ఆదాయపు పన్ను శాఖ 06.12.2023న దేశీయ మద్యం, ధాన్యం ఆధారిత మద్యం, విదేశీ మద్యం బాటిలింగ్,  ఆసుపత్రులు మరియు విద్యాసంస్థలు మొదలైన వాటి తయారీ మరియు విక్రయాల వ్యాపారంలో నిమగ్నమై ఉన్న బిజినెస్ గ్రూప్ పై శోధన స్వాధీనం ఆపరేషన్ నిర్వహించింది. ఈ ఆపరేషన్ ఒడిశా, జార్ఖండ్ మరియు పశ్చిమ బెంగాల్ రాష్ట్రాల్లోని 10 జిల్లాల్లో 30 కంటే ఎక్కువ చోట్ల లో నిర్వహించింది. ఈ బిజినెస్ గ్రూప్   కుటుంబ వ్యాపారం జార్ఖండ్‌లోని రాంచీ కేంద్రం గా నియంత్రించబడుతుంది. బిజినెస్ గ్రూప్ కుటుంబ సభ్యులలో ఒకరు రాంచీలో నివసిస్తున్న రాజకీయ వ్యక్తి.

 

శోధన ఆపరేషన్ సమయంలో నేరారోపణ సాక్ష్యం గా పెద్ద సంఖ్యలో  పత్రాలు మరియు డిజిటల్ డేటా కనుగొనబడింది మరియు స్వాధీనం చేసుకుంది. స్వాధీనం చేసుకున్న సాక్ష్యాల  ప్రాథమిక విశ్లేషణలో దేశంలోని మద్యం విక్రయాల రికార్డులు, బహిర్గతం చేయని నగదు రసీదుల యొక్క క్రమబద్ధమైన వివరాలు మరియు ఖాతాలో లేని నగదు తరలింపుకు వంటి చూపబడని లెక్కలు సంబంధించిన ఆధారాలు వెల్లడయ్యాయి. బిజినెస్ గ్రూప్ యొక్క వ్యాపార కార్యకలాపాలను చూస్తున్న ప్రధాన ఉద్యోగులు, శోధన ఆపరేషన్ సమయంలో కనుగొనబడిన మరియు స్వాధీనం చేసుకున్న నగదు, గ్రూప్ కి చెందిన అనేక వ్యాపారాలాలలో ఖాతాలో లేని ఆదాయాన్ని సూచిస్తుందని అంగీకరించారు. వ్యాపారంలో చురుకుగా పాల్గొంటున్న కుటుంబ సభ్యులలో ఒకరు కూడా దీనిని ధృవీకరించారు. శోధన ఆపరేషన్‌లో బయటపడిన వాస్తవాలు మద్యం వ్యాపారం ద్వారా వచ్చే ఆదాయాన్ని భారీగా అణచివేతకు గ్రూప్ పాల్పడుతున్నట్లు సూచిస్తున్నాయి.

 

ఈ శోధన ఆపరేషన్‌లో రూ.351 కోట్లుకు పైగా నగదు   రూ. 2.80 కోట్లు లెక్కల్లో చూపని ఆభరణాలు స్వాధీనం చేసుకున్నారు. నగదులో గణనీయమైన భాగం, రూ. 329 కోట్లు, బోలంగీర్ జిల్లాలోని సుదాపాడా మరియు టిట్లాగఢ్ మరియు సంభల్పూర్ జిల్లాలోని ఖేత్రాజ్‌పూర్‌తో సహా ఒడిషాలోని చిన్న పట్టణాలలో ఉన్న  శిథిలావస్థలో ఉన్న భవనాలు, దాచిన గదులు మరియు మభ్యపెట్టబడిన/నిర్దేశిత నివాసాలలో దాచిన భద్రమైన ఇళ్ళ నుండి నుండి త్రవ్వకాలు జరిపి స్వాధీనం చేసుకున్నారు.

 

తదుపరి విచారణలు జరుగుతున్నాయి.

 

****

(Release ID: 1989551)