ہاؤسنگ اور شہری امور کی وزارت کے وزیر مملکت جناب  کوشل کشور نے آج لوک سبھا میں ایک تحریری جواب میں بتایا کہ اس بات کو یقینی بنانے کے لیے کہ شہری ہندوستان کے غریب گھرانے سمیت ہر شہری کو صفائی ستھرائی کی سہولیات تک رسائی حاصل ہو، حکومت ہند نے 2 اکتوبر 2014 کو سوچھ بھارت مشن – اربن (ایس بی ایم-یو) کا آغاز کیا، جس کا مقصد شہری علاقوں کو کھلے میں رفع حاجت سے پاک (او ڈی ایف)بنانا ہے۔ یہ مقصد63.07 لاکھ انفرادی گھریلو لیٹرین (آئی ایچ ایچ ایل) یونٹس کی تعمیر کے ساتھ حاصل کیا گیا ہے جو کہ ہدف کا 113.75فیصد اور 6.37 لاکھ کمیونٹی اور عوامی بیت الخلاءتعمیر کئے گئے، جو کہ  ہدف کا تقریباً 128فیصد ہے۔ اس کے علاوہ ایس بی ایم-یو  2.0 یکم  اکتوبر 2021 کو شروع کیا گیا تھا جس کا مقصد 100فیصد ماخذ کی علیحدگی، گھر گھر جاکر کچرا جمع کرنے اور کچرے کے تمام حصوں کے سائنسی انتظام کے ذریعے تمام شہروں کے لیے کوڑا کرکٹ سے پاک حیثیت حاصل کرنا تھا۔ مشن کی مدت26-2021 ہے۔

************

ش ح۔ا گ۔ن ع

U. No.2817

(Release ID: 1989327) Visitor Counter : 75