بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے آج کیرالہ کے کوچی میں کوچین شپ یارڈ لمیٹڈ (سی ایس ایل) میں کلیدی اسٹریٹجک پروجیکٹوں کی تیاری کا جائزہ لیا۔ واضح رہے کہ وزیر اعظم جناب نریندر مودی کل ان اہم پروجیکٹوں کا افتتاح کریں گے اور انہیں قوم کے نام وقف کریں گے۔

مرکزی وزیر نے آج آئی او سی ایل کے ایل پی جی امپورٹ ٹرمینل کے ساتھ  ساتھ  جہاز کی مرمت کرنے والی بین الاقوامی تنصیب آئی ایس آر ایف  اور بین الاقوامی معیار کے مطابق بنایا گیا  310 میٹر طویل ڈرائی ڈاک کا جائزہ لیا، جہاز کی مرمت کی بین الاقوامی تنصیب ہندوستان کی پہلی مکمل  طور پر تیار کردہ جہاز کی  مرمت کا ایکو نظام  ہے۔  زبردست کلیدی  اہمیت کے حامل ان تمام پروجیکٹوں کا افتتاح وزیر اعظم جناب نریندر مودی کل کوچی میں کریں گے۔ جناب  سونووال نے دیگر بڑے پروجیکٹوں کا بھی جائزہ لیا اور ان کی پیش رفت کا بھی جائزہ لیا۔

اس موقع پر اظہار خیال کرتے ہوئے، جناب سونووال نے کہا، "وزیر اعظم جناب نریندر مودی جی کی دور اندیش قیادت میں، ہندوستان آتم نربھر بننے کی طرف آگے بڑھ رہا ہے۔ جہاز رانی اس سے مختلف نہیں ہے، کیونکہ ہم ہندوستانی پرچم والے جہازوں کی تعداد کو  بڑھانے اور غیر ملکی جہازوں پر اپنی انحصار کو کم سے کم ممکنہ سطح تک ختم کرنے کی ٹھوس کوشش کر رہے ہیں۔ ایسا کرتے ہوئے، ہم جہاز رانی کے شعبے کو مطلوبہ محرک فراہم کر رہے ہیں، جس میں ایک پرجوش گرین ٹگ ٹرانزیشن پروگرام (جی ٹی ٹی پی) شامل ہے، جو ممکنہ طور پر گرین بحری جہازوں کو تیار کرنے میں عالمی رہنما بننے کے لیے ہندوستان کے جہاز رانی کے شعبے کے امکانات کو تقویت دے گا۔ ہم ہندوستان کی جہاز رانی کی صنعت کے لیے ایک مضبوط ماحولیاتی نظام فراہم کرنے کے لیے کوچی میں جہاز کی مرمت کا کلسٹر بنانے پر بھی کام کر رہے ہیں۔"

وزیر اعظم کے 4000 کروڑ روپے مالیت کے پروجیکٹوں کے افتتاح سے پہلے پریس کانفرنس میں پروجیکٹوں کی پیش رفت پر اپنے اطمینان کا اظہار کرتے ہوئے جناب سونووال نے کہا، " سی ایس ایل سمندری شعبے میں عالمی سطح پر نامور فریق بننے کی ہندوستان کی کوشش میں ایک اہم کردار ادا کر رہا ہے۔ جیسا کہ وزیراعظم مودی جی ان کلیدی پروجیکٹوں کا افتتاح اور وقف کرتے ہیں، سی ایس ایل اگلے چار سالوں کے اندر اپنے کاروبار کو دوگنا کرکے 7,000 کروڑ روپے کرنے کے لیے تیار ہے۔ یہ اقدامات نہ صرف وزیر اعظم مودی جی کے آتم نر بھر بھارت کے ویژن کو تقویت دیں گے بلکہ قوم کے لوگوں کے لیے ترقی، آگے بڑھنے اور روزگار کے مواقع پیدا کرنے کے لیے بھی مؤ ثر  محرک کے طور پر کام کریں گے۔ یہ واقعی 'سب کا ساتھ، سب کا وکاس' کے جوہر کو مجسم کرتا ہے۔ قومی فخر کے اظہار کے طور پر، یہ پرو جیکٹ انجینئرنگ اور پروجیکٹ مینجمنٹ میں ہندوستان کی قابلیت کے ثبوت کے طور پر کھڑے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- ح ا - ق ر)

(16-01-2024)

U-3669