مرکزی وزیر مملکت (آزادانہ چارج) سائنس و ٹیکنالوجی؛ پی ایم او، عملہ، عوامی شکایات، پنشن، ایٹمی توانائی اور خلا کے  وزیر مملکت، ڈاکٹر جتیندر سنگھ نے آج جموں و کشمیر کے ادھم پور ضلع میں رام نگر کے دور دراز پہاڑی علاقوں کے لیے جدید ترین، مصنوعی ذہانت (اے آئی) سپورٹڈ ٹیلی میڈیسن موبائل کلینک ‘‘آروگیہ-ڈاکٹرز آن وہیلز’’ کا آغاز کیا۔

انہوں نے کہا کہ جدید ترین اپ گریڈ شدہ ٹیلی کلینک مصنوعی ذہانت پر مبنی ہے جو خطے کے دور دراز علاقوں میں صحت کی دیکھ بھال کی سہولیات فراہم کرتا ہے، جہاں ایسی سہولیات یا تو دستیاب نہیں ہیں یا ناکافی ہیں۔

ڈاکٹر جتیندر سنگھ نے وضاحت کی کہ ‘‘آروگیہ’’ جدید ترین طریقہ کار پر کام کرتا ہے جس میں ایک مریض اپنی بیماری یا شکایت کو اپنی مادری زبان میں بیان کر سکتا ہے اور اے آئی ڈاکٹر اس زبان کو سمجھتا ہے اور مریض کو اسی زبان میں جواب دیتا ہے۔

ڈاکٹر جتیندر سنگھ نے کہا، اس کے بعد مریض ملک کے ایک سرکردہ سپر اسپیشلسٹ سے جڑ جاتا ہے کیونکہ اس ٹیلی میڈیسن اسپتال کا ملک کے کچھ سرکردہ اسپتالوں کے ساتھ معاہدہ کیا گیا ہے۔ بعد میں، مریض کے پورے جسم کی پروفائل تیار کی جاتی ہیں ۔تقریباً 40 سے 50 منٹ کے اندر، ایک مریض کو نسخہ فراہم کر دیا جاتا ہے۔ ڈاکٹر سنگھ نے کہا کہ مریض کو مفت علاج فراہم کیا جاتا ہے۔

وزیر موصوف نے کہا کہ وزیر اعظم جناب نریندر مودی نے جدید ترین تکنیکی ترقیات کو بروئے کار لاتے ہوئے ملک کے دور دراز حصوں میں صحت   سہولیات فراہم کرنے کا پختہ عزم کیا  ہواہے۔ انہوں نے کہا کہ موجودہ اقدام بھی اسی سے متاثر ہے۔

ڈاکٹر جتیندر سنگھ نے بتایا کہ اس سہولت کا پہلا مرحلہ ضلع ڈوڈا کے دور دراز گندوہ علاقے میں چلایا گیا جہاں اس نے تین ماہ گزارے۔ دوسرا مرحلہ بین الاقوامی سرحد کے زیرو لائن سے متصل  دیہاتوں میں انجام دیاگیا ، اور تیسرا مرحلہ بلاور کے بالائی علاقوں میں منعقد ہوا۔ اگلے چند مہینوں میں چوتھا مرحلہ اُدھم پور کے رام نگر بلاک کے بالائی علاقوں میں ڈوڈو بسنت گڑھ میں منعقد کیا جائے گا۔

ڈاکٹر جتیندر سنگھ نے مقامی لوگوں سے اس سہولت کا فائدہ اٹھانے کی اپیل کرتے ہوئے کہا کہ اس جدید ترین سپر اسپیشلٹی اسپتال کے ذریعے ڈاکٹر ان کی دہلیز پر آ رہے ہیں۔

*********

 (ش ح۔م  م ۔ع آ)

U-3599

(Release ID: 1996166) Visitor Counter : 70