دہلی ڈیولپمنٹ اتھارٹی (ڈی ڈی اے) کو اس کے 67 ویں سنستھاپن دیوس یعنی یوم تاسیس کی تقریبات پر اپنی نیک خواہشات کا اظہار کرتے ہوئے، مکانات اور شہری امور اور پٹرولیم نیز قدرتی گیس کے مرکزی وزیر جناب ہردیپ سنگھ پوری نے  گذشتہ کئی برسوں کے دوران دہلی کی منصوبہ بندی اور ترقی میں ڈی ڈی اے کے کلیدی کردار کو اجاگر کیا۔جناب پوری نے کہا کہ یہ، جزوی طور پر ،ان کی کوششوں کی وجہ سے ہے کہ دہلی عالمی معیار کا شہر بننے کسی راہ پر گامزن ہے۔

ڈی ڈی اے نے اپنا 67 واں یوم تاسیس( سنستھاپن دیوس) بڑے جوش و خروش کے ساتھ منایا۔مکانات اور شہری امور کے مرکزی وزیر جناب ہردیپ سنگھ پوری اور دہلی کے لیفٹیننٹ گورنر جناب وی کے سکسینہ نے اس تقریب میں شرکت کی۔ اس موقع پرڈی ڈی اے اتھارٹی کے ارکان بشمول  وائس چیئرمین ڈی ڈی اے،جناب سبھاشیش پانڈا، شری وجیندر گپتا، ایم ایل اے، جناب او پی شرما، ایم ایل اے، فائنانس ممبر ڈی ڈی اے،جناب وجے کمار سنگھ، اور انجینئر ممبر ڈی ڈی اے  جناب اشوک کمار گپتا بھی موجود تھے۔

اس موقع پر تقریب سےخطاب کرتے ہوئے جناب پوری نے کہا کہ ڈی ڈی اے کا سب سے نمایاں اور گراں قدرتعاون اس کی  اس بات کویقینی بنانے کے لئے کوششیں رہی ہے کہ  معاشرے کے معاشی طور پر کمزور اور پسماندہ طبقات ایک ایسا شہر بنانے کے عزائم میں پیچھے نہ رہیں جو بدلتے وقت کے ساتھ ہم آہنگ ہو۔اس نےان –سیتو سلم رہیلبلیٹیشن پروجیکٹ  یعنی اسی مقام پر باز آباد کاری سے متعلق پروجیکٹ کے تحت کامیابی کے ساتھ مکانات فراہم کیے ہیں اورپی ایم اودے کے تحت دہلی کی 1,731 غیر مجاز کالونیوں کے رہائشیوں کو ملکیت کے حقوق دینے کے عمل میں بھی مصروف  ہے۔

اجتماع سے خطاب کرتے ہوئے، لیفٹیننٹ گورنرجناب وی کے سکسینہ نے کہا،‘‘ڈی ڈی اے کے چیئرمین کی حیثیت سے، میں گزشتہ ڈیڑھ سال سے ڈی ڈی اے کے تمام پروجیکٹوں میں ذاتی طور پر شامل رہا ہوں۔ اور میں فخر سے کہوں گا کہ میں قومی سرمائے کی تشکیل میں ان کی محنت سے بہت متاثر ہوں۔

انہوں نے مزید کہا کہ ‘‘دہلی ایک پیچیدہ اوردرخشاں شہر ہے جس میں متعدد ایجنسیاں کام کر رہی ہیں اور حکومت اور اس کی ایجنسیوں سے لوگوں کی توقعات بھی بہت زیادہ ہیں۔ان کو پورا کرنا آسان کام نہیں ہے۔لیکن میں یہ بات  ضرورکہوں گا کہ ڈی ڈی اے نے شہر کی ہمہ گیر ترقی کے لیے ایک اہم کردار ادا کیا ہے۔’’

ڈی ڈی اے کےملازمین کے تعاون کو سراہنے کے لیے، کئی افسران اور عملے کو تنظیم میں نمایاں خدمات انجام دینے پر اعزازات سےنوازا گیا۔ اس کے علاوہ ایک  ثقافتی شام کا بھی اہتمام کیا گیا۔

اس موقع پر ڈی ڈی اے کے سفر پر روشنی ڈالنے والی ایک کافی ٹیبل بک کا اجراء کیا گیا اور ڈی ڈی اے کی ایک کارپوریٹ فلم کی بھی نمائش کی گئی۔

یوم تاسیس (سنستھاپن دیوس) کے سلسلے میں، ڈی ڈی اے کی جانب سے بہت سے پروگرام منعقد کیے گئے جن میں‘نئے  خیالات و نظریات ،نئی اختراعات اور ڈی ڈی اے کے لیے آگے بڑھنے کا راستہ’ کے موضوع پر ایک غورو خوض کی نشست بھی شامل ہے جہاں تمام محکموں نے ڈی ڈی اے کے  وائس چیئرمین سامنے پریزنٹیشن دیں۔

اس کے علاوہ ڈی ڈی اےکے وائس چیئرمین نے نوجوان افسران کے ساتھ بھی بات چیت کی تاکہ وہ چیلنجز اور آنے والے مواقع کے بارے میں ان کے نقطہ نظر کو سمجھ سکیں۔ اس کے ساتھ ساتھ اس موقع پر  انڈور اور آؤٹ ڈور کھیلوں کے مختلف مقابلوں کا بھی اہتمام کیا گیا۔

*********

(ش ح۔ع م ۔م ش)

U.NO.3047

(Release ID: 1991173) Visitor Counter : 105