لیجسلیچر میں خلل اور رخنے کی بجائے بحث اور بات چیت کی اپیل کرتے ہوئے،  نائب صدر نے  اس بات پر افسوس  کا اظہار کیا کہ جب ایک ایسے بڑے  قانون پر   پارلیمنٹ میں بحث ہو رہی تھی جو  نوآبادیاتی نظام کے دنڈ ودھان- نیائے ودھان  کو تبدیل کرنے والا تھا  تو راجیہ سبھا میں کوئی بھی قانونی ماہر اس کے لیے آگے نہیں آیا کہ  اس تاریخی موقع کے دوران  تعاون کرے۔

ہندوستانی آئین کے معمار ڈاکٹر بی آر امبیڈاکر کو زبردست خراج عقیدت پیش کرتے ہوئے، نائب صدر  جمہوریہ  نے کہا کہ وہ ہم سب کے لیے بہت معنی رکھتے ہیں اور ہندوستان کے معمار کے  عہدے تک ان کا عروج  آسان نہیں تھا۔ یہ کہتے ہوئے کہ ڈاکٹر امبیڈکر کو بہت پہلے بھارت رتن سے نوازا جانا چاہئے تھا، جناب دھنکھڑ نے اس حقیقت پر اطمینان کا اظہار کیا کہ وہ اس  حکومت اور پارلیمنٹ کا حصہ تھے جس نے 1990 میں انہیں بھارت رتن سے نواز کر ہندوستان کے عظیم فرزندوں میں سے ایک کے ساتھ انصاف کیا۔  انہوں نے کہا کہ اسی سلسلے میں، اور اسی مقصد کے لیے، بہار کے ایک اور عظیم فرزند، جناب  کرپوری ٹھاکر جی کے ساتھ انصاف کیا گیا ہے۔‘‘