భారతదేశం ఇంటర్నేషనల్ సైన్స్ ఫెస్టివల్ (ఐ ఐ ఎస్ ఎఫ్) 2023, సైన్స్ మరియు టెక్నాలజీ రంగంలో దేశాన్ని ప్రపంచ అగ్రగామి గా నిలబెట్టడంలో దేశంలోని యువతకు సహకారం అందించడానికి “ఫేస్ టు ఫేస్ విత్ సైన్స్ అండ్ టెక్నాలజీ” అనే ఈవెంట్  రూపొందించిబడింది. ఈ సైన్స్ మరియు టెక్నాలజీ (ఎస్ & టి) ఈవెంట్ 2024 జనవరి 17, 19 మరియు 20 తేదీల్లో రీజనల్ సెంటర్ ఫర్ బయోటెక్నాలజీ, ట్రాన్స్‌లేషనల్ హెల్త్ సైన్స్ అండ్ టెక్నాలజీ ఇన్స్టిట్యూట్ క్యాంపస్, ఫరీదాబాద్ (హర్యానా)లో జరగబోతోంది.

 

ఇండియా ఇంటర్నేషనల్ సైన్స్ ఫెస్టివల్ (@iisfest) / X

 

ప్రజల పెరుగుతున్న అవసరాలను తీర్చడానికి సైన్స్ మరియు టెక్నాలజీ నిరంతరం అభివృద్ధి చెందుతున్నందున, సమాజ పురోగతికి మరింత దోహదపడే విజ్ఞాన విస్తరణకు సహకారంపై దృష్టి పెట్టడం చాలా ముఖ్యం. హరిత సాంకేతికత థీమ్ ప్రత్యేకంగా ఇంజనీరింగ్, వ్యవసాయం, వెటర్నరీ కేర్ మరియు ఆరోగ్య రంగంలో ఆవిష్కరణల సామర్థ్యాన్ని నొక్కి చెబుతుంది. అంతరిక్ష పరిశోధన, గ్రీన్ ఎనర్జీ, కృత్రిమ మేధస్సు మరియు రోబోటిక్స్ వంటి ఉత్తేజకరమైన రంగాలలో యువతలో ఆసక్తిని రేకెత్తిస్తాయి. ఈ రంగాలు యువ తరంలో శాస్త్రీయ ఉత్సుకతను పెంపొందించాయి. వ్యవసాయ-సాంకేతికత, వైద్యం, నానోటెక్నాలజీ, జన్యుశాస్త్రం మరియు మరెన్నో వినూత్న పరిష్కారాలను మరియు సమాజానికి ప్రయోజనాలను అందించే రంగంలో అన్వేషణను ప్రోత్సహిస్తాయి.

 

సైన్స్ అండ్ టెక్నాలజీ (ఎస్ & టి)లోని వివిధ రంగాలలో  ప్రతిభావంతులైన విద్యార్థులు, పరిశోధకులు, విద్యావేత్తలు, పరిశోధన మరియు పరిశ్రమలకు చెందిన వ్యక్తులు మరియు ప్రముఖ వ్యక్తుల మధ్య ప్రత్యక్ష పరస్పర చర్యలకు ముఖాముఖి అవకాశం ఇస్తుంది. . ఎస్ & టి రంగంలో అగ్రగామిగా ఎదగడానికి మరియు భారతదేశాన్ని ప్రపంచ అగ్రగామిగా చేయడానికి దేశంలోని యువతను ప్రోత్సహించడం దీని లక్ష్యం. సైన్స్, టెక్నాలజీ మరియు పరిశోధనలను వృత్తిగా కొనసాగించడంలో విద్యార్థులను ప్రేరేపించడానికి ఈ చొరవ సహాయపడుతుంది. అదనంగా, ప్రముఖ వ్యక్తుల నుండి పొందిన విజ్ఞానం భారతదేశం యొక్క భవిష్యత్తు దృష్టిని రూపొందించడంలో సహాయపడుతుంది,  సామూహిక ప్రయత్నాల ద్వారా సాంకేతికతకు ప్రాప్యతను నిర్ధారిస్తుంది అలాగే సాంకేతికత యొక్క ప్రయోజనాలను సమాజంలోని  ప్రజలందరూ పొందుతున్నారు. ఇండియన్ నేషనల్ సైన్స్ అకాడమీ, నేషనల్ ఇన్నోవేషన్ ఫౌండేషన్ మరియు విజ్ఞాన భారతి  ఈ ఈవెంట్ యొక్క సమన్వయ సంస్థలు.

 

సిఎస్ఐఆర్-నేషనల్ ఇన్‌స్టిట్యూట్ ఆఫ్ సైన్స్ కమ్యూనికేషన్ & పాలసీ రీసెర్చ్ లోని సైన్స్ మీడియా కమ్యూనికేషన్ సెల్, ఇండియా ఇంటర్నేషనల్ సైన్స్ ఫెస్టివల్ 2023 యొక్క మీడియా ప్రచారాన్ని సమన్వయం చేస్తుంది మరియు సులభతరం చేస్తోంది. సైన్స్ ప్రచారాన్ని వ్యాప్తి చేయడం మరియు మీడియా యొక్క వివిధ ప్లాట్‌ఫారమ్‌లలో భారతదేశం యొక్క ఆర్ & డీ పురోగతులు మరియు శాస్త్రీయ విజయాలను సమాజంలోని  ప్రజలందరికీ తెలియజేయడం ఎస్ ఎం సి సి   లక్ష్యం.

 

(సౌజన్యం: సైన్స్ మీడియా కమ్యూనికేషన్ సెల్, సిఎస్ఐఆర్- ఎన్ ఐ ఎస్ సీ పీ ఆర్)

 

***

(రిలీజ్ ఐడి: 1996115) సందర్శకుల సూచీ సంఖ్య : : 603