وگیانکا: سائنس کے ادب کا  فیسٹیول- انڈیا انٹرنیشنل سائنس فیسٹیول 2023 کے ایک حصے کے طور پر منعقد کیا جا رہا ہے۔ 18 جنوری 2024 کو افتتاحی تقریب کا آغاز  سی ایس آئی آر - نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر) کی ڈائریکٹر پروفیسر رنجنا اگروال کے خطبہ استقبالیہ سے ہوا۔  این آئی ایس سی پی آر ، نئی دہلی۔ پروفیسر اگروال نے سائنسی مزاج کی اہمیت اور سائنس کے بارے میں  بیداری پیدا کرنے سے متعلق  سی ایس آئی آر- این آئی ایس سی پی آر کے عزم پر روشنی ڈالی۔ کٹھ پتلیوں اور نظموں جیسے متنوع ذرائع سے ہندوستانی زبانوں میں سائنس کے ابلاغ کی اہمیت پر زور دیتے ہوئے، انہوں نے سائنسدانوں اور سائنس کے شائقین کے درمیان نیٹ ورکنگ کے پلیٹ فارم کے طور پر وگیانکا کے کردار پر زور دیا۔ ، آئی سی جی ای بی اور ڈی بی ٹی-آر سی بی کے  سابق ڈائریکٹر ڈاکٹر دیناکر ایم سالونکے ، نیشنل انسٹی ٹیوٹ فار پلانٹ جینوم ریسرچ، نئی دہلی کے  ڈائریکٹر ڈاکٹر سبھرا چکرورتی، اور جناب۔ اے جے کمار، وجنا بھارتی، افتتاحی تقریب کے معزز مہمانوں میں شامل  تھے۔ پروفیسر سالونکے نے سائنسی مزاج کو فروغ دینے  کی اہمیت پر زور دیا اور تسلیم کیا کہ عوام اور سائنسدانوں کے درمیان فرق کو وگیانکا جیسی مختلف جامع کوششوں کے ذریعے پر کیا جانا چاہیے۔ ڈاکٹر سبھرا چکرورتی، نے تعلیم میں سائنس اور ادب جیسے مختلف شعبوں کو مربوط کرنے کے لیے ، نئی تعلیمی پالیسی 2020 کے اہداف کے ساتھ ہم آہنگی برقرار رکھتے ہوئے، سائنس کے بارے میں بات چیت  اور تبادلہ خیال کو فروغ دینے میں وگیانکا کے کردار پر زور دیا، ۔ انہوں نے نئی اختراعی ٹکنالوجیوں کی ترقی پر بھی روشنی ڈالی جو ہندوستان کو تکنیکی طور پر ایک باصلاحیت  ملک بنانے کی صلاحیت رکھتی ہیں اور ان ٹیکنالوجیز کو سائنس مواصلاتی چینلز اور ترسیلی وسیلوں کے ذریعے عوام تک پہنچانے کی ضرورت ہے۔

سی ایس آئی آر- این آئی ایس سی پی آر کی ڈائریکٹر پروفیسر رنجنا اگروال، آئی آئی ایس ایف  2023 میں وگیانکا فیسٹول میں اجتماع سے خطاب کرتے ہوئے

 

جناب اے جے کمار نے ہندوستان کی مالامال  ادبی روایت پر تبادلہ خیال کیا، جس میں سائنس سے لے کر سفارت کاری تک وسیع موضوعات کا احاطہ کیا گیا ہے۔ انہوں نے اس تعاون کو تسلیم کیا جو وگیانکا جیسی تقریبات عام لوگوں میں سائنس کو پھیلانے میں کرتی ہیں اور عصری سائنس اور ادب کو یکجا کرتی ہیں، جو علم و دانش کے  ہندوستانی نظام میں طویل عرصے سے جڑے ہوئے ہیں۔ افتتاحی سیشن کا اختتام ، سی ایس آئی آر- این آئی ایس سی پی آر ڈاکٹر پرمانند برمن کے شکریہ کے ووٹ کے ساتھ ہوا۔

