میں ان داتا کو سلام کرتا ہوں، میں ان داتا کا احترام کرتا ہوں، میں ان داتا کو مبارکباد دیتا ہوں!

کسان ہونا فخر کی بات ہے، اسی طرح کسان کا بیٹا ہونا  بھی فخر کی بات ہے، میں ان میں سے  ایک ہوں۔ کسان ہمارے ملک کی معیشت میں ریڑھ کی ہڈی کی حیثیت رکھتے ہیں اور وہ 24x7 انتھک محنت کر کے اپنا تعاون پیش کرتے ہیں۔ ان کو سلام! ہماری معیشت اب دنیا کی پانچویں بڑی ہے اور کسانوں کا تعاون بہت زیادہ ہے۔

لڑکے اور لڑکیاں، آپ کے تعاون سے کسان کا یہ تعاون بڑھتا جائے گا۔ آپ زراعت کا منظرنامہ بدل دیں گے، آپ زرعی معیشت کا منظرنامہ بدل دیں گے، آپ زراعت کی مارکیٹنگ کا منظرنامہ بدل دیں گے، آپ زرعی پیداوارکے قدر میں اضافے کا منظرنامہ بدل دیں گے، اور اسی لیے امرت کال میں ہندوستان میں آپ کا ایک روشن مستقبل منتظر ہے۔

آپ بھارت وکست @2047 بنانے کے لیے بڑے اسٹیک ہولڈر اور سب سے زیادہ اثر انگیز سپاہی ہیں۔ آپ سپاہی ہیں اور مجھے کوئی شک نہیں، میں امید اور اعتماد سے بھرا ہوا ہوں، آپ ضرور کریں گے۔

اگر کسان خوش ہے تو قوم خوش ہے۔ کسانوں کے شاندار تعاون کو دیکھیں کہ اپریل 2020 سے اس ملک کے 800 ملین سے زیادہ لوگوں کو کھانا کھلایا جا رہا ہے، انہیں غذائی تحفظ فراہم کیا گیا ہے اور عزت مآب وزیر اعظم نے اگلے 5 سالوں کے لیے بھی عندیہ دیا ہے۔ کیونکہ ایک وقت تھا جب ہمیں گندم درآمد کرنا پڑتی تھی اب ہمارے کسان اتنے  اہل اور قابل ہیں۔

اس موقف سے میں اپنے نوجوان دوستوں، لڑکوں اور لڑکیوں کو واضح کروں گا، آپ کو زراعت کی معیشت میں ایک نئے باب کا آغاز کرنا ہے۔ زرعی پیداوار سب سے بڑی منڈی کا علاقہ ہے۔ میں آپ سے اپیل کروں گا کہ متاثر کن بنیں، ہمارے کسانوں کی حوصلہ افزائی کریں، ان کے بچوں کو زرعی پیداوار کی مارکیٹنگ میں لے جانا چاہیے۔ اگر کسان زرعی پیداوار کی مارکیٹنگ میں شامل ہو گا تو کسان کے بچے روزگار کی تلاش میں نہیں رہیں گے، بلکہ وہ روزگار دیں گے۔

جب میں اپنے اردگرد دیکھتا ہوں، تو آئی آئی ٹی ، آئی آئی ایم کےسر فہرست اعلیٰ خدمات کے بہت باصلاحیت لوگ دودھ، سبزیوں، نامیاتی اناج کی مارکیٹنگ میں حصہ لے رہے ہیں۔ کیوں نہیں کسانوں کے بیٹے، کسانوں کے بچے جو پیدائش سے ہی اس سے نمٹنے کے لیے تربیت یافتہ ہیں؟ انہیں اس میں داخل ہونا چاہیے۔ ہمیں زرعی پیداوار کی قدر میں اضافہ کرنا سیکھنا چاہیے۔

آج صورتحال یہ ہے کہ کسان صرف دودھ، دہی، زیادہ سے زیادہ چھاچھ، سبزیوں اور زرعی مصنوعات تک محدود ہیں۔ کسان اپنی ویلیو ایڈیشن نہیں کر رہے ہیں۔ یہیں سے شروع ہونا چاہیے۔

ایسی تبدیلی آگئی ہے کہ کسان کا خاندان ڈرون ٹیکنالوجی کا استعمال کرسکتا ہے، حکومت نے بامعنی قدم اٹھایا ہے۔لیکن آپ کو تربیت یافتہ ذہن، سمجھدار ذہن، انتہائی قابل ذہنوں کی ضرورت ہے جو معاشرے کو اس کے لیے تحریک دے، اور وہ زمرہ میرے سامنے ہے۔ آپ، لڑکے اور لڑکیاں، بہت زیادہ صلاحیت رکھتے ہیں۔ اگر آپ حکومتی پالیسیوں کو دیکھیں گے، اسٹارٹ اپس میں شامل ہوں گے، کلسٹرز بنائیں گے، نئے کوآپریٹو میکانزم اور پالیسیوں سے فائدہ اٹھائیں گے۔ آپ بڑے پیمانے پر گودام میں مصروف ہیں۔

