ٹیکسٹائل، صارفین کے امور، خوراک اور عوامی تقسیم اور تجارت و صنعت کے مرکزی وزیر جناب پیوش گوئل نے آئندہ میگا ٹیکسٹائل ایونٹ- بھارت ٹیکس 2024 کے پیش نظر اسٹیئرنگ کمیٹی کی جائزہ میٹنگ کی۔

ٹیکسٹائل ایکسپورٹ پروموشن کونسل (ای پی سی) کے نمائندوں، افسران اور دیگر کے ساتھ بات چیت کرتے ہوئے، جناب گوئل نے کہا، ”بھارت ٹیکس کی کامیابی کور کمیٹی اور اسٹیئرنگ کمیٹی کی باریک بینی سے منصوبہ بندی اور اس پر عمل درآمد پر منحصر ہے۔ آپ کی لگن اور اسٹریٹجک نقطہ نظر بھارت ٹیکس کو عالمی ٹیکسٹائل شوکیس کے طور پر پوزیشن دینے میں اہم کردار ادا کرتا ہے، اور مجھے یقین ہے کہ یہ تقریب ہندوستان میں ٹیکسٹائل کے شعبے کی ترقی میں اہم کردار ادا کرے گی۔

مرکزی وزیر نے بھارت ٹیکس 2024 کی برانڈنگ اور فروغ کے لیے اپنے وژن اور نئے آئیڈیاز کا بھی اشتراک کیا اور کہا کہ اس تقریب کو وسیع پیمانے پر شمولیتی ہونا چاہیے۔ انہوں نے سفارش کی کہ تمام شرکت کرنے والے نمائش کنندگان کی ایک آن لائن ڈائرکٹری تیار کی جائے جو ٹیکسٹائل کے تمام کھلاڑیوں کا انسائیکلوپیڈیا بن سکتا ہے۔

بھارت ٹیکس 26 سے 29 فروری 2024 کو نئی دہلی میں بھارت منڈپم اور یشوبھومی میں شیڈول ہے۔ بھارت ٹیکس 2024 ایک عالمی ٹیکسٹائل میگا ایونٹ ہے جس کا اہتمام 11 ٹیکسٹائل ای پی سی کے ذریعے کیا جاتا ہے اور اس کی حمایت ٹیکسٹائل کی وزارت کرتی ہے۔

کمیٹی نے بین الاقوامی اور ملکی شرکت کی صورتحال پر تفصیلی اپ ڈیٹ فراہم کیا۔ اس بات پر روشنی ڈالی گئی کہ ملکی صنعت کی جانب سے ایونٹ میں شرکت میں بڑی دلچسپی ہے۔ یہ بتایا گیا کہ ہندوستان اور عالمی سطح پر کئی کامیاب روڈ شوز اور سرمایہ کاروں کی گول میز کانفرنس منعقد کی گئی ہیں اور بین الاقوامی دلچسپی اور ایونٹ میں شرکت کے لیے ہندوستان میں غیر ملکی سفارت خانوں اور بیرون ملک ہندوستانی مشن کے ساتھ بات چیت کے متعدد دور کامیابی کے ساتھ انجام پا چکے ہیں۔ اتر پردیش بھارت ٹیکس میں شراکت دار ریاست کے طور پر اور مدھیہ پردیش فوکس اسٹیٹ کے طور پر حصہ لے رہا ہے۔

آدتیہ برلا گروپ اور ریلائنس انڈسٹریز لمیٹڈ بالترتیب پلاٹینم اور گولڈ پارٹنرز کے طور پر حصہ لے رہے ہیں۔ اروند لمیٹڈ، اندوراما وینچرز، ٹرائیڈنٹ گروپ، اور ویلسپن سلور پارٹنر کے طور پر شراکت داری کر رہے ہیں۔ چارجرز پی سی سی (فرانس)، شاہی ایکسپورٹس، پرل گلوبل اور ڈبلیو جی ایس این کو بالترتیب ایسوسی ایٹ پارٹنر، سسٹین ایبلٹی پارٹنر، فیشن پارٹنر اور ٹرینڈ پارٹنر کے طور پر نامزد کیا گیا ہے۔ جناب گوئل نے کونسلوں کی کوششوں کی تعریف کی اور اسپانسرز اور شراکت داروں کا شکریہ ادا کیا۔

محترمہ رچنا شاہ، سکریٹری، ٹیکسٹائل وزارت، وزارت کے سینیئر عہدیداروں بشمول جناب روہت کنسل، ایڈیشنل سکریٹری، اور سمت شبھرا، تجارتی مشیر اور ای پی سی کے نمائندوں کے ساتھ موجود تھیں۔ بحث کے دوران معاون شراکت دار یعنی انوسٹ انڈیا فکی کے پی ایم جی، میسی فرینکفرٹ، انڈیا بھی موجود تھے۔

*************

 

ش ح۔ ف ش ع- م ف

U: 3474

(Release ID: 1994992) Visitor Counter : 86