آر ای سی لمیٹڈ، ایک مہارتنا سنٹرل پبلک سیکٹر انٹرپرائز جو بجلی کی وزارت کے تحت ہے، نے ‘سڑکوں اور شاہراہوں کے لیے فنانسنگ’ پر ایک کانفرنس کی میزبانی کی، تاکہ تمام اہم اسٹیک ہولڈرز کو ایک چھت کے نیچے لایا جا سکے اور اس شعبے کے مالیاتی پہلوؤں پر تبادلہ خیال کیا جا سکے۔ یہ کانفرنس 8 جنوری 2024 کو نئی دہلی میں منعقد ہوئی اور اس میں حکومت اور صنعت کے اہم اسٹیک ہولڈرز نے شرکت کی،جن میں روڈ ٹرانسپورٹ اور ہائی ویز کی وزارت، نیشنل ہائی ویز اتھارٹی آف انڈیا، انڈین روڈ کانگریس، نیشنل ہائی ویز بلڈرز فیڈریشن، ریاست سڑک کی ترقی کی تنظیمیں، صنعت کے پالیسی ساز، اور ڈویلپرز شامل تھے۔

کانفرنس کے دوران ۔ دلیپ بلڈکون لمیٹڈ، جی ایم آر پاور اینڈ اربن انفرا، سی ڈی ایس انفرا پروجیکٹس لمیٹڈ اور ڈی پی جین اینڈ کمپنی انفراسٹرکچر پرائیویٹ لمیٹڈ کے ساتھ 16,000 کروڑ روپے مالیت کے مفاہمت ناموں پر دستخط کئے گئے۔

شرکاء سے خطاب کرتے ہوئے، سڑک نقل و حمل اور شاہراہوں کی وزارت کے سکریٹری، جناب انوراگ جین نے سیکٹر کی ترقی اور سڑک کے منصوبوں کی مالی اعانت میں آسانی کے لیے وزارت کے وژن کے بارے میں بات کی۔ انہوں نے ہندوستان کی سڑکوں اور شاہراہوں کے سفر کے بارے میں بات کی اور کہا کہ پچھلے کچھ سالوں میں سڑکوں کے معیار میں نمایاں بہتری آئی ہے۔ اس کے ساتھ انہوں نے امید ظاہر کی کہ آر ای سی لمیٹڈ اورسڑک نقل و حمل اور شاہراہوں کی وزارت(ایم او آر ٹی ایچ) ایک ساتھ ترقی کریں گے۔

خطبہ استقبالیہ میں، سیم ایم ڈی ، آر ای سی لمیٹڈ، جناب وویک کمار دیوانگن نے آر ای سی کے قرضہ جاتی نظام کا ایک جائزہ پیش کیا، اس کے ساتھ ساتھ سڑک کے شعبے پر خصوصی توجہ کے ساتھ غیربرقی انفراسٹرکچر کی مالی اعانت کے لیے کمپنی کے وژن کا بھی جائزہ لیا۔ جناب دیوانگن نے کہا کہ ہندوستان میں سڑکوں اور شاہراہوں کی صنعت ہماری اقتصادی ترقی میں اہم کردار ادا کرتی ہے۔ ‘‘بھارت مالا، ساگرمالا، نیشنل انفراسٹرکچر پائپ لائن جیسے حکومت کے اقدامات نے سڑکوں کے شعبے میں توسیع کا مرحلہ طے کیا ہے۔ اپنی مرضی کے مطابق قرض کی مالی اعانت کے اقدامات کی ضرورت آج کے وقت سے زیادہ کبھی محسوس نہیں کی گئی۔ ہم،آر ای سی لمیٹڈ میں، اس سفر میں شراکت دار بننے کے لیے پرعزم ہیں۔’’

کانفرنس کے پروگراموں میں آر ای سی اورسڑک اور شاہراہوں سے متعلق ایجنسیوں کی جانب سے پیشکشیں  شامل کی گئیں، جس میں سیکٹر کے اندر مالیاتی چیلنجوں اور مواقع کے بارے میں ان کے منفرد نقطہ نظر کو اجاگر کیا گیا۔ اس  کانفرنس کے ذریعہ قرض دہندگان اور قرض دہندگان دونوں کے نقطہ نظر کو پیش کرنے کا موقع فراہم کیاگیا، اس کے بعد ایک کھلے فورم پر بحث ہوئی، جس میں روڈ اور ہائی وے ڈویلپرز کے سوالات کے حل  پر غور و خوض کیا گیا۔

آر ای سی لمیٹڈ ایک این بی ایف سی ہے جو پورے ہندوستان میں بجلی کے شعبے کےلئے مالیہ کی فراہمی اور ترقی پر توجہ مرکوز کرتا ہے۔ 1969 میں قائم ہونے والی، آر ای سی لمیٹڈ نے اپنی کارکردگی کے پچاس سال سے زیادہ مکمل کر لیے ہیں۔ یہ ریاستی بجلی بورڈز، ریاستی حکومتوں، مرکزی اور ریاستی بجلی کی افادیتوں، آزاد بجلی پیدا کرنے والوں، دیہی الیکٹرک کوآپریٹیو اور نجی شعبے کی افادیت کو مالی مدد فراہم کرتا ہے۔ اس کی کاروباری سرگرمیوں میں پیداوار،منتقلی، تقسیم اور قابل تجدید توانائی سمیت مختلف قسم کے منصوبوں کے لیے پاور سیکٹر کی مکمل ویلیو چین میں فنانسنگ پروجیکٹس شامل ہیں۔ آر ای سی کی فنڈنگ ہندوستان میں ہر چوتھے بلب کو روشن کرتی ہے۔آر ای سی نے حال ہی میں فنانسنگ انفراسٹرکچر اور لاجسٹک سیکٹر میں بھی تنوع پیدا کیا ہے۔ آر ای سی  کی طرف سے جاری کئے جانے والے  قرضہ جات  کی رقم موجودہ مالی سال کی پہلی سہ ماہی کے اختتام پر 4.54 لاکھ کروڑ روپے ہے۔

*************

ش ح۔س ب ۔م ش

(U-3408)