عملے، عوامی شکایات اور پنشن کی وزارت
ادھم پور لوک سبھا انتخابی حلقہ ’وکست بھارت سنکلپ یاترا‘اسکیموں میں سیرت (سیچوریشن) کے قریب پہنچ گیا
Posted On:
08 JAN 2024 8:45PM by PIB Delhi
مرکزی وزیر مملکت (آزادانہ چارج) سائنس اور ٹکنالوجی؛ وزیر اعظم کے دفتر، عملہ، عوامی شکایات، پنشن، ایٹمی توانائی اور خلا، ڈاکٹر جتیندر سنگھ نے آج مطلع کیا کہ ادھم پور- کٹھوعہ لوک سبھا حلقہ نے تمام اسکیموں جیسے کسان کریڈٹ کارڈ، پی ایم اجول یوجنا اور پی ایم کسان سمان ندھی یوجنا، جس کا احاطہ وکست بھارت سنکلپ یاترا کے تحت کیا جا رہا ہے، میں تقریباً سیرت (سیچوریشن) حاصل کر لی ہے۔
ڈاکٹر جتیندر سنگھ جموں و کشمیر کے کٹھوعہ ضلع کے بلاک برنوتی میں پنچایت بھورتھن نارتھ (بیرا) میں منعقدہ وکاس بھارت سنکلپ یاترا تقریب سے خطاب کر رہے تھے۔
وزیر موصوف نے بتایا کہ ملک کے 500 طاق حلقوں میں سے ادھم پور- کٹھوعہ لوک سبھا نشست ترقیاتی کاموں کی تکمیل کے لحاظ سے نمایاں ہے۔ انہوں نے کہا کہ یہ ملک کا واحد حلقہ ہے جس کے ادھم پور، کٹھوعہ اور ڈوڈہ اضلاع میں تین مرکزی امداد یافتہ میڈیکل کالج ہیں۔ جہاں تک فلاحی اسکیموں پر عمل درآمد کا تعلق ہے تو اس حلقے کا شمار بھی اولین میں ہوتا ہے۔
وزیر موصوف کو انتظامیہ کے ذریعہ اپ ڈیٹ کیا گیا کہ کسان کریڈٹ کارڈ اور پی ایم کسان سمان ندھی یوجنا وغیرہ جیسی زراعت سے متعلق اسکیموں میں پی ایم اجول یوجنا کے علاوہ تقریباً 100 فیصد سیچوریشن حاصل کی گئی ہے، آیوشمان کارڈ نے تقریباً 99 فیصد ہدف حاصل کیا ہے اور اس کی رفتار بڑھ گئی ہے۔ پردھان منتری آواس یوجنا میں خاطر خواہ اضافہ کیا گیا ہے جو ان لوگوں کو پکے مکان فراہم کرکے گیم چینجر ثابت ہوئی ہے جنہوں نے کبھی اس کا خواب بھی نہیں دیکھا تھا اور نہ ہی اس کی خواہش تھی۔
ڈاکٹر جتیندر سنگھ نے کہا کہ 50 روزہ یاترا کے ذریعے ذہنیت اور سماجی ثقافت میں تبدیلی آئی ہے، انہوں نے مزید کہا کہ پہلے لوگوں کو اپنے کام کروانے کے لیے اور خدمات کی فراہمی کے لیےسرکاری محکموں اور اہلکاروں کے پاس جانا پڑتا تھا۔ اسے تبدیل کر دیا گیا ہے کیونکہ اب یہ حکومت ہے جو شہریوں کی براہ راست خدمت کے لیے ان کی دہلیز پر آئی ہے۔ انہوں نے مزید کہا کہ اس حکومت نے موجودہ ورک کلچر کو تبدیل کر دیا ہے۔
وزیر موصوف نے کہا کہ عوامی نمائندے بلا تفریق ذات پات، مسلک یا مذہب کی بنیاد پر خدمات سرانجام دے رہے ہیں۔ اس سے سماجی رویوں، نفسیات کے ساتھ ساتھ رویے میں بھی مثبت تبدیلی آئی ہے۔
ڈاکٹر جتیندر سنگھ نے کہا کہ پی ایم وشوکرما یوجنا نے کاریگروں اور دستکار افراد کو ان کے دستکاری کو آگے بڑھانے کے لیے مالی مدد فراہم کر کے بااختیار بنایا ہے جو کہ (دستکاری) مر رہی تھی۔ انہوں نے وضاحت کرتے ہوئے کہا کہ حکومت انہیں نہ صرف وظیفہ دے رہی ہے بلکہ انہیں تربیت بھی فراہم کر رہی ہے تاکہ ان کا کاروبار ترقی کر سکے اور زیادہ سے زیادہ نوجوان اس ہنر کو اپنائیں جس سے کم منافع مل رہا تھا۔
ڈاکٹر جتیندر سنگھ نے کہا کہ اسی طرح، پی ایم سواندھی یوجنا پٹری کے دکانداروں کی مدد کے لیے آگے آئی ہے جو اس اسکیم کے تحت 10,000 روپے تک کا قرض حاصل کر سکتے ہیں تاکہ وہ اپنا کاروبار قائم کر سکیں، اور عزت کے ساتھ زندگی گزار سکیں۔ ڈاکٹر جتیندر سنگھ نے کہا کہ پٹری فروش اب معاشرے کا ایک اہم حصہ بن چکے ہیں۔
ش ح۔ ش ت۔ج
Uno-3399
(Release ID: 1994386)
Visitor Counter : 89