مرکزی وزیر ڈاکٹر جتیندر سنگھ نے کہا ہے کہ حالیہ دنوں میں چندریان اور اس جیسی دیگر سائنس کی کامیابی کی کہانیوں نے بچوں بچوں  کی سوچ اور قابلیت کو متحرک کیا ہے ۔

انہوں نے کہا کہ نوجوانوں اذہان میں تجسس ،سائنس اور ٹیکنالوجی اور اختراع کے ساتھ ملک کی مستقبل کی ترقی کو آگے بڑھائے گا، جس کے نتیجے میں آتم نربھر اور وِکست بھارت2047 @  کو تقویت ملے گی۔

انہوں نے کہاکہ وزیر اعظم جناب نریندر مودی سائنسی مزاج  کے ہیں اور سائنس اور ٹیکنالوجی (ایس اینڈٹی) پر مبنی پہل اور پروجیکٹوں کو دلچسپی سے فروغ دیتے ہیں۔

سائنس وٹیکنالوجی کے وزیر مملکت (آزادانہ چارج)، وزیر اعظم کے دفتر، عملے، عوامی شکایت، پنشن ، ایٹمی توانائی اور خلاء کے وزیر مملکت ڈاکٹر جتندر سنگھ کل نئی دہلی میں ایک تقریب میں سال 2022 کے لیے سی ایس آئی آر ینگ سائنٹسٹ ایوارڈز اور جی این رام چندرن میڈل پیش کرنے کے بعد خطاب کررہے تھے۔

ڈاکٹر جتیندر سنگھ نے کہا کہ سی ایس آئی آر نے ہندوستان کو دنیامیں صف اول کا رول حاصل کرنے کے قابل بنایا ہے۔

انہوں نے کہا کہ چونکہ اب ہم عالمی پیرامیٹرز اور حکمت عملیوں کی پیروی کر رہے ہیں اور عالمی معیارات کے مطابق زندگی گزار رہے ہیں، ہمیں بھی اسی صف میں رہنا پڑے گا جیسا کہ وہ ہیں۔

ڈاکٹر جتیندر سنگھ نے کہا کہ خواتین نے سائنس و تکنالوجی  کے منصوبوں کی بڑھتی ہوئی تعداد میں قائدانہ کردار ادا کیا ہے۔

انہوں نے خلائی منصوبوں میں خواتین کا حوالہ دیتے ہوئے کہاکہ ہم نے ان ایوارڈ فنکشنز میں دیکھا ہےکہ روزبروز خواتین کی تعداد بڑھ رہی ہے اور بہت سے شعبوں میں خواتین کی تعداد مردوں سے زیادہ ہے۔

مرکزی وزیر نے کہا، چندریان-3 کے چاند پر اترنے کے بعد، ہندوستان کے خلائی ریسرچ پروجیکٹوں میں بہت زیادہ تجسس اور عوامی دلچسپی پیدا ہوئی ہے۔ انہوں نے طلباء کو ملک بھر میں سی ایس آئی آر لیبز کا دورہ کرنے کی  کی ترغیب دی۔ انہوں نے بتایاکہ  یہ  لیپس نئے ہندوستان کی جدید یادگاریں ہیں۔

 انہوں نے کہاکہ اگر وزیر اعظم یہ کہتے رہتے ہیں کہ ہندوستان دنیا کی پانچ اعلیٰ معیشتوں میں شامل ہے، تو یہ کیسے ہو رہا ہے؟ یہ یہاں ہو رہا ہے۔

وزیر موصوف نے امید ظاہر کی کہ آنے والے سالوں میں ہندوستان میں اختراع 5 ٹریلین امریکی ڈالر کی معیشت بننے کے ہدف کو حاصل کرنے میں اہم کردار ادا کرے گی۔

ڈاکٹر جتیندر سنگھ نے کہاکہ یہ نوجوان اختراع کار وکست بھارت@2047 بنانے میں تعاون کرنے کے لئے امرت کال میں ایک اہم کردار ادا کریں گے جب ہندوستان آزادی کے سو سال کا جشن منائے گا۔

ڈاکٹر جتیندر سنگھ نے کہا،‘‘آزادی کے بعد بھارت کی یہ تیسری نسل سب سے زیادہ خوش قسمت ہے کیونکہ وہ اب‘اپنی امنگوں کے قیدی’ نہیں رہے۔’’ ڈاکٹر جتیندر سنگھ نے کہاکہ یہ سب سے بہترین وقت ہے کیونکہ بھارت صف اول میں ہیں، جس میں وزیراعظم کی شاندار قیادت میں جدت طرازی کا مشاہدہ کیا جا رہا ہے۔

*********

 

 (ش ح۔ع  ح ۔م ص)

U .NO -3061

(Release ID: 1991286) Visitor Counter : 84