شماریات اور پروگرام کے نفاذ کی وزارت

مرکزی وزیر راؤ اندرجیت سنگھ نے ایم پی ایل اے ڈی اسکیم کے تحت نظرثانی شدہ فنڈ فلو طریقہ کار کے لیے ایم پی ایل اے ڈی  ایس ای-ساکشی موبائل اپلیکیشن کا آغاز کیا

Posted On: 16 JAN 2024 6:49PM by PIB Delhi

شماریات اور پروگرام کے نفاذ کی وزارت کے وزیر مملکت (آزادانہ چارج) راؤ اندرجیت سنگھ نے آج خورشید لال بھون، نئی دہلی میں ایم پی ایل اے ڈی اسکیم کے تحت نظرثانی شدہ فنڈ کے بہاؤ کے طریقہ کار کے لیے ایم پی ایل اے ڈی  ایس ای-ساکشی موبائل اپلیکیشن کا آغاز کیا۔ لانچنگ تقریب میں ہندوستان کے چیف شماریات دان-کم-سیکرٹری، ایڈیشنل سکریٹری، اور وزارت کے دیگر سینیئر افسران کے ساتھ ساتھ ایس بی آئی اور ٹی سی ایس کے سینیئر افسران سمیت مختلف معززین نے شرکت کی۔

 

 

ایم پی ایل اے ڈی اسکیم کا مقصد اراکین پارلیمنٹ کو مقامی طور پر محسوس کی جانے والی ضروریات کی بنیاد پر پائیدار کمیونٹی اثاثوں کی تخلیق پر زور دیتے ہوئے ترقیاتی نوعیت کے کاموں کی سفارش کرنے کے قابل بنانا ہے۔ رہنما خطوط کے نظرثانی شدہ مجموعہ کا مقصد اسکیم کے دائرہ کار کو وسیع کرنا ہے تاکہ ممبران پارلیمنٹ کو ایم پی ایل اے ڈی اسکیم کے کام کاج، نفاذ اور نگرانی کو بہتر بنانے پر زور دینے کے ساتھ کمیونٹی کی بدلتی ہوئی ضروریات کے مطابق ترقیاتی کاموں کی سفارش کرنے کے قابل بنایا جا سکے۔

 

 

ایم پی ایل اے ڈی اسکیم کے تحت ممبران پارلیمنٹ کے لیے ای-ساکشی موبائل اپلیکیشن کا آغاز بے شمار فوائد لائے گا، جس سے ان کے اپنے حلقوں میں ترقیاتی منصوبوں کے ساتھ مشغول ہونے اور ان کا انتظام کرنے کے طریقے میں انقلاب آئے گا۔ موبائل ایپ سہولت اور رسائی کی پیشکش کرے گی، جس سے اراکین پارلیمنٹ اپنی انگلیوں پر پروجیکٹس کی تجویز، ٹریک اور نگرانی کر سکیں گے۔ یہ ریئل ٹائم رسائی فیصلہ سازی کے عمل کو بہتر بناتی ہے، ابھرتی ہوئی ضروریات یا مسائل کے لیے تیز ردعمل کو قابل بناتی ہے۔ یہ اپلیکیشن اراکین پارلیمنٹ اور متعلقہ حکام کے درمیان رابطے کو ہموار کرے گی، معلومات کے زیادہ مؤثر تبادلے میں سہولت فراہم کرے گی۔

 

 

اس کے علاوہ، موبائل ایپ اراکین پارلیمنٹ کو ان کے مجوزہ منصوبوں کی صورتحال اور پیشرفت کے بارے میں فوری اپ ڈیٹ فراہم کرکے شفافیت کو فروغ دے گی۔ یہ شفافیت نہ صرف جوابدہی کو فروغ دیتی ہے بلکہ ایم پی ایل اے ڈی ایس فنڈز کی تخصیص اور استعمال میں عوام کا اعتماد بھی پیدا کرتی ہے۔ اس کے علاوہ، موبائل اپلیکیشن میں بجٹ کے انتظام کے لیے خصوصیات موجود ہیں، جو اس بات کو یقینی بناتی ہیں کہ اراکین پارلیمنٹ اخراجات کی نگرانی کر سکیں۔

نظرثانی شدہ رہنما خطوط کے تحت سفارش کا پورا عمل ویب پورٹل کے ساتھ ساتھ موبائل ایپلیکیشن کے ذریعے کام کرے گا۔ اس جدید ٹیکنالوجی کے حل کا مقصد ایم پی ایل اے ڈی اسکیم کے نفاذ میں شفافیت، رسائی اور کارکردگی کو بڑھانا ہے۔

                                               **************

ش ح۔ ف ش ع- م ف

16-01-2024

U: 3678



(Release ID: 1996770) Visitor Counter : 72


Read this release in: English , Hindi