وائس ایڈمرل ونیت میکارٹی نے 15 جنوری2024 کو انڈین نیول اکیڈمی کے کمانڈنٹ کا عہدہ سنبھالا۔ فلیگ آفیسر کو یکم جولائی 1989 کو ہندوستانی بحریہ میں کمیشن دیا گیا تھا اور وہ ڈیفنس سروس کالج، ویلنگٹن(2005)اورنیشنل ڈیفنس کالج، نئی دہلی (2017)کے گریجویٹ ہیں۔

گنری اور میزائل کے ماہر میکارٹی نے آئی این ایس دہلی میں کمیشننگ کریو کے طور پر خدمات انجام دیں اور ان کا پورا ماہرانہ کیریئر فرنٹ لائن گائیڈڈ میزائل ڈسٹرائر کے طور پر رہا ہے۔ انہوں نے سیوارڈ ڈیفنس پٹرول ویسل، گائیڈڈ میزائل ویسل اور لینڈنگ پلیٹ فارم ڈاک آئی این ایس جلسووا کے ایگزیکٹو آفیسر کے طور پر بھی خدمات انجام دی ہیں۔ انہوں نے اینٹی سب میرین گشتی جہاز آئی این ایس اجے، گائیڈڈ میزائل کارویٹ آئی این ایس خنجر اور گائیڈڈ میزائل فریگیٹ آئی این ایس شیوالک کی بھی کمانڈ کی ہے۔

ان کے اسٹاف اسائنمنٹس میں نیول اکیڈمی میں ٹریننگ کمانڈر اور ہیڈ کوارٹر ایسٹرن نیول کمانڈ میں کمانڈ پلاننگ آفیسر شامل ہیں۔ وہ بحریہ اور میری ٹائم اکیڈمی، سری لنکا میں اسٹاف ڈائریکٹر کے طور پر بھی خدمات انجام دے چکے ہیں اور جمہوریہ سنگاپور اور جمہوریہ فلپائن کے ساتھ ساتھ ایکریڈیٹیشن کے ساتھ ہندوستان کے دفاعی مشیر کے طور پر بھی خدمات انجام دے چکے ہیں۔ انہوں نے 2018-2020 کے دوران کموڈور (بحری منصوبہ بندی)کے طور پر بھی خدمات انجام دیں،جہاں ان کی ذمہ داریوں میں ہندوستانی بحریہ کے لیے امکانات، مالیات اور تحویل کے منصوبوں کی تیاری شامل تھی۔

10 فروری2020 کو فلیگ رینک پر ترقی کے بعد انہوں نے نیول ہیڈ کوارٹرز میں اسسٹنٹ چیف آف دی نیول اسٹاف (اسٹاف کی ضروریات)کے فرائض سنبھالے، جہاں ان کی ذمہ داریوں میں صلاحیت کا فروغ اور ہندوستانی بحریہ کی کمبیٹ پالیسی کی تشکیل شامل تھی۔ انڈین نیول اکیڈمی کے کمانڈنٹ کا چارج سنبھالنے سے پہلے وہ 15 نومبر 2022 سے 09 نومبر 2023 تک مغربی فلیٹ کے کمانڈنگ فلیگ آفیسر تھے۔

 

**********

 

ش ح ۔م م۔ن ع

U. No.3646

(Release ID: 1996510) Visitor Counter : 43