آیوش کے مرکزی وزیر مملکت ڈاکٹر مناجپرا مہندر بھائی دہلی سے کنیا کماری تک بائیکرز ریلی کو کل آیوش بھون سے جھنڈی دکھا کر روانہ کریں گے۔ یہ ریلی سدھا  طریقہ علاج ریلی اور بیداری مہم (ایس ڈبلیو آر اے سی) کے تحت نکالی جائے گی۔ یہ  مہم ، جو نئی دہلی سے کنیا کماری تک، تقریباً 3333 کلومیٹر پر محیط 20 دن کی تبدیلی کی مہم ہے اور یہ  طب کے سدھا نظام کی نمائش ہے۔ یہ ریلی 21 بیداری کیمپ پوائنٹس کے ساتھ 8 ریاستوں/ مرکز کے زیر انتظام علاقوں سے گزرے گی۔

پروگرام کی اہم خصوصیات میں بیداری کی تقریبات، عوامی نمائندوں، سرکاری معززین وغیرہ کے ساتھ ملاقات اور استقبال کے  اجلاس شامل ہیں، جن میں 20 بائیکرز اور 2 اسٹینڈ بائی بائیکرز شامل ہیں۔

ڈائرکٹر نیشنل انسٹی ٹیوٹ آف سدھا کی ڈاکٹر مین کماری نے کہا کہ اس بائیک ریلی کا مقصد راستے میں 21 مقامات پر متنوع سامعین کو شامل کرنا ہے، جس سے سدھا کے طبی نظام کے پیغام کو فروغ دیا جائے گا۔ بائیک چلانے والے ایک ہیش ٹیگ #سائنٹسٹ آن بائک # ڈاکٹرس آن بائیک # فیکلٹی  آن بائیک # محققین آن بائیک کے ساتھ متحرک سدھا میڈیسن ایمبیسیڈر کے طور پر کام کریں گے۔

ایس ڈبلیو آر اے سی میں میڈیا کی ایک جامع حکمت عملی شامل ہے، تاکہ اس بات کو یقینی بنایا جا سکے کہ یہ وسیع پیمانے پر توجہ حاصل کرتا ہے، متنوع سامعین کے ساتھ گونجتا ہے اور ہر اس خطے میں دیرپا اثر چھوڑتا ہے جہاں سے یہ گزرتا ہے۔

طب کا سدھا نظام برصغیر ہند وپاک میں صحت کی دیکھ بھال کی سب سے پرانی روایتوں میں سے ایک ہے ،جس میں نئے علاج کے طریقہ کار  اور علاج و معالجے کے دیگرطریقے شامل ہیں۔ اسے سرکاری طور پر تسلیم شدہ آیوش نظام کے حصے کے طور پر سرکاری سرپرستی حاصل ہے اور سرکاری اور نجی صحت کی دیکھ بھال کی سہولیات کے ذریعے آبادی کے کافی تناسب کو پورا کرتا ہے۔

سدھا نظام  میں تعلیم اور تربیت، صحت کی خدمات، تحقیق اور ادویات کی تیاری کے لیے ایک بڑھتا ہوا ادارہ جاتی نیٹ ورک ہے۔ نیشنل انسٹی ٹیوٹ اور ریسرچ کونسل برائے سدھا کے قیام نے پوسٹ گریجویٹ تعلیم اور تحقیق میں معیار کے معیارات، ادویات کی معیاری کاری اور توثیق، صحت عامہ کے نظام میں بہتر رسائی اور سدھا ڈاکٹرس کی متعدد پیشہ ورانہ صلاحیتوں کے ذریعے ترقی کے عمل کو تیز کیا ہے۔

سدھا دوا کی انفرادیت اس کے مجموعی نقطہ نظر میں پنہاں ہے -  سادہ طرز زندگی کے طریقوں کو اپنانے سے جسمانی، ذہنی، سماجی اور روحانی فلاح و بہبود، چھ ذائقوں سے متعلقہ غذائی عادات، پودوں پر مبنی محفوظ اور مؤثر ادویات اور معدنی ادویات کا استعمال  اور جانوروں کی نسل۔  سِدھا نظام بیماری سے پاک زندگی گزارنے کے لیے 3 اہم قوتوں -  ولی، ازہل اور ایام کے توازن کی حالت پر زور دیتا ہے۔ سدھا سسٹم آف میڈیسن کے مطابق، ایک فرد کی زندگی کے دورانیے کو 3 حصوں میں تقسیم کیا گیا ہے، یعنی وتھا کالم، پٹھا کالم اور کبا کالم ،ہر ایک 33 سال پر مشتمل ہے۔ موپو، سدھا کایا کرپم اور سدھار یوگم سدھا نظام طب کے تاج ہیں۔ ورم اور تھوکنام جیسے بیرونی علاج بھی نظام کو تقویت دیتے ہیں۔

صحت مند زندگی کے لیے سدھ دوا کا بنیادی نظریہ خوراک اور طرز زندگی ہے۔ ’’کھانا ہی دوا ہے اور دوا ہی خوراک ہے‘‘ سدھا نظام طب کے بنیادی اصولوں میں سے ایک ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح-ح ا - ق ر)

U-3922