مورخہ12 جنوری 2024 کو سوامی وویکانند کے یوم پیدائش کے طور پر منایا جاتا ہے اور اسے ملک بھر میں  نوجوانوں کے قومی دن کے طور پر منایا جاتا ہے۔ نوجوانوں کے امور کا محکمہ، ملک کے ہر کونےمیں  نوجوانوں کی آبادی کو مشغول کرنے اور بااختیار بنانے کے لیے ایک منفرد اور وسیع نقطہ نظر کے ساتھ، نوجوانوں کے قومی دن  کی تیاری کر رہا ہے۔

اس سال نوجوانوں کا قومی دن منایا جائے گا جسے  نوجوانوں کی امور کے محکمے کی  نوجوانوں کے امور کی  فیلڈ تنظیموں کی جانب سے متعدد سرکاری محکموں کے ساتھ مل کر پورے ہندوستان کے اضلاع میں منایا جائے گا۔ پورے ملک میں مائی بھارت  کے رضاکار، نہرو یووا کیندر، این ایس ایس یونٹس اور بہت سے تعلیمی اداروں کے تعاون سے، بھارت کے لیے رضاکارانہ سرگرمیاں انجام دینے کے لیے اپنی توانائیوں کو مربوط کریں گے۔ این وائی کے سے وابستہ یوتھ کلب بھی جشن میں اپنی متحرک توانائی لائیں گے اور حقیقتاً ایک جامع ماحول کو یقینی بنائیں گے۔

مورخہ12 جنوری کو ملک کے بڑے شہروں اور 750 اضلاع کے ہیڈکوارٹرز میں ایک ہفتہ طویل روڈ سیفٹی بیداری مہم چلائی جائے گی۔ ریاست تمل ناڈو میں، ٹرانسپورٹ اور روڈ سیفٹی ڈیپارٹمنٹ اور ٹریفک پولیس کے تعاون سے چنئی، کوئمبٹور اور مدورائی جیسے شہروں اور تمام ضلعی ہیڈکوارٹرز میں روڈ سیفٹی مہم کا انعقاد کیا جائے گا۔ ان تقریبات کے لیے رضاکاروں کو مائی بھارت ڈیجیٹل پلیٹ فارم (https://mybharat.gov.in) کے ذریعے رجسٹر کیا جاتا ہے۔ تربیت یافتہ روڈ سیفٹی رضاکاروں کو ٹریفک چوک پوائنٹس پر ٹریفک کو سنبھالنے میں مدد فراہم کرنے کے لیے تعینات کیا جائے گا اور سڑک کی حفاظت سے متعلق آگاہی کی سرگرمیاں جیسے اسٹریٹ ڈرامے، فلیش موب، ریلیاں وغیرہ کا انعقاد کیا جائے گا۔ تمل ناڈو میں 7000 سے زیادہ رضاکار اس مہم میں حصہ لیں گے۔ چنئی شہر پر مبنی روڈ ٹریفک بیداری مہم کو 12 جنوری کو صبح 11بجے گرو نانک کالج ویلاچری میں منعقد ہونے والے نیشنل یوتھ ڈے کی تقریب میں ماحولیات اور آب وہوا کی تبدیلی کے وزیر سیوا وی میاناتھن کے ذریعہ آغاز کیا جائے گا۔ مدورائی اور کوئمبٹور کے شہروں اور ضلع ہیڈکوارٹر میں بھی روڈ سیفٹی بیداری پروگرام منعقد کرنے کے انتظامات کیے گئے ہیں۔

وزیر اعظم 12 جنوری کو ناسک مہاراشٹر میں 27ویں قومی یوتھ فیسٹیول کا افتتاح کر رہے ہیں اور قوم کے نوجوانوں سے خطاب کریں گے۔ نیشنل یوتھ ڈے 2024 پر ضلعی سطح کا ایک میگا پروگرام، سوامی وویکانند کو خراج عقیدت پیش کرنے کے ساتھ شروع ہوگا، جس کے بعد وزیر اعظم کے قوم سے خطاب کی لائیو اسکریننگ ہوگی۔ پروگرام کے اختتام پر اضلاع کے متنوع ثقافتی ورثے کو ظاہر کرنے والا ثقافتی پروگرام بھی پیش کیا جائے گا۔

جشن کے ایک حصے کے طور پر، ’’ میرا  بھارت – وکست بھارت @ 2047- نوجوانوں کے ذریعے، نوجوانوں کے لیے‘‘ کے موضوع پر اعلانیہ مقابلوں کا انعقاد ضلعی سطح پر نہرو یووا کیندر نے کیا اور ضلعی سطح کے مقابلوں کے فاتحین کو ریاستی سطح کے مقابلے میں شرکت کے لیے مدعو کیا جائے گا۔

********

(ش ح ۔ا ع۔ ر ا)     

U.No.3521

(ریلیز آئی ڈی: 1995409) وزیٹر کاؤنٹر : 115