہرے طور پر جڑے ہوئے ہیں، جو سب کے لیے ایک روشن اور زیادہ بااختیار مستقبل کو یقینی بناتے ہیں۔‘‘

اس دوران ’مائی ڈریم سٹی‘ کی اشاعت بھی شروع کی گئی، جو این آئی یو اے کے زیر اہتمام ایک مقابلے کا نتیجہ ہے۔ اس کا مقصد نوجوانوں کے بصیرت آموز افکار کو شامل کرنا ہے۔ یہ مقابلہ چار اہم موضوعات: محفوظ پڑوس، چلنے کے قابل اور سائیکل چلانے لائق شہر، ندی اور آبی وسائل سے میری وابستگی، اور اسمارٹ ویلنس سوسائٹیز پر مرکوز تھا۔ شرکاء کی حوصلہ افزائی کی گئی کہ وہ اپنے اندراجات کا اشتراک کریں، ہر ایک اندراج ان موضوعات پر ایک منفرد نقطہ نظر پیش کرتا ہے۔ جو نتیجہ خیز مجموعہ سامنے آیا وہ ایک متحرک اور قابل رہائش شہر کے لیے نوجوانوں کے خوابوں اور امنگوں والے خیالات کی عکاسی کرتا ہے۔

*****

ش ح – ق ت – م ص

U: 3985

(Release ID: 1999369) Visitor Counter : 72