این ٹی پی سی گرین انرجی لمیٹڈ  نے 10 تا 12 جنوری 2024  گاندھی نگر میں منعقد ہونے والی تین روزہ وائبرینٹ گجرات گلوبل سمٹ 2024 کے دوران گجرات اسٹیٹ پٹرولیم کارپوریشن لمیٹڈ  اور گجرات پیپاوا پورٹ لمیٹیڈ  کے ساتھ مفاہمت ناموں پر دستخط کیے۔

گجرات اسٹیٹ پیٹرولیم کارپوریشن لمیٹڈ کے ساتھ مفاہمت  کا مقصد جی ایس پی سی کے گیس نیٹ ورکس میں گرین ہائیڈروجن کی آمیزش اور گجرات میں گرین ہائیڈروجن فیولنگ اسٹیشن قائم کرکے گرین ہائیڈروجن موبلیٹی کو فروغ دینا ہے۔ مفاہمت نامے کا تبادلہ سی ایم ڈی، این ٹی پی سی، جناب گردیپ سنگھ اور ایم ڈی، جی ایس پی سی، شری ملند توروانے كے درمیان ہوا۔ اس موقع پر گجرات کے وزیر اعلیٰ بھوپیندر بھائی پٹیل، وزیر خزانہ، توانائی اور پیٹرو کیمیکل، حکومت گجرات، جناب کنوبھائی دیسائی، رکن، نیتی آیوگ ڈاکٹر وی کے سرسوات اور دیگر سینئر حکام اور بین الاقوامی مندوبین موجود تھے۔

گجرات پیپاوا پورٹ لمیٹڈ کے ساتھ ایم او یو کا مقصد جی پی پی ایل کی فراہم کردہ زمین پر برآمد اور مقامی مارکیٹ کے لیے گرین امونیا کی پیداوار سمیت ایک گرین ہائیڈروجن ایکو سسٹم تیار کرنا ہے۔ اس کا مقصد این جی ای ایل کے ذریعہ پیپاوا بندرگاہ کی ترقی کو لنگر بندرگاہ کے طور پر تلاش کرنابھی  ہے جو گجرات میں آف شور ونڈ فارمز کی تلاش، ترقی اور آپریشنز کے لیے ہے۔ ایم او یو کا تبادلہ جی ایم ہائیڈروجن، این ٹی پی سی اور اے پی ایم ٹرمینلز کے ایم ڈی، پپاوا کے درمیان ہوا۔

این ٹی پی سی گرین انرجی لمیٹڈ این ٹی پی سی کا مکمل ملکیتی ذیلی ادارہ ہے اور اس کا مقصد 3.4 جی ڈبلیو سے زیادہ کی آپریشنل صلاحیت کے ساتھ این ٹی پی سی کے قابل تجدید توانائی کے سفر میں اہمیت كا حامل ہونا ہے۔ پائپ لائن میں 26 جی ڈبلیو بشمول 7 جی ڈبلیو زیر عمل ہے۔

گجرات اسٹیٹ پٹرولیم کارپوریشن لمیٹڈ ہندوستان کی سب سے بڑی گیس ٹریڈنگ کمپنیوں میں سے ایک ہے جو تیل اور قدرتی گیس کی تلاش، تیاری اور پیداوار میں مصروف ہے۔

گجرات پیپاوا پورٹ لمیٹیڈ ہندوستان کی سرکردہ نجی بندرگاہوں میں سے ایک ہے جسے اے پی مولر – ماءرسك اے ایس نے فروغ دیا ہے۔ اس میں سالانہ سرِ دست 1.35 ملین  بیس فٹ والے کنٹینرز، 4 - 5 ملین ٹن خشک بلک کارگو، 2 ملین ٹن مائع کارگو اور تقریباً 2,50,000 کاریں ہینڈل كرنے کی گنجائش ہے۔

***

ش ح۔ ع س۔ ک ا

(Release ID: 1995692) Visitor Counter : 110