ہندوستان جو بدل رہا ہے۔ یہ بہت تیز رفتاری سے بدل رہا ہے اور آپ کے تعاون کی وجہ سے یہ رفتار تیز تر ہو جائے گی۔

کسان کے لیے زراعت ایک  پیشہ نہیں، کسان کے لیے زراعت روزی روٹی کا مسئلہ نہیں، کسان کے لیے زراعت معاشرے میں اپنا تعاون پیش کرنا ہے۔کیونکہ  جو کھانا دیتا ہے آپ کو ، وہ ان داتا ہوتا ہے ۔ ہمیں ہمیشہ اپنے کسانوں کو سلام کرنا چاہیے، ہمیں اپنے کسانوں کی حوصلہ افزائی کرنی ہے۔ وہ پہلے ہی اسے ڈھال رہے ہیں اور مجھے بے حد خوشی اور مسرت ہے کہ جب حکومت نے پی ایم کسان ندھی اسکیم شروع کی تو ایک چیلنج یہ تھا کہ کسانوں کو ان کے اکاؤنٹ میں براہ راست رقم کیسے ملے ؟ مجھے یہ بتاتے ہوئے خوشی ہو رہی ہے کہ ملک کے 110 ملین سے زیادہ کسان سال میں تین بار اپنے کھاتوں میں یہ رقم حاصل کر رہے ہیں۔ یہ میرے لیے فخر کی بات ہے اس لیے نہیں کہ حکومت ایسا کرنے کی صلاحیت رکھتی ہے، بلکہ کسان اسے حاصل کرنے کی صلاحیت رکھتے ہیں اور یہی بڑی تبدیلی ہے۔

جب ہم ماحولیات، موسمیاتی تبدیلی جیسے دیگر چیلنجوں کا سامنا کرتے ہیں تو میں ملک کے ہر کسان سے اپیل کروں گا کہ وہ بڑے پیمانے پر شجرکاری کریں، کسانوں کو چاہیے کہ وہ اپنے گھر کے پچھواڑے میں سبزیاں اگائیں، کسانوں کو تکنیکی طور پر اپ گریڈ کرنا چاہیے اور کسانوں کو توانائی کے نئے ذرائع تلاش کرنا ہوں گے۔ مجھے خوشی ہوتی ہے جب میں دیہی علاقوں میں جاتا ہوں اور دیکھتا ہوں کہ کسانوں کی طرف سے بڑے پیمانے پر شمسی توانائی حاصل کی جا رہی ہے۔ کسان نے ہی دنیا کو یہ پیغام دینا ہے کہ پانی کی حفاظت کرو ۔ جیسا کہ کسان پانی کو زیادہ سے زیادہ استعمال کرکے محفوظ کرتے ہیں۔

لڑکے اور لڑکیاں، میں آپ کو بتاتا ہوں... تین چیزیں جنہوں نے ہندوستان کو مکمل طور پر بدل دیا ہے۔ ہماری سوچ بدل گئی ہے۔ اب ہم دنیا میں کسی کے محتاج نہیں ہیں، ہم نے اپنی 5000 سال پرانی ثقافت کو اپنے سامنے رکھا ہے۔ دنیا نے اسے پہچان لیا ہے اور یہی وجہ ہے کہ آج کا ہندوستان ترقی کے ساتھ آگے بڑھ رہا ہے۔دنیا کی تنظیمیں کیا کہہ رہی ہیں - ہندوستان عالمی معیشت میں چمکتا ہوا ستارہ ہے۔ یہ آج دنیا کی سب سے تیزی سے بڑھتی ہوئی بڑی معیشت ہے۔

جن ممالک کو ہم دیکھتے تھے، وہ ہمارے خوابوں میں آتے تھے… کیا ہمارے پاس کبھی کناڈا، برطانیہ، فرانس، جرمنی، جاپان، امریکہ جیسا نظام آئے گا؟ آج یہ زمینی حقیقت ہے، اس میں ہر کوئی کوشش کر رہا ہے۔ ہرہندوستانی نے اس میں اپنا  تعاون پیش کیا ہے اور حکومت کی پالیسیوں نے اسے متحرک کیا ہے۔ ہم کئی پہلوؤں سے عالمی قارئین ہیں۔

