ملک میں  نئے ہوائی اڈوں کو تیزی سے چالو کرنے کی  وجہ سے  ایئر ٹریفک کنٹرولرس (اے ٹی سی اوز) کے لئے مانگ میں کافی اضافہ ہوا ہے۔ ملک میں اضافی اے ٹی سی اوز  کی پوزیشن  کا مسلسل  جائزہ لیا جاتا ہے اور  پبلک انٹر پرائزز کے محکمے  کی  منظوری  کے بعد نئی پوزیشنیں قائم کی جاتی ہیں۔ بڑھتی ہوئی مانگ کو  مناسب طور پر پورا کرنے کے لئے  2022  سے  اب تک  796  نئی اے ٹی سی اوز   کے عہدے    ملک کے مختلف  حصوں میں  قائم کئے گئے ہیں۔

اس کے علاوہ  اے ٹی سی اوز  کے خالی عہدوں کو براہ راست بھرتی امتحانات  اور  محکمہ جاتی  امتحانات ، دونوں طرح سے  سرگرمی کے ساتھ بھرا جا تا  ہے۔ اس سے  بھرتی کے  بلا رکاوٹ  عمل کو یقینی بنایا جاتا ہے اور اس طرح  بڑھتے ہوئے  ہوا بازی کے سیکٹر  کی ضرورتوں کو پورا کرنے کی خاطر اے ٹی سی اوز کی مناسب  تعداد برقرار رکھنے  کا عمل  مکمل کیا جا تا ہے۔

یہ معلومات  شہری ہوا بازی  کی وزارت   میں وزیر مملکت  جنرل (ڈاکٹر ) وی کے سنگھ (ریٹائرڈ)  نے آج لوک سبھا میں ایک سوال کا تحریری جواب دیتے ہوئے فراہم کیں۔

******************

ش ح  ۔ و ا  ۔ق ر

 U. No-2803

(Release ID: 1989181) Visitor Counter : 77