مرکزی وزیر مملکت (آزادانہ چارج) سائنس اور ٹیکنالوجی؛ پی ایم او، عملہ، عوامی شکایات، پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے آج یہاں لداخ خود مختار پہاڑی ترقیاتی کونسل (ایل اے ایچ ڈی سی) کرگل کے کونسلر جناب اسٹینزن لاکپا کی قیادت میں ایک وفد سے ملاقات کے موقع پر کہا کہ لداخ نے وزیر اعظم جناب نریندر مودی کی قیادت میں تیز رفتار ترقی کا مشاہدہ کیا ہے۔

انہوں نے کہا کہ وزیر اعظم جناب نریندر مودی کی قیادت میں مرکزی حکومت نے لداخ کی ترقی اور بدھ مذہب کے ماننے والوں اور قبائلیوں سمیت مقامی آبادی کی فلاح و بہبود کو بہت زیادہ ترجیح دی ہے۔

 

 

وفد نے اکتوبر 2019 میں جب سے اسے یو ٹی کا درجہ دیا گیا تھا پہاڑی علاقے کی تیز رفتار ترقی کے لیے پی ایم مودی کا تہہ دل سے شکریہ ادا کیا۔

ڈاکٹر جتیندر سنگھ نے کہا، اگرچہ پہلی بار لداخ کے ایک وفد نے 1949 میں اس وقت کے وزیر اعظم جواہر لال نہرو سے دور دراز کے علاقے کے لیے علیحدہ یو ٹی کا درجہ مانگنے کے لیے ملاقات کی تھی، لیکن وزیر اعظم مودی کے اقتدار سنبھالنے کے بعد ہی یہ خواب سات دہائیوں بعد پورا ہوا۔

ڈاکٹر جتیندر سنگھ نے کہا، وزیر اعظم مودی پچھلی حکومتوں کے برعکس لداخ کو سب سے زیادہ ترجیح اور توجہ دیتے ہیں جس کی وجہ سے یو ٹی کو کئی دہائیوں سے نظر انداز کیے جانے کا سامنا کرنا پڑا۔ انہوں نے کہا کہ مودی حکومت کے تحت پہلی بار لداخ کو ایک یونیورسٹی، ہوٹل مینجمنٹ انسٹی ٹیوٹ اور پروفیشنل کالج دیے گئے ہیں۔

 

 

وزیر اعظم مودی کے اعلان کردہ ”کاربن نیوٹرل“ لداخ کے لیے ایکشن پلان کا حوالہ دیتے ہوئے، ڈاکٹر جتیندر سنگھ نے کہا، لداخ کے لیے 50 کروڑ روپے کے خصوصی ترقیاتی پیکیج کے ساتھ، پہلی بار کوئی مرکزی حکومت خطے کے مختلف پروجیکٹوں کے لیے فنڈز فراہم کرنے میں اتنی آزاد رہی ہے۔

ڈاکٹر جتیندر سنگھ نے کہا کہ یو پی ایس سی کی سول سروسز کے انعقاد کے لیے لیہہ میں ایک خصوصی امتحانی مرکز قائم کیا گیا ہے۔ انہوں نے کہا کہ ”یہ نہ صرف ایک اہم گورننس اصلاح ہے بلکہ دور دراز علاقوں میں رہنے والے ملازمت کے خواہشمند نوجوانوں کے لیے ایک بہت بڑی سماجی اصلاح ہے۔“

 

 

ڈاکٹر جتیندر سنگھ نے کہا، لداخ جلد ہی چنگتھانگ وائلڈ لائف سینکچری کے حصے کے طور پر مشرقی لداخ کے ہانلے گاؤں کے نائٹ اسکائی ریزرو میں جنوب مشرقی ایشیا کا پہلا نائٹ اسکائی سینکچری بنائے گا۔ انہوں نے کہا کہ اس سے ہندوستان میں فلکی سیاحت کو فروغ ملے گا اور یہ آپٹیکل، انفرا ریڈ اور گاما رے دوربینوں کے لیے دنیا کے بلند ترین مقامات میں سے ایک ہوگا۔

ڈاکٹر جتیندر سنگھ نے کہا، سائنس اور ٹیکنالوجی کی مرکزی وزارت میں سی ایس آئی آر ”لیہ بیری“ کو فروغ دے رہی ہے، جو کہ سرد صحرا کی خصوصی خوراک ہے۔ مئی 2018 میں وزیر اعظم مودی کے لداخ کے دورے کا حوالہ دیتے ہوئے، ڈاکٹر جتیندر سنگھ نے کہا کہ وزیر اعظم نے سیبکتھورن کی وسیع پیمانے پر کاشت کے لیے سختی سے مشورہ دیا ہے جو کہ ”لیہ بیری“ کا ذریعہ ہے۔

 

 

وزیر موصوف نے کہا کہ 15000 فٹ سے اوپر کی بلندی پر تین دواؤں کے پودوں کی تجارتی کاشت کو بھی فروغ دیا جا رہا ہے۔ اس میں ”سنجیونی بوٹی“ شامل ہے، جسے مقامی طور پر ”سولا“ کہا جاتا ہے، جس میں بہت زیادہ زندگی بچانے والی اور معالجاتی خصوصیات ہیں۔

ڈاکٹر جتیندر سنگھ نے کہا کہ جوہری توانائی کا محکمہ پھلوں اور سبزیوں کے تحفظ/شیلف لائف میں توسیع کے لیے گاما شعاع ریزی ٹیکنالوجی کے لیے یو ٹی میں سہولیات قائم کرے گا۔ انہیں یہ جان کر خوشی ہوئی کہ لداخ سے خوبانی اب دبئی اور دیگر غیر ملکی مقامات کو برآمد کی جا رہی ہے۔

*************

 

ش ح۔ ف ش ع- م ف

U: 3638

(Release ID: 1996409) Visitor Counter : 69