جس طرح سے ہمارے لوگوں نے ٹیکنالوجی کو اپنایا اور قبول کیا ، ہماری زندگیوں کو بامعنی بنایا، یہ بڑے احترام کی بات ہے کہ ڈیجیٹل لین دین - امریکہ، برطانیہ، فرانس، جرمنی میں، جو ایک سال میں ہوتے ہیں، ہمارے ہندوستان میں ان سب کو ایک ساتھ ملادیں تو  اس سے چار گنا زیادہ ہیں. یہ ہمارے ہندوستان کا کارنامہ ہے۔

ہندوستان کی نوجوان طاقت کا کوئی مقابلہ نہیں ہے۔ ہمیں کبھی نہیں بھولنا چاہئے اور میں آپ سے خاص طور پر درخواست کروں گا کہ چھتیس گڑھ کی سرزمین پر ہندوستانیت ہماری پہچان ہے اور ہمیں ہندوستانی ہونے پر فخر ہے۔ ہمیں اپنی غیر معمولی ترقی پر فخر کرنا چاہیے۔ اور میں آپ سے کہوں گا کہ کسی بھی حالت میں مایوس نہ ہوں... ناکامی سے کبھی نہ ڈریں۔ کھونے کے خوف سے، ناکامی کے خوف سے، اگر آپ کسی آئیڈیا پر عمل نہیں کرتے تو نقصان آپ کا کم اور معاشرے کا زیادہ ہوتا ہے۔

میں نوجوان لڑکوں اور لڑکیوں کو نصیحت، اپیل اور التجا کروں گا، اس منظم طریقے سے آپ کو پتہ چلے گا کہ حکومت ہند کی کتنی پالیسیاں ہیں؟ کوآپریٹو ڈیپارٹمنٹ نے کون سے ڈھانچے بنائے ہیں؟ ان میں سے کچھ آپ تبدیلی کا مرکز بنیں گے تو گاؤں میں انقلاب آئے گا۔

مجھے وہ دن یاد ہے جب 1989 میں میں لوک سبھا کا ممبر بنا اور مرکز میں وزیر بھی بنا، امول تب بھی بڑا نام تھا، آج بھی ہے۔ پروفیسر کورین بہت بڑے ہیں، انہیں بلایا گیا۔ پروفیسر کورین آئے، لوک سبھا کے ہم چار ممبران تھے جن سے ان کا انٹرویو ہونا تھا۔ میں ایک تھا، ڈاکٹر ناتھو سنگھ گرجر، ہریش راوت، ایک اور تھا جو ہم سے زیادہ باصلاحیت تھا، مجھے ان کا نام یاد نہیں۔ اب جب کورین نے بتانا شروع کیا تو اس وقت کے نائب وزیر اعظم نے کہا، ورگیس کورین، آپ بڑے سائنسدان ہیں لیکن وہ ایک گاؤں میں پیدا ہوئے تھے۔ ان کے پاؤں گائے کے گوبر میں پڑے ہیں، انہوں نے گائے اور بھینسوں کے تھن دیکھے ہیں، کنوؤں سے پانی نکلتے دیکھا ہے، کھیتوں میں ڈھورے دیکھے ہیں، ان سے بھی کچھ سیکھیں... آپ سب سکھانے کے قابل ہیں۔

زراعت میں اسٹارٹ اپ کے بہت سے امکانات ہیں، میں آپ سے اپیل کرتا ہوں کہ ان کو حاصل کریں۔ آج کے نظام میں پیسے کی کمی نہیں، آج دیکھیں تو بڑی بڑی صنعتیں اس معاملے میں جا رہی ہیں… آپ کے لیے آسمان کی حد نہیں ہے۔

آپ میرے کہنے سے ایک کام کریں اور میری باتوں پر دھیان دیں- آپ گروپس میں آجائیں۔ اگر آپ چاہیں  گے اور گروپس میں ہندوستانی پارلیمنٹ میں آئیں گے ، تو میں پارلیمنٹ میں آپ کے لیے ایک الگ تقریب کا اہتمام کروں گا جس سے انڈین کونسل آف ایگریکلچرل ریسرچ سائنٹسٹ خطاب کریں گے۔

اور پھر آپ کو احساس ہوگا کہ کائنات کی تخلیق اور کائنات کی ترقی میں - نہ صرف ہندوستان میں بلکہ کائنات کی ترقی میں - آپ کا تعاون ناقابل تصور، غیر متوقع ہوگا۔ اور یہی وجہ ہوگی، ایک بڑی وجہ کیوں کہ بھارت –وکست بھارت @2047 ہمارے لیے خواب نہیں ہے، یہ ہمارا مقصد ہے۔ ہم ہدف کی طرف تیزی سے آگے بڑھ رہے ہیں۔ ہم ضرور پہنچیں گے اور ہمارے ملک کو یہ مقام ہزاروں سال پہلے ملا ہوا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

3841

(Release ID: 1998171) Visitor Counter : 97