కేరళలో 12 జాతీయ రహదారి ప్రాజెక్టులను ప్రారంభించి శంకుస్థాపన చేసిన శ్రీ నితిన్ గడ్కరీ

కేరళ రాష్ట్ర ఆధునిక-రహదారి మౌలిక సదుపాయాలకు అపారమైన విభాగాన్ని జోడిస్తూ.. కేంద్ర రోడ్డు రవాణా మరియు రహదారుల శాఖ మంత్రి శ్రీ నితిన్ గడ్కరీ రూ.1464 కోట్ల విలువైన 12 జాతీయ రహదారి ప్రాజెక్టులను ప్రారంభించి శంకుస్థాపన చేశారు. మొత్తం 105 కి.మీ పొడవుతో కూడిన ఈ పనులను మంత్రి ప్రారంభించారు.  కేంద్ర రోడ్డు రవాణా రహదారుల శాఖ సహాయ మంత్రి శ్రీ వి. మురళీధరన్, కేరళ పీడబ్ల్యుడీ మంత్రి శ్రీ పి.ఎ.మహమ్మద్‌ రియాస్‌, కాసర్‌గోడ్‌ ఎంపీ శ్రీ రాజ్‌మోహన్‌ ఉన్నితన్‌, ఎమ్మెల్యేలు, సీనియర్‌ అధికారుల సమక్షంలో శుక్రవారం కేరళలోని కాసర్‌గోడ్‌లో ఈ పనులకు శ్రీ నితిన్ గడ్కరీ శంకుస్థాపన , ప్రారంభోత్సవం చేశారు.  ప్రతిపాదిత ప్రాజెక్టులు తమిళనాడు మరియు కేరళల మధ్య ఎలాంటి అవాంతారాలు లేని అనుసంధానతను మెరుగుపరచడం, వేగవంతమైన మరియు ఇబ్బంది లేని రవాణాను నిర్ధారిస్తాయి. ఈ చొరవ మొత్తం రవాణా ఖర్చులను తగ్గించే అంశాన్ని కలిగి ఉంది. అంతే కాకుండా, జాతీయ రహదారులపై బ్లాక్ స్పాట్‌లను తొలగించడంపై దృష్టి సారించడం వల్ల రోడ్డు ప్రమాదాలు గణనీయంగా తగ్గేందుకు దోహదపడుతుందని అంచనా. కేరళలో సామాజిక-ఆర్థిక వృద్ధిని పెంపొందించడం ద్వారా ప్రత్యక్షంగా మరియు పరోక్షంగా గణనీయమైన ఉపాధి అవకాశాలను సృష్టించేందుకు ఈ సంస్థ సిద్ధంగా ఉంది. దీనికి తోడు మున్నార్‌కు మెరుగైన యాక్సెసిబిలిటీ పర్యాటక సామర్థ్యాన్ని పెంచుతుందని అంచనా వేయబడింది, అయితే హై-లెవల్ వంతెన నిర్మాణం వరదల సమయంలో 27 కి.మీ ప్రక్కదారిని తొలగిస్తుంది, ప్రయాణాన్ని సులభతరం చేస్తుంది మరియు కీలకమైన కేరళ ఉత్పత్తుల ఎగుమతికి ప్రయోజనం చేకూరుస్తుంది.

***