آر ای سی لمیٹڈ نے بینک آف بڑودہ کے ساتھ ایک مفاہمت کی یادداشت (ایم او یو) پر دستخط کیے ہیں تاکہ اگلے تین سالوں میں ملک میں بجلی، بنیادی ڈھانچے اور لاجسٹکس کے منصوبوں کو فنڈ دینے کے لیے قرضوں کی مشترکہ منظوریوں کو آسان بنایا جا سکے۔ ان اہم شعبوں  کو مضبوط بنانے کی ضرورت کو تسلیم کرتے ہوئے، آر ای سی  لمیٹڈ اور بینک آف بڑودہ پائیدار ترقی کو آگے بڑھانے اور ملک کے بنیادی ڈھانچے کی ریڑھ کی ہڈی کو تقویت دینے کے مشترکہ وژن کے ساتھ متحد ہیں۔ وسائل اور مہارت کو جمع کر کے، دونوں ادارے ایسے چیمپیئن اقدامات کی کوشش کررہے ہیں جو اقتصادی ترقی کو تقویت بخشیں گے اور ملک بھر میں ضروری خدمات تک رسائی میں اضافہ کریں گے۔

مفاہمت نامے پر 3 جنوری 2024 کو چیئر پرسن اور منیجنگ ڈائریکٹر (سی ایم ڈی)، آر ای سی لمیٹڈ، جناب وویک کمار دیوانگن اور منیجنگ ڈائریکٹر اور سی ای او، بینک آف بڑودہ، جناب دیبادتا چند کے ساتھ ایگزیکٹو ڈائریکٹر، بینک آف بڑودہ، جناب  للت تیاگی کی موجودگی میں دستخط کیے گئے۔

 

 

 

تعاون پر تبصرہ کرتے ہوئے، جناب  دیوانگن نے کہا: ’’یہ تاریخی معاہدہ ملک کی ترقی کے لیے اہم منصوبوں کی تکمیل میں تیزی لانے کے لیے ایک باہمی تعاون کی کوشش کی نشاندہی کرتا ہے۔ یہ شراکت داری جامع ترقی کو فروغ دینے کے ہمارے عزم میں ایک اہم پیشرفت کی نشاندہی کرتی ہے۔ بجلی کے شعبہ  میں آر ای سی  کی مہارت اور بینک آف بڑودہ کی مالی صلاحیت کے درمیان ہم آہنگی کو بروئے کار لاتے ہوئے، ہمارا مقصد ایسے تبدیلی کے منصوبوں کو متحرک کرنا ہے جو کمیونٹیز پر مثبت اثر ڈالیں گے اور سماجی و اقتصادی ترقی کو آگے بڑھائیں گے۔‘‘

 

منیجنگ ڈائریکٹر اور سی ای او، بینک آف بڑودہ، جناب دیبادتاچند نے کہا: ’’یہ مفاہمت نامہ بینک آف بڑودہ اور آر ای سی  کو پاور (بشمول قابل تجدید بجلی)، بنیادی ڈھانچے  اور لاجسٹکس پروجیکٹوں کے لیے مشترکہ طور پر فنانس کرنے کے قابل بنائے گا۔ ہندوستانی معیشت مضبوط ترقی کی راہ پر گامزن ہونے کے ساتھ، ہم سرمایہ کے اخراجات اور نجی سرمایہ کاری میں اضافہ دیکھیں گے اور باہمی تعاون اور اختراعی مالیاتی ڈھانچے کی بڑھتی ہوئی ضرورت کو دیکھیں گے۔

 

آر ای سی  لمیٹڈ اور بینک آف بڑودہ کے بارے میں

 

آر ای سی لمیٹڈ، ایک مہارتن سنٹرل پبلک سیکٹر ادارہ ہے ، جو 1969 میں بجلی کی وزارت کے تحت قائم کیا گیا تھا، پاور انفراسٹرکچر کے شعبے کے لیے طویل مدتی قرضے اور دیگر مالیاتی مصنوعات فراہم کرتا ہے جس میں جنریشن، ٹرانسمیشن، ڈسٹری بیوشن، قابل تجدید توانائی اور نئی ٹیکنالوجیز جیسے الیکٹرک وہیکلز، بیٹری اسٹوریج  اور گرین ہائیڈروجن شامل ہیں۔ ابھی حال ہی میں، آر ای سی  نے سڑکوں اور ایکسپریس ویز، میٹرو ریل، ہوائی اڈے، آئی ٹی کمیونیکیشن، سماجی اور تجارتی انفراسٹرکچر (تعلیمی ادارہ، اسپتال)، بندرگاہوں اور الیکٹرو مکینیکل (ای اینڈایم ) کے کاموں پر مشتمل غیر بجلی بنیادی ڈھانچے  کے شعبے میں بھی تنوع پیدا کیا ہے۔ مختلف دیگر شعبوں جیسے اسٹیل، ریفائنری وغیرہ۔ آر ای سی  کی قرض کی کتاب 4.74 لاکھ کروڑ روپے سے زیادہ ہے۔

20 جولائی 1908 کو سر مہاراجہ سیاجی راؤ گایکواڈ III کے ذریعہ قائم کیا گیا، بینک آف بڑودہ ہندوستان کے معروف تجارتی بینکوں میں سے ایک ہے۔ 63.97% حصص پر، یہ بڑی حد تک حکومت ہند کی ملکیت ہے۔ بینک پانچ براعظموں کے 17 ممالک میں پھیلے ہوئے 70,000 ٹچ پوائنٹس کے ذریعے اور اپنے مختلف ڈیجیٹل بینکنگ پلیٹ فارمز کے ذریعے ~165 ملین کے اپنے عالمی کسٹمر بیس کو خدمات فراہم کرتا ہے، جو تمام بینکنگ مصنوعات اور خدمات بغیر کسی رکاوٹ اور پریشانی کے فراہم کرتے ہیں۔ بینک کا وژن اس کے متنوع کلائنٹ بیس کی خواہشات سے میل کھاتا ہے اور بینک کے ساتھ اپنے تمام معاملات میں اعتماد اور تحفظ کا احساس پیدا کرنے کی کوشش کرتا ہے۔

*********

U.NO. 3247

(ش ح۔ام۔)

(Release ID: 1993074) Visitor Counter : 117