حکومت نے پبلک ایڈمنسٹریشن میں پرائم منسٹرز ایوارڈ کی اسکیم 2023 کا آغاز کر دیا ہے، جس کے تحت ملک بھر میں سول سرونٹس کے مثالی کاموں کا اعتراف کرتے ہوئے اس پر ایوارڈ دیئے جاتے ہیں۔ 2023 کے لئے پبلک ایڈمنسٹریشن میں بہترین کارکردگی  کے ایوارڈز      اسکیم پر نظرثانی کر کے مندرجہ ذیل اسکیموں کے ذریعے ضلع کی مجموعی ترقی کے لئے سول سرونٹس کی عمدہ کارکردگی کو بھی شامل کیاگیا ہے۔

پہلا زمرہ: بارہ ترجیحی شعبوں کے تحت اضلاع میں مجموعی ترقی، اس زمرے کے تحت دس انعامات دیئے جائیں گے۔

دوسرا زمرہ: مرکزی وزارتوں، محکموں، ریاستوں اور اضلاع کے لئے اختراع، اس زمرے کے تحت چھ ایوارڈ عطا کئے جائیں گے۔

پی ایم ایوارڈز پورٹل پر رجسٹریشن  تین جنوری 2024 کو شروع ہوا، جہا ں نامزدگیو ں کو داخل کیا جائے گا۔ نامزدگیاں داخل کرنے کی آخری تاریخ   31؍ جنوری  2024 ہوگی۔

اسکیم میں وسیع تر شمولیت کی حوصلہ افزائی کے لئے انتظامی اصلاحات اور شکایات عامہ کے محکمے نے سب تک  پہنچنے کے لئے مہم شروع کی ہے اور مرکزی وزارتوں، محکموں، ریاستی سرکاروں اور ضلع کلکٹر ز کے ساتھ آؤٹ ریچ مٹنگیں کیں اور  پبلک ایڈمنسٹریشن  میں عمدہ کارکردگی کے پرائم منسٹرز ایوارڈ کے لئے ویب پورٹل پر نامزدگیاں داخل کرنے کی صلاح دی۔۔

https://pmawards.gov.in/login

پبلک ایڈمنسٹریشن میں بہترین کارکردگی کے لئے پرائم منسٹرز ایوارڈ 2023 میں ایک ٹرافی، ایک توصیف نامہ اور بیس لاکھ روپے نقد کا انعام ایوارڈ یافتہ ضلع یا تنظم کو دیا جاتا ہے، جسے کسی پروجیکٹ یا پروگرام     پر یا عوامی بہبود کے کسی بھی شعبے میں وسائل کو پورا کرنے پر لگایا جا سکتا ہے۔

دو ہزار اُنیس سے 2023 کے دوران پبلک ایڈمنسٹریشن میں عمدہ کارکردگی کے لئے 62 پرائم منسٹرز ایوارڈ دیئے گئے۔ پی ایم ایوارڈز وزیراعظم کے ہاتھوں سول سروس ڈے کے موقع پر  عطا کئے جاتے ہیں۔ 

ایوارڈ جیتنے والی نامزدگیوں  کو سنسد ٹی وی پر ٹیلی ویژن سیریز ‘‘ ابھینو پہل’’ کے تحت قومی فورموں میں پیش کیا جاتا ہے۔ اس کے علاوہ نیشنل گڈگورننس  ویبنار سیریز اور گڈ گورننس  کی علاقائی کانفرنس   میں بھی پیش کیا جاتا ہے۔

***

ش ح۔ ع س۔ ک ا

U NO 3676