ہندوستان میں سائنس اور ٹکنالوجی کے عوامی سطح پر روابط کے موضوع کے ساتھ سائنسی سیشن I کا آغاز چیئر پروفیسر بی این جگتپ، سینئر پروفیسر، آئی آئی ٹی بمبئی کے تعارف کے ساتھ ہوا، جنہوں نے سائنس میں شہریوں کی شرکت کی اہمیت کی وکالت کی جسے سائنس کی ترسیل سے متعلق کوششوں کے ذریعے حاصل کیا جا سکتا ہے۔ اس سے  ثبوت پر مبنی سائنس اور روزمرہ کی زندگی میں سائنسی سوچ و فکر اور مزاج کی حوصلہ افزائی ہوتی  ہے۔ پروفیسر دیناکر ایم سالونکے نے اپنے کلیدی خطاب میں ہندوستانی سائنسدانوں کی تاریخی شراکت پر زور دیتے ہوئے سائنسی تحقیق کو لیبارٹریوں سے عام لوگوں تک پھیلانے کی ضرورت پر روشنی ڈالی۔ خلائی اور ویکسین ٹیکنالوجی میں ہندوستان کی حالیہ کامیابیوں کو مثال کے طور پر استعمال کرتے ہوئے، انہوں نے مقامی کوششوں کو بھی شامل کرتے ہوئے، جدید سائنسی کوششوں کے لئے فنڈس کی فراہمی کی اہمیت پر بھی تبادلہ خیال کیا۔ ایمس، نئی دہلی  کی پروفیسر اوما کمار نے طبی ماحول میں مریضوں کے ساتھ بات چیت کی مثال پیش کرتے ہوئے سائنسی مواصلات  اور ترسیل میں تربیت کی اہمیت پر تبادلہ خیال کیا جو اس بات پر اثر انداز ہو سکتا ہے کہ لوگ ابھرتی ہوئی ٹیکنالوجیز یا ادویات اور ویکسین کی تیاری کو کیسے دیکھتے ہیں۔ انہوں نے اس بات پر زور دیا کہ سائنس کے مواصلاتی اقدامات کو کامیاب بنانے کے لیے مقامی رہنماؤں اور اختراعی ٹیکنالوجیز کو شامل کیا جانا چاہیے اور سماجی و ثقافتی عوامل کو مدنظر رکھا جانا چاہیے۔ جواہر لعل نہرو یونیورسٹی کے پروفیسر گوبردھن داس نے سائنس کی انگریزی کے علاوہ دوسری زبانوں میں ترسیل کی ضرورت کا اظہار کیا تاکہ زبان کوئی رکاوٹ نہ بن سکے۔  آئی سی اے آر- این بی پی جی آر کے سابق ڈائریکٹر پروفیسر کے سی . بنسل نے جینوم ایڈیٹنگ اور جی ایم  فصلوں پر اظہار خیال کیا۔

 اگلے اجلاس میں اپنی بھاشا اپنا وگیان: ہندوستانی زبانوں میں سائنس – ترسیل کو مستحکم بنانے کے موضوع پر پینل مباحثہ I منعقعد کیا گیا۔ اس حوصلہ افزا سیشن کی صدارت بھارتیہ بھاشا سمیتی کے چیئرمین پدم شری چامو کرشنا شاستری نے کی اور اس میں تمل، آسامی، پنجابی، منی پوری، ملیالم، اور اوڑیا سمیت مختلف ہندوستانی زبانوں کے ماہرین کے مباحثے شامل تھے۔اجلاس کے پینل مباحثے  میں حصہ لینے والے ارکان میں پروفیسر وی پی این نمپوری، ڈاکٹر نیلیما جیراتھ، ڈاکٹر ایچ بی سنگھ، ڈاکٹر اوتھرا دورائیراجن، ڈاکٹر منٹو بھویان اور پروفیسر سروج کانت باریک شامل  تھے۔ بحث کے دوران ماہرین نے ہندوستانی زبانوں میں سائنسی مواصلات کی اہمیت پر زور دیا تاکہ زبان کی رکاوٹوں کو عبور کیا جا سکے اور مواصلات کو مضبوط کیا جا سکے۔ پینل مباحثے کے بعد ایک آسامی میگزین بگیان لہر کا اجرا کیا گیا، جو سی ایس آئی آر- این آئی ایس سی پی آر اور سی  ایس آئی آر- این ای آئی ایس ٹی کی جانب سے ایک مشترکہ پہل ہے، اور پھر سی ایس آئی آر- این آئی ایس سی پی آر کی سواستک  پہل کےطور پر  ایک تامل فلپ کتاب "ٹریزرز آف انڈین ٹریڈیشن:  اے جرنی تھرو سائنٹفیکلی ویلیڈیٹڈ انڈین ٹریڈیشنل نولج ‘‘ کا اجرا کیا گیا۔

سی ایس آئی آر- این آئی ایس سی پی آر کے  سابق چیف سائنسداں جناب حسن جاوید خان اور گبی لیبز کے ڈائریکٹر ڈاکٹر ایچ ایس سدھیرا کے ذریعہ مقبول سائنسی تحریر پر ایک متوازی اجلاس نیز ورکشاپ کا انعقاد کیا گیا۔

سائنسی اجلاس  II میں، ہندوستان میں سائنسی مواصلاتی اور ترسیل:موجودہ رجحانات، مواقع اور چیلنجز کے موضوع پر ملک بھر کے مختلف مقررین کی پرزینٹیشنس  شامل تھیں، جس کی صدارت ٹی آئی ایف آر- ایچ بی سی ایس ای کے ریڈر ڈاکٹر پریش کے جوشی نے کی۔

سائنسی اجلاسوں اور نشستوں کے ساتھ ساتھ، سی ایس آئی آر- این آئی ایس سی پی آر کی جانب  سے ایک نمائش بھی منعقد کی گئی  جس میں اس کی  اور سواستک کی اشاعتوں کی نمائش کی گئی تھی ۔یہ نمائش سائنسی طور پر توثیق شدہ ہندوستانی روایتی علم کو پھیلانے کے لیے سی ایس آئی آر  کی  ایک پہل تھی۔ تقریب کا اختتام فنون لطیفہ اور سائنس کے امتزاج کے بارے میں ایک ثقافتی پروگرام کے ساتھ ہوا۔

ٹیم وگیانکا کے ذریعہ مختلف نئی اشاعتوں کا اجرا

******

ش  ح۔ ع م  ۔ ج

UNO-3787

(Release ID: 1997706) Visitor Counter